Cadw cofnodion TAW
Cyfrif TAW
Mae’n rhaid i chi gadw cofnod ar wahân o’r TAW rydych yn ei chodi a’r TAW rydych yn ei thalu ar eich pryniannau. Gelwir y cofnod hwn yn ‘cyfrif TAW’.
Rydych yn defnyddio’r ffigurau o’ch cyfrif TAW i lenwi’ch Ffurflen TAW.
Nid oes unrhyw reolau ar beth ddylai cyfrif TAW edrych fel, ond mae’n rhaid iddo ddangos y canlynol:
- cyfanswm eich gwerthiannau TAW
- cyfanswm eich pryniannau TAW
- y TAW sydd arnoch gan Gyllid a Thollau EM (CThEM)
- y TAW y gallwch ei hadennill gan CThEM
- os yw’ch busnes yn defnyddio’r Cynllun Cyfradd Unffurf TAW - y ganran gyfradd unffurf a’r trosiant y mae’n berthnasol iddo
- y TAW ar unrhyw gaffaeliadau’r UE (pryniannau) neu anfoniadau (gwerthiannau)
Gwallau
Os ydych wedi gwneud gwall yn eich Ffurflen TAW, mae’n rhaid i’r cyfrif TAW ddangos y canlynol:
- y dyddiad y gwnaethoch ddarganfod y gwall
- manylion am y gwall - er enghraifft sut y digwyddodd, sut y gwnaethoch ei gywiro
Mae’n bosibl y bydd angen i chi hefyd roi gwybod i CThEM am y camgymeriad.
Drwgddyledion
Os byddwch yn dileu anfoneb fel drwgddyled, mae’n rhaid i chi gadw ‘cyfrif drwgddyledion TAW’ ar wahân. Mae’n rhaid i’r ddyled fod yn hŷn na 6 mis ac am bob drwgddyled mae’n rhaid i chi ddangos y canlynol:
- cyfanswm y TAW dan sylw
- swm wedi’i ddileu ac unrhyw daliadau rydych wedi’u cael
- y TAW rydych yn ei hadennill ar y ddyled
- y cyfnodau TAW y gwnaethoch dalu’r TAW ac rydych yn adennill y rhyddhad ar eu cyfer
- manylion anfonebau fel dyddiad, enw’r cwsmer
Mae’n rhaid i chi gadw’r wybodaeth hon am 4 blynedd.