Talu cosb am gyflwyno’n hwyr ar gyfer Cynllun y Diwydiant Adeiladu (CIS)
Talu â siec drwy’r post
Gallwch anfon siec i Gyllid a Thollau EF (CThEF) drwy’r post.
HMRC
Direct
BX5 5BD
Nid oes angen i chi gynnwys enw stryd, enw dinas na blwch Swyddfa’r Post gyda’r cyfeiriad hwn.
Mae’n rhaid i chi sicrhau bod eich taliad yn cyrraedd CThEF erbyn y dyddiad cau a nodir ar eich hysbysiad o gosb.
Yr hyn i’w gynnwys
Gwnewch eich siec yn daladwy i ‘Cyllid a Thollau EF yn unig’.
Ysgrifennwch eich cyfeirnod talu ar gyfer y gosb am gyflwyno’n hwyr ar gyfer CIS, sy’n 14 o gymeriadau, ar gefn eich siec. Mae hyn bob amser yn dechrau gyda’r llythyren ‘X’. Peidiwch â defnyddio’ch cyfeirnod Swyddfa Gyfrifon.
Os na fyddwch yn llenwi’ch siec yn gywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth arall sydd arnoch. Os yw’ch taliad wedi talu’r bil treth anghywir, gallwch gysylltu ag adran ymholiadau CThEF ar gyfer cyflogwyr (yn agor tudalen Saesneg) er mwyn gofyn i’ch taliad gael ei symud.
Cofiwch gynnwys y slip talu a anfonodd CThEF atoch gyda’ch hysbysiad o gosb am gyflwyno’n hwyr. Peidiwch â phlygu’r slip talu na’r siec, a pheidiwch â’u glynu wrth ei gilydd.
Gallwch gynnwys llythyr ynghyd â’ch taliad er mwyn gwneud cais am dderbynneb oddi wrth CThEF.
Os nad oes gennych slip talu
Anfonwch eich siec gyda llythyr sy’n cynnwys y manylion canlynol:
- enw’r cwmni
- cyfeiriad
- rhif ffôn
- cyfeirnod y gosb
- faint rydych yn ei dalu