Cymorth ar gyfer Llog Morgais (SMI)
Beth fyddwch yn ei gael
Byddwch yn cael help i dalu’r llog ar eich morgais neu fenthyciad.
Mae cymorth ar gyfer llog morgais (SMI) fel arfer yn helpu i dalu’r llog am hyd at £200,000 o’ch benthyciad neu forgais. Fodd bynnag, gallwch dim ond cael hyd at £100,000 os byddwch naill ai’n:
- cael Credyd Pensiwn
- dechrau hawlio budd-dal cymwys arall cyn mis Ionawr 2009 ac roeddech o dan oedran Pensiwn y Wladwriaeth ar yr adeg honno
Os ydych yn cael SMI yn barod ac yn symud i Gredyd Pensiwn o fewn 12 wythnos ar ôl stopio eich budd-daliadau eraill, byddwch yn dal i gael help gyda llog ar hyd at £200,000.
Bob blwyddyn, byddwch yn cael 3.66% o’r arian sy’n ddyledus gennych ar eich benthyciad neu forgais. Gall y ganran hon gynyddu neu ostwng.
Enghraifft
Rydych ar Gredyd Cynhwysol ac mae gennych £250,000 o’ch morgais ar ôl i’w dalu. Rydych chi’n gymwys i gael SMI ar gyfer hyd at £200,000.
Ar y gyfradd SMI bresennol, byddwch yn cael benthyciad o £7,320 y flwyddyn, sef 3.66% o £200,000. Bydd hwn yn cael ei dalu fel £610 y miss.
Beth fyddwch yn ei dalu’n ôl
Mae SMI yn cael ei dalu fel benthyciad. Bydd angen i chi ad-dalu’r arian a gewch gyda llog pan fyddwch yn gwerthu neu’n trosglwyddo perchnogaeth o’ch cartref (oni bai eich bod yn [symud y benthyciad i eiddo arall).
Os ydych eisiau ad-dalu’r benthyciad yn gynt, gallwch hefyd wneud ad-daliadau gwirfoddol.
Darganfyddwch fwy am sut i ad-dalu eich benthyciad SMI
Sut y telir SMI
Mae SMI fel arfer yn cael ei dalu’n uniongyrchol i’ch benthyciwr.
Gallwch ofyn i roi’r gorau i gael SMI ar unrhyw adeg drwy gysylltu â’r swyddfa sy’n talu eich budd-dal.
Mae pryd y gall taliadau SMI ddechrau a pha mor aml y maent yn cael eu talu yn dibynnu ar y budd-dal rydych yn ei gael.
Os ydych yn cael Credyd Pensiwn
Gall taliadau ddechrau o’r dyddiad rydych yn dechrau cael Credyd Pensiwn. Bydd SMI yn cael ei dalu bob 4 wythnos
Os ydych yn cael Credyd Cynhwysol
Gall taliadau ddechrau os oes gennych Gredyd Cynhwysol am 3 mis yn olynol.
Os byddwch yn symud i Gredyd Cynhwysol o fewn mis i fudd-dal arall ddod i ben, gall taliadau ddechrau pan fyddwch wedi treulio cyfanswm o 3 mis yn cael y budd-dal blaenorol hwnnw a Chredyd Cynhwysol.
Bydd SMI yn cael ei dalu’n fisol
Os ydych yn cael ESA yn seiliedig ar incwm
Gall taliadau ddechrau pan fyddwch wedi hawlio am 39 wythnos yn olynol.