Cymhorthdal Incwm
Rhoi gwybod am newid mewn amgylchiadau
Mae angen i chi roi gwybod am newidiadau i’ch amgylchiadau er mwyn i chi ddal i gael y swm cywir o Gymhorthdal Incwm.
Efallai y bydd eich hawliad yn cael ei stopio neu ei leihau os na fyddwch yn rhoi gwybod am newid ar unwaith.
Os ydych yn cael mwy nag un budd-dal, bydd angen i chi roi gwybod am eich newid i bob swyddfa budd-daliadau.
Efallai y cewch eich erlyn neu y bydd yn rhaid i chi dalu cosb o £50 os byddwch yn rhoi gwybodaeth anghywir neu anghyflawn, neu os na fyddwch yn rhoi gwybod am newidiadau ar unwaith.
Beth y mae angen i chi roi gwybod amdano
Nid yw’r rhestr hon yn cynnwys pob newid y mae’n rhaid i chi roi gwybod amdano. Ffoniwch y Ganolfan Byd Gwaith os nad ydych yn siŵr a oes angen i chi roi gwybod am newid.
Newidiadau i fanylion personol
Rhaid i chi roi gwybod os:
- ydych yn newid manylion eich cyfrif banc
- rydych yn newid eich rhif ffôn
- mae unrhyw un yn dechrau neu’n stopio byw gyda chi
- mae eich partner neu rywun rydych yn byw gyda nhw yn marw
- rydych chi neu rywun sydd wedi’u cynnwys ar eich cais yn newid eu statws mewnfudo
- rydych chi neu unrhyw un sy’n byw gyda chi yn gadael Prydain Fawr (Cymru, Lloegr a’r Alban) am unrhyw gyfnod o amser
Mae’n rhaid i chi roi gwybod os ydych chi, eich partner, neu unrhyw un sy’n byw gyda chi yn:
- newid enw
- newid cyfeiriad
- priodi neu ffurfio partneriaeth sifil
- ysgaru neu’n dod â phartneriaeth sifil i ben
- cael babi neu’n beichiogi
- mynd i garchar neu ddalfa gyfreithiol
Newidiadau i gyflwr meddygol neu anabledd
Mae angen i chi roi gwybod os ydych chi neu rywun sydd wedi’u cynnwys ar eich cais:
- ag unrhyw newidiadau i gyflwr meddygol neu anabledd
- yn mynd i ysbyty, cartref gofal neu lety gwarchod
- yn dechrau neu’n stopio gofalu am rywun
Dylech hefyd roi gwybod os bydd unrhyw un yn dechrau neu’n stopio cael Lwfans Gofalwr, Taliad Cymorth Gofalwr neu swm ychwanegol o Gredyd Cynhwysol ar gyfer gofalu amdanoch.
Newidiadau i waith ac addysg
Rhowch wybod os ydych chi, eich partner, neu unrhyw un sy’n byw gyda chi yn:
- dechrau neu stopio addysg, hyfforddiant neu brentisiaeth
- dod o hyd i swydd neu’n ei gorffen, neu’n dechrau gweithio oriau gwahanol
- rhan o anghydfod masnach, neu’n methu gweithio oherwydd anghydfod masnach (er enghraifft, os oes streic)
Newidiadau i incwm a budd-daliadau
Mae angen i chi roi gwybod os bydd incwm eich cartref yn cynyddu neu’n gostwng. Rhowch wybod os ydych chi neu unrhyw un sy’n byw gyda chi:
- yn cael newid i enillion
- yn cael ôl-daliad (a elwir weithiau yn ‘ôl-ddyledion’) ar gyfer enillion o’r gwaith
- yn cael swm gwahanol o fudd-dal
- yn cael newid i swm y pensiwn maent yn ei gael
- yn cael newid i swm unrhyw arian arall sy’n dod i mewn (er enghraifft benthyciadau neu grantiau myfyrwyr, tâl salwch neu arian gan elusen)
Newidiadau i gynilion neu asedau
Mae angen i chi roi gywbod os yw cyfanswm y cynilion ac asedau yn eich cartref yn fwy na £6,000. Rhowch wybod os ydych chi neu unrhyw un sy’n byw gyda chi:
- wedi newid faint o gynilion neu fuddsoddiadau y maent yn berchen arnynt
- yn dod yn berchennog unrhyw dir, adeiladau neu eiddo
- yn gwerthu unrhyw dir, adeiladau neu eiddo
- yn cael taliad untro fel etifeddiaeth neu gyfandaliad
Sut i roi gwybod
Gallwch roi gwybod am newid mewn amgylchiadau trwy:
- ffonio llinell gymorth y Ganolfan Byd Gwaith ar gyfer hawliadau budd-dal presennol
- ysgrifennu at swyddfa’r Ganolfan Byd Gwaith sy’n talu eich Cymhorthdal Incwm - mae’r cyfeiriad ar y llythyrau a gewch am eich Cymhorthdal Incwm
Os yw eich partner neu rywun rydych yn byw gyda nhw wedi marw, gallwch ddweud wrth y Ganolfan Byd Gwaith a sefydliadau eraill y llywodraeth ar yr un pryd gan ddefnyddio gwasanaeth Dywedwch Wrthym Unwaith
Canolfan Byd Gwaith – hawliadau budd-dal presennol
Ffôn: 0800 328 1744
Ffôn Testun: 0800 169 0314
Gwasanaeth cyfnewid fideo Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu lechen
Llinell Saesneg: 0800 169 0310
Dydd Llun i ddydd Gwener, 8am i 5pm
Darganfyddwch am gostau galwadau
Os ydych wedi cael eich gordalu
Os na fyddwch yn rhoi gwybod am newid ar unwaith neu os ydych yn rhoi gwybodaeth anghywir neu anghyflawn, efallai y cewch eich gordalu. Os ydych, efallai y bydd yn rhaid i chi dalu rhywfaint o’r arian yn ôl..