Penodi rhywun i ddelio â CThEF ar eich rhan
Awdurdodi rhywun i ddelio â CThEF ar eich rhan
Gallwch drefnu cael ‘cyfryngwr’ i ddelio â CThEF ar eich rhan. Gallai fod yn ffrind, yn aelod o’r teulu neu’n ymgynghorydd o sefydliad gwirfoddol.
Efallai y byddwch am wneud hyn os ydych yn sâl, os ydych wedi’ch anablu, neu os na allwch siarad Cymraeg na Saesneg.
Gall cyfryngwr wneud y canlynol:
- siarad â CThEF ac ateb unrhyw gwestiynau ar eich rhan
- eich helpu i lenwi ffurflenni
Ni fydd gan gyfryngwr fynediad at eich treth ar-lein.
Bydd yn rhaid i chi ysgrifennu at CThEF er mwyn awdurdodi cyfryngwr i’ch helpu i ddelio â’ch treth.
Swyddfa Cyfraniadau Yswiriant Gwladol a Chyflogwyr
Gwasanaeth Cwsmeriaid Cymraeg CThEF
HMRC
BX9 1ST
Mae’n rhaid i’r llythyr gynnwys y canlynol:
- eich enw a’ch cyfeiriad
- eich dyddiad geni
- eich cyfeirnod treth, er enghraifft eich Cyfeirnod Unigryw y Trethdalwr (UTR)
- enw a chyfeiriad y person neu’r sefydliad yr hoffech ei awdurdodi
- eich llofnod
Os na allwch lofnodi’r llythyr, bydd angen i chi gysylltu â CThEF neu gael rhywun arall i wneud hynny ar eich rhan.