Gwneud cais am benderfyniad untro gan y Llys Gwarchod
Dweud wrth eraill eich bod wedi gwneud cais
Bydd y Llys Gwarchod yn anfon copi o’ch ffurflenni cais atoch - byddant yn cael eu stampio gyda dyddiad cychwyn.
Byddwch hefyd yn cael llythyr gan y llys yn dweud wrthych beth i’w wneud nesaf.
Mae’n rhaid i chi ddweud (‘cyflwyno’) wrth bobl penodol am y cais o fewn 14 diwrnod i’r dyddiad cychwyn.
Dweud wrth yr unigolyn rydych chi’n gwneud cais i gael penderfyniad untro ar eu cyfer
Rhaid i chi neu’ch cynrychiolydd ymweld â’r unigolyn a dweud wrthynt:
- pwy sy’n gwneud cais i gael penderfyniad untro ar gyfer eu lles personol neu eiddo a materion ariannol
- bod eu gallu i wneud penderfyniadau yn cael ei gwestiynu
- beth fyddai’r penderfyniad untro yn ei olygu iddynt
- ble i gael cyngor os ydynt eisiau trafod y cais
Rhaid i chi roi i’r unigolyn:
- ffurflen COP 14 wedi’i llenwi - defnyddiwch y nodiadau canllaw i’w llenwi eich hun
- ffurflen cydnabod cyflwyniad (COP5), fel y gallant gadarnhau eu bod wedi cael gwybod am y cais
- unrhyw ddogfennau eraill sy’n ymwneud â’ch cais
Gall yr unigolyn gael cyngor a chymorth gan y Llys Gwarchod.
Y Llys Gwarchod
courtofprotectionenquiries@justice.gov.uk
Rhif ffôn: 0300 456 4600
Gwybodaeth am gostau galwadau
Dweud wrth bobl sy’n gysylltiedig â’r cais
Rhaid i chi ddweud wrth y bobl a enwir yn eich cais ei fod wedi’i gyflwyno.
Anfonwch atynt:
- hysbysiad bod ffurflen gais wedi’i chyhoeddi (COP15)
- ffurflen cydnabod cyflwyniad (COP5), fel y gallant gadarnhau eu bod wedi cael gwybod am y cais
- unrhyw ddogfennau eraill sy’n ymwneud â’ch cais
Gallwch ddweud wrthynt:
- drwy’r post
- drwy ffacs neu e-bost
- wyneb yn wyneb
Cadarnhau eich bod wedi dweud wrth y bobl berthnasol (‘cyflwyno hysbysiad’)
Mae’n rhaid i chi gadarnhau eich bod wedi dweud wrth y bobl berthnasol o fewn 7 diwrnod i chi anfon y ffurflenni. Lawrlwythwch a llenwch:
- ffurflen (COP20A) ar gyfer yr unigolyn rydych yn gwneud cais i gael penderfyniad untro ar eu cyfer
- ffurflen (COP20B) ar gyfer y bobl eraill a enwyd yn y cais
Weithiau gelwir y ffurflenni hyn yn ‘tystysgrifau cyflwyno’.
Mae’n rhaid i chi anfon y ddwy ffurflen i’r Llys Gwarchod ar yr un pryd.
Y Llys Gwarchod/Court of Protection
PO Box 70185
First Avenue House
42-49 High Holborn
Llundain
WC1A 9JA