I fod yn gymwys i gael benthyciad Cymorth ar gyfer Llog Morgais ( SMI ), rhaid bod gennych forgais neu fenthyciad gwella cartref ar gyfer yr eiddo rydych yn byw ynddo. Rhaid i chi hefyd fod yn cael un o’r budd-daliadau cymwys canlynol: Lwfans Cyflogaeth a Chymorth ( ESA ) yn seiliedig ar incwm Credyd Cynhwysol Credyd Pensiwn Cysylltwch â’r swyddfa berthnasol i wneud cais am SMI . Nid oes gwiriad credyd. Gallwch ddechrau cael y benthyciad: o’r dyddiad y byddwch yn dechrau cael Credyd Pensiwn ar ôl i chi gael Credyd Cynhwysol am 3 mis yn olynol neu symud i Gredyd Cynhwysol o fewn mis i fudd-dal arall ddod i ben ac rydych chi wedi treulio cyfanswm o 3 mis yn cael y budd-daliadau hyn Gallwch wneud cais am SMI o’r dyddiad y byddwch yn dechrau cael eich budd-dal. Os gwnaethoch stopio cael SMI oherwydd gwnaethoch stopio cael budd-dal cymwys Byddwch yn dechrau cael SMI eto yn syth os: gwnaethoch stopio cael Credyd Cynhwysol ond wnaethoch ddechrau ei gael eto o fewn 6 mis gwnaethoch stopio cael Credyd Pensiwn a gwnaethoch symud i Gredyd Cynhwysol gwnaethoch stopio cael ESA yn seiliedig ar incwm, a gwnaethoch gais am Gredyd Cynhwysol o fewn mis Fel arall, bydd rhaid i chi aros y cyfnod arferol cyn cael SMI eto.

Pan fyddwch yn gwneud cais am fudd-dal cymwys , gofynnir cwestiynau ychwanegol i chi am eich costau tai i ddarganfod a ydych yn gymwys i gael Cymorth ar gyfer Llog ar Forgais ( SMI ). Os fyddwch wedyn eisiau gwneud cais am SMI , bydd angen i chi lenwi ac arwyddo ffurflen. Nid oes angen i chi dalu ffi i wneud cais. Cyn llenwi’r ffurflen, bydd angen i chi: ddarganfod faint o fenthyciadau morgais neu welliannau’r cartref sydd gennych ar ôl i’w dalu darganfod faint o log rydych yn talu ar eich benthyciadau morgais neu welliannau’r cartref cael eich partner i gytuno i arwyddo’r ffurflen, os oes gennych bartner Yna bydd angen i chi anfon y ffurflen i’ch benthyciwr i’w gwblhau. Bydd eich benthyciwr yn anfon y ffurflen wedi’i chwblhau i’r swyddfa sy’n talu eich budd-dal. Os ydych yn gymwys ar gyfer SMI , byddwch yn cael cynnig benthyciad. Gallwch ddewis ei wrthod neu ei dderbyn. Os byddwch yn gwrthod y cynnig i ddechrau, gallwch ei dderbyn ar unrhyw adeg cyn belled â’ch bod yn gymwys i SMI . Gall y taliadau i’ch benthyciwr gael eu hôl-ddyddio hyd at pan oedd gennych hawl gyntaf i’r benthyciad. Cysylltwch â’r swyddfa sy’n talu’ch budd-dal. Os ydych yn cael budd-dal cymwys yn barod Cysylltwch â’r swyddfa sy’n talu’ch budd-dal i ddarganfod a allech gael SMI . Gall y taliadau i’ch benthyciwr gael eu hôl-ddyddio hyd at pan oedd gennych hawl gyntaf i’r benthyciad. Os ydych yn cael neu wedi gwneud cais am ESA yn seiliedig ar incwm, cysylltwch â’r Ganolfan Byd Gwaith. Canolfan Byd Gwaith Ffôn: 0800 328 1744 Relay UK (os na allwch glywed na siarad dros y ffôn): 18001 yna 0800 169 0314 Gwasanaeth ‘video relay’ Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu dabled Llinell Saesneg: 0800 169 0310 Dydd Llun i ddydd Gwener, 8am i 5pm Darganfyddwch fwy am gostau galwadau Os ydych yn cael neu wedi gwneud cais am Gredyd Pensiwn, cysylltwch â’r Gwasanaeth Pensiwn. Gwasanaeth Pensiwn Ffôn: 0800 731 0453 Relay UK (os na allwch glywed neu siarad dros y ffôn): 18001 then 0800 731 0469 Gwasanaeth ‘video relay’ Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu dabled Llinell Saesneg: 0800 731 0469 Dydd Llun i ddydd Gwener, 8am i 6pm (ac eithrio gwyliau cyhoeddus) Darganfyddwch fwy am gostau galwadau Os ydych yn cael neu wedi gwneud cais am Gredyd Cynhwysol, gallwch naill ai: ychwanegu neges at eich dyddlyfr ar eich cyfrif Credyd Cynhwysol cysylltu â’r llinell gymorth Credyd Cynhwysol Llinell gymorth Credyd Cynhwysol Ffôn: 0800 328 1744 Relay UK (os na allwch glywed neu siarad dros y ffôn): 18001 yna 0800 328 5644 Gwasanaeth ‘video relay’ Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu dabled Llinell Saesneg: 0800 328 5644 Dydd Llun i ddydd Gwener, 8am i 6pm Darganfyddwch fwy am gostau galwadau

Ad-dalu'ch benthyciad

Bydd angen i chi ad-dalu’ch benthyciad SMI fel cyfandaliad gyda llog os ydych yn gwerthu neu’n trosglwyddo perchnogaeth o’ch cartref. Gall y llog rydych yn ei dalu gynyddu neu ostwng, ond ni fydd y gyfradd yn newid mwy na dwywaith y flwyddyn. Y gyfradd gyfredol yw 4.5%. Byddwch yn cael gwybod os yw hyn yn mynd i newid. Bydd llog yn cael ei ychwanegu bob blwyddyn nes bod y benthyciad wedi’i ad-dalu’n llwyr neu ei ddileu. Os byddwch yn gorffen talu eich morgais, ni fydd angen i chi ad-dalu eich benthyciad SMI oni bai eich bod yn gwerthu neu’n trosglwyddo perchnogaeth o’ch cartref. Os byddwch chi’n marw cyn ad-dalu eich benthyciad SMI Os byddwch chi’n gadael eich cartref i bartner rydych chi’n byw gyda nhw Fel arfer bydden nhw’n etifeddu’r benthyciad gyda’ch cartref. Mae hyn yn golygu na fydd angen iddynt ad-dalu’r benthyciad yn syth. Bydd llog yn parhau i gael ei ychwanegu nes eu bod yn ad-dalu’r benthyciad. Os ydych chi’n gadael eich cartref i unrhyw un arall Bydd angen i unrhyw un arall sy’n etifeddu eich cartref, fel partner nad ydych chi’n byw gyda nhw, eich plentyn neu ffrind, ad-dalu’r benthyciad yn syth. Gallent ad-dalu’r benthyciad trwy werthu’r cartref neu gydag arian arall, fel eu cynilion eu hun neu unrhyw asedau eraill rydych wedi gadael iddynt. Os caiff y cartref ei werthu, efallai caiff rhywfaint o’r benthyciad ei ddileu. Os ydynt yn ad-dalu gan ddefnyddio unrhyw arian arall, bydd angen ad-dalu’r benthyciad llawn. Gwerthu’ch cartref Ni ofynnir i chi werthu eich cartref er mwyn ad-dalu’ch benthyciad SMI. Os byddwch yn gwerthu’ch cartref, byddwch yn ad-dalu’r benthyciad SMI o’r hyn sydd ar ôl ar ôl i chi dalu: eich morgais unrhyw fenthyciadau gwelliannau i’r cartref unrhyw fenthyciadau eraill a ddiogelwyd yn erbyn eich cartref cyn i chi ddechrau cael SMI, gan gynnwys benthyciadau gwelliannau’r cartref. Os nad oes gennych ddigon ar ôl i ad-dalu’r holl fenthyciad SMI, bydd yn rhaid i chi dalu’r hyn y gallwch yn ôl. Bydd gweddill y benthyciad yn cael ei ddileu. Enghraifft 1 Rydych yn gwerthu eich eiddo am £95,000. Mae gennych £35,000 o’ch morgais ar ôl i’w dalu ac mae £4,500 yn ddyledus gennych am eich benthyciad SMI. Byddwch yn cael eich gadael gyda £55,500 ar ôl ad-dalu’ch benthyciad morgais a benthyciad SMI. Enghraifft 2 Rydych yn gwerthu eich eiddo am £80,000. Mae gennych £71,000 ar ôl i dalu eich morgais ac mae £9,600 yn ddyledus gennych ar gyfer eich benthyciad SMI. Ar ôl ad-dalu’ch morgais dim ond digon o arian sydd gennych i ad-dalu £9,000 o’ch benthyciad SMI. Bydd y £600 sy’n weddill yn cael ei ddileu ac nid oes rhaid i chi ei ad-dalu. Os ydych yn prynu cartref newydd Efallai y gallwch drosglwyddo’r benthyciad i’ch cartref newydd. Cysylltwch â Rheoli Benthyciadau DWP cyn gynted ag y byddwch yn gwynod eich bod yn bwriadu symud, a chyn i chi gwblhau eich gwerthiant. Rheoli Benthyciadau DWP Ffôn: 0800 916 0567 Relay UK (os na allwch glywed na siarad dros y ffôn): 18001 yna 0800 916 0567 Dydd Llun i ddydd Gwener, 8am i 6pm Dargnfyddwch fwy am gostau galwadau SMI Loan Management Post Handling Site A Wolverhampton WV98 2DS Bydd angen i chi roi manylion cyswllt eich cyfreithiwr i Reoli Benthyciadau DWP. Byddant yn gweithio gyda’ch cyfreithiwr i drefnu i’r benthyciad gael ei symud i’ch cartref newydd. Bydd y swyddfa sy’n talu eich budd-dal cymwys hefyd yn gwrio ps ydych yn dal i fod yn gymwys. Ad-daliadau gwirfoddol Os ydych am dalu’r benthyciad yn ôl yn gyflymach, gallwch hefyd wneud ad-daliadau gwirfoddol. Yr ad-daliad gwirfoddol lleiaf yw £100 neu’r balans sy’n weddill os yw’n llai na £100. Sut i ad-dalu Cysylltwch ag Ad-daliad Benthyciad DWP i ofyn am ‘lythyr setliad’ - bydd hyn yn dweud wrthych faint sydd angen i chi ei dalu. Mae’r llythyr setliad ond yn para am 30 diwrnod. Os ydych chi’n gwerthu’ch cartref, arhoswch nes bod eich gwerthiant bron wedi’i gwblhau cyn gofyn am un. Gallwch dalu dros y ffôn neu fancio ar-lein gan ddefnyddio manylion y cyfrif banc yn eich llythyr setliad. Ad-daliad Benthyciad DWP Ffôn: 0800 916 0567 Relay UK (os na allwch glywed na siarad dros y ffôn): 18001 yna 0800 916 0567 Dydd Llun i ddydd Gwener, 8am i 6pm Darganfyddwch fwy am gostau galwadau

Os bydd eich budd-daliadau'n stopio

Gallwch barhau i gael cymorth ariannol gyda’ch costau tai os yw’ch Lwfans Cyflogaeth a Chymorth yn seiliedig ar incwm yn mynd i ddod i ben oherwydd eich bod ar fin: dychwelyd i’r gwaith yn llawn amser gweithio mwy o oriau ennill mwy o arian

Cymorth ar gyfer Llog Morgais (SMI)

Trosolwg

Efallai y gallwch gael help tuag at daliadau llog ar:

y morgais ar gyfer y cartref rydych yn byw ynddo
unrhyw fenthyciad a ddiogelwyd yn erbyn eich cartref, os ydych yn cael Credyd Cynhwysol
benthyciadau a ddefnyddiwyd gennych ar gyfer gwelliannau neu atgyweiriadau i’ch cartref, os ydych yn cael Credyd Pensiwn

Enw’r help hwn yw Cymorth ar gyfer Llog Morgais (SMI). Fel arfer, caiff SMI ei dalu’n uniongyrchol i’ch benthyciwr.

Mae’r canllaw hwn hefyd ar gael yn Saesneg (English) a fformat hawdd ei ddarllen.

Mae’n cael ei dalu fel benthyciad, y bydd angen i chi ei ad-dalu gyda llog pan fyddwch yn gwerthu neu’n trosglwyddo perchnogaeth o’ch cartref. Efallai y byddwch yn gallu trosglwyddo’r benthyciad os ydych yn prynu cartref newydd.

Mae angen eich bod yn cael, budd-dal cymwys i gael SMI.

Nid oes unrhyw sicrwydd y byddwch yn cael SMI am forgais neu fenthyciad a gymerwch.

Beth na allwch ddefnyddio SMI ar ei gyfer

Ni all SMI eich help i dalu:

unrhyw beth tuag at bolisïau yswiriant sydd gennych
methu taliadau morgais (ôl-ddyledion)

Siaradwch â’ch benthyciwr

Gallech siarad â’ch benthyciwr morgais cyn i chi wneud cais am SMI.

Gall rhai benthycwyr gynnig ffyrdd eraill o helpu, fel gwyliau talu dros dro, taliadau llog yn unig neu ymestyn tymor eich morgais i leihau taliadau misol.

Cymorth a chefnogaeth

Gwiriwch a allwch gael cymorth costau byw.

Gallwch gael gwybodaeth am ddim am gymorth tai gan:

Argraffu'r canllaw cyfan

Cymorth ar gyfer Llog Morgais (SMI)

Trosolwg

Beth na allwch ddefnyddio SMI ar ei gyfer

Siaradwch â’ch benthyciwr

Cymorth a chefnogaeth

Is this page useful?

Help us improve GOV.UK

Help us improve GOV.UK

Cookies on GOV.UK

Cymorth ar gyfer Llog Morgais (SMI)

Trosolwg

Beth na allwch ddefnyddio SMI ar ei gyfer

Siaradwch â’ch benthyciwr

Cymorth a chefnogaeth

Cynnwys cysylltiedig

Is this page useful?

Help us improve GOV.UK

Help us improve GOV.UK