Skip to main content

Talu dirwy llys

Gallwch dalu dirwy llys neu gosb ar-lein neu dros y ffôn.

Mae’r dudalen hon hefyd ar gael yn Saesneg (English).

Gallwch ddefnyddio’r gwasanaeth hwn i dalu’r canlynol yng Nghymru a Lloegr:

  • dirwyon llys
  • iawndal
  • gordal dioddefwr
  • costau erlynydd
  • ffi’r llys troseddol
  • gorchmynion atafaelu
  • cosbau penodedig sydd wedi eu cofrestru mewn llys ynadon
  • ôl-doll treth car

Mae yna wasanaethau gwahanol ar gyfer talu ffioedd llys a thocynnau parcio.

Mae yna ffordd wahanol i dalu yng Ngogledd Iwerddon a thalu yn yr Alban.

Sut i dalu

Bydd arnoch angen eich ‘hysbysiad o ddirwy’ a cherdyn debyd neu gerdyn credyd. Os ydych wedi colli eich hysbysiad o ddirwy, cysylltwch â’r llys lle y cawsoch y ddirwy.

Rhaid i chi dalu erbyn y dyddiad sydd ar eich hysbysiad o ddirwy. Efallai y bydd y llys yn gwrthod eich taliad os bydd camau gorfodi wedi cychwyn yn barod.

Os cawsoch ddirwy yn Llys y Goron, bydd arnoch angen rhif eich cyfrif a chod adran.

Talu ar-lein

Gallwch dalu ar-lein gan ddefnyddio gwasanaeth dirwyon y llys.

Dechrau nawr

Talu dros y ffôn

Rhif ffôn: 0300 790 9980 (yng Nghymru)
Rhif ffôn: 0300 790 9901 (yn Lloegr)
Gwybodaeth am gostau galwadau

Ffyrdd eraill o dalu

Cysyllwch â’r Swyddfa Gorfodi a restrir ar yr hysbysiad o ddirwy i dalu drwy ddebyd uniongyrchol, gyda cherdyn talu neu drosglwyddiad banc.