Cadw cofnodion TAW
Cofrestru am y cynllun Troi Treth yn Ddigidol ar gyfer TAW
Mae’n rhaid i chi gofrestru ar gyfer y cynllun ‘Troi Treth yn Ddigidol ar gyfer TAW’ os yw’ch trosiant trethadwy yn fwy na £85,000, fel y gallwch wneud y canlynol:
- cadw cofnodion digidol
- cyflwyno Ffurflen TAW eich busnes gan ddefnyddio meddalwedd sy’n cydweddu
Mae ffordd wahanol o gofrestru os ydych yn asiant.
Cyn i chi ddechrau
Mae’n rhaid bod gennych feddalwedd sy’n cydweddu cyn i chi gofrestru.
Yr hyn sydd ei angen arnoch
I gofrestru, bydd angen arnoch:
- cyfeiriad e-bost eich busnes
- Dynodydd Defnyddiwr (ID) a chyfrinair ar gyfer Porth y Llywodraeth – os nad oes gennych Ddynodydd Defnyddiwr, gallwch greu un wrth i chi ddefnyddio’r gwasanaeth
- eich rhif cofrestru TAW a’ch Ffurflen TAW ddiweddaraf
Hefyd, bydd angen y canlynol arnoch:
- eich rhif Yswiriant Gwladol os ydych yn unig fasnachwr
- rhif cofrestru a Chyfeirnod Unigryw y Trethdalwr eich cwmni os ydych yn gwmni cyfyngedig neu’n gymdeithas gofrestredig
- eich Cyfeirnod Unigryw y Trethdalwr a’r cod post lle rydych wedi cofrestru ar gyfer Hunanasesiad os ydych yn bartneriaeth gyffredinol
- eich Cyfeirnod Unigryw y Trethdalwr, y cod post lle rydych wedi cofrestru ar gyfer Hunanasesiad a rhif cofrestru’ch cwmni os ydych yn bartneriaeth gyfyngedig
Pryd i gofrestru
Os ydych eisoes yn talu drwy Ddebyd Uniongyrchol peidiwch â chofrestru’n rhy agos at y dyddiad y bydd angen i chi gyflwyno’ch Ffurflen TAW arno, neu mae’n bosibl y byddwch yn talu dwywaith.
Er mwyn osgoi hyn, peidiwch â chofrestru llai na:
- 7 diwrnod cyn dyddiad cau eich Ffurflen TAW
- 5 diwrnod ar ôl dyddiad cau eich Ffurflen TAW
Os nad ydych yn talu drwy Ddebyd Uniongyrchol, mae’n rhaid i chi gofrestru o leiaf 3 diwrnod cyn bod eich Ffurflen TAW i fod i gael ei chyflwyno.
Os ydych yn ei chael hi’n anodd cael mynediad at y gwasanaeth, gwiriwch os oes problem dechnegol neu broblem adnabyddus arall.
Ar ôl i chi gofrestru
Dylech gael e-bost cadarnhau gan noreply@tax.service.gov.uk o fewn 3 diwrnod ar ôl i chi gofrestru. Mae’n bosibl y bydd yn mynd i’ch ffolder sbam.
Peidiwch â chyflwyno Ffurflen TAW hyd nes i chi gael e-bost cadarnhau.
Cysylltwch â CThEM os na chewch e-bost.