Adrodd am gerbyd heb ei drethu

Os gwelwch gerbyd heb ei drethu ar ffordd, gallwch roi gwybod amdano. Mae eich adroddiad yn ddienw a bydd yn cael ei ymchwilio.

Mae’r gwasanaeth hwn hefyd ar gael yn Saesneg (English).

Mae ffordd wahanol i adrodd am y canlynol:

• trosedd yrru neu drosedd yswiriant
• cerbyd wedi’i adael
• cerbyd heb MOT

Camau i adrodd am gerbyd heb ei drethu

1. Gwirio os yw’r cerbyd wedi’i drethu cyn adrodd amdano - mae hwn yn wasanaeth rhad ac am ddim.

2. Gwneud nodyn o’r rhif cofrestru cerbyd, gwneuthuriad, model a lliw’r cerbyd ac enw’r stryd, y dref a’r cod post lle gwnaethoch ei weld. Ni fyddwch yn gallu rhoi gwybod am y cerbyd heb y manylion hyn.

3. Adrodd am y cerbyd ar-lein.