Skip to main content

Lwfans Cyflogaeth

Sgipio cynnwys

Gwirio os y gallwch hawlio am flynyddoedd blaenorol

Gallwch hawlio Lwfans Cyflogaeth ar gyfer y 4 blynedd dreth flaenorol os yw unrhyw un o’r ddau beth canlynol yn berthnasol:

I hawlio ar gyfer blwyddyn dreth 2024 i 2025 neu flynyddoedd cyn hynny, mae’n rhaid bod eich rhwymedigaethau Yswiriant Gwladol Dosbarth 1 cyflogwyr wedi bod yn llai na £100,000 yn y flwyddyn dreth flaenorol.

Os ydych yn hawlio ar gyfer blwyddyn dreth 2025 i 2026 neu flynyddoedd diweddarach, nid oes terfyn ar rwymedigaethau Yswiriant Gwladol Dosbarth 1 eich cyflogwyr.

Cyfraddau blaenorol

Dyma’r Lwfans Cyflogaeth ar gyfer y 4 blynedd dreth flaenorol:

  • £10,500 rhwng 6 Ebrill 2025 a 5 Ebrill 2026
  • £5,000 bob blwyddyn rhwng 6 Ebrill 2022 a 5 Ebrill 2025

Pwy na all hawlio Lwfans Cyflogaeth

Ni allwch hawlio os ydych yn gorff cyhoeddus neu’n fusnes sy’n gwneud mwy na hanner eich gwaith yn y sector cyhoeddus (megis cynghorau lleol a gwasanaethau’r GIG), oni bai eich bod yn elusen.

Ni allwch hawlio chwaith os mai dim ond un cyfarwyddwr sydd gan eich cwmni ac mai’r cyfarwyddwr hwnnw yw’r unig gyflogai sy’n agored i Yswiriant Gwladol Dosbarth 1 eilaiddd (yn agor tudalen Saesneg).

Cyflogeion na allwch eu cynnwys yn eich hawliad

Ni allwch gynnwys rhai cyflogeion yn eich hawliad, megis:

Os ydych yn rhan o grŵp

Os ydych yn rhan o grŵp o elusennau neu gwmnïau (yn agor tudalen Saesneg) (sydd hefyd yn cael eu hadnabod fel cwmnïau cysylltiedig), dim ond un cwmni yn y grŵp all halio’r lwfans.

Os oes gennych fwy nag un gyflogres

Os oes gennych, neu os oedd gennych fwy nag un cyfeirnod TWE y cyflogwr (yn agor tudalen Saesneg), gallwch ond hawlio Lwfans Cyflogaeth yn erbyn un gyflogres.

Os ydych yn hawlio ar gyfer blwyddyn dreth 2024 i 2025 neu flynyddoedd cyn hynny, mae’n rhaid bod eich rhwymedigaethau Yswiriant Gwladol Dosbarth 1 cyflogwyr ar gyfer y gyflogres wedi bod yn llai na £100,000 yn y flwyddyn dreth flaenorol.

Os gwnaethoch daliadau oddi ar y gyflogres

Gelwir taliadau i weithwyr oddi ar y gyflogres (er enghraifft, contractwyr) yn ‘daliadau tybiannol’ (yn agor tudalen Saesneg).

Os ydych yn hawlio ar gyfer blwyddyn dreth 2024 i 2025 neu’n gynharach, peidiwch â chynnwys rhwymedigaethau Yswiriant Gwladol Dosbarth 1 cyflogwyr ar daliadau tybiannol yn eich cyfrifiadau. Nid ydynt yn cyfrif tuag at y trothwy o £100,000.

Gwiriwch a yw terfynau cymorth gwladwriaethol de minimis yn berthnasol i’ch busnes

Ar gyfer rhai busnesau, mae Lwfans Cyflogaeth yn cyfrif fel ‘cymorth gwladwriaethol de minimis’ (cymorth ariannol gan y llywodraeth). Mae terfyn ar faint o gymorth gwladwriaethol de minimis y gall y busnesau hyn ei gael dros gyfnod o 3 blynedd. Os byddant yn mynd dros y terfyn, ni allant hawlio Lwfans Cyflogaeth.

Mae terfynau cymorth gwladwriaethol de minimis yn debygol o fod yn berthnasol i’ch busnes os yw’r ddau beth canlynol yn wir:

  • mae eich busnes wedi’i leoli yng Ngogledd Iwerddon
  • mae eich busnes yn gwneud neu’n gwerthu nwyddau neu drydan cyfanwerthol

Os yw terfynau cymorth gwladwriaethol de minimis yn berthnasol i’ch busnes, mae’n rhaid i chi wneud y canlynol:

  • cyfrifo cyfanswm y cymorth gwladwriaethol a gawsoch
  • gwirio eich bod o dan y terfyn

Mae’n rhaid i chi wneud hyn hyd yn oed os nad yw’ch busnes yn gwneud elw.

Gwiriwch eich bod o dan y terfyn cymorth gwladwriaethol de minimis

Mae’r terfyn yn dibynnu ar eich sector busnes. Mae’n cael ei gyfrifo mewn ewros.

Sector Terfyn cymorth gwladwriaethol de minimis dros 3 blynedd
Cynhyrchion amaethyddol 20,000 ewro
Pysgodfeydd a dyframaethu 30,000 ewro
Cludo Llwythi ar y Ffyrdd 100,000 ewro
Diwydiannol/arall 200,000 ewro

Cyfrifwch faint o gymorth gwladwriaethol de minimis rydych wedi’i gael

  1. Gwiriwch a ydych wedi cael unrhyw gymorth gwladwriaethol de minimis. Os felly, dylech fod wedi cael gwybod am hyn yn ysgrifenedig.

  2. Adiwch gyfanswm y swm a gawsoch ar gyfer y flwyddyn dreth rydych yn hawlio ar ei chyfer a’r ddwy flynedd dreth cyn hynny.

  3. Ychwanegwch hwn at swm llawn y Lwfans Cyflogaeth ar gyfer y flwyddyn rydych yn hawlio ar ei chyfer. Bydd angen i chi drosi hwn yn ewros gan ddefnyddio’r gyfradd gyfnewid o 30 Mawrth y flwyddyn dreth flaenorol.

  4. Rydych yn gymwys i wneud hawliad os yw’r cyfanswm o dan y terfyn ar gyfer eich sector.

Os ydych yn gwmni cysylltiedig, mae’n rhaid i gyfanswm y cymorth gwladwriaethol de minimis ar gyfer pob un o’r cwmnïau yn y grŵp fod o dan y terfyn cymorth gwladwriaethol ar gyfer eich sector.

Mae’r rheolau’n wahanol os yw’ch busnes yn cwmpasu mwy nag un sector (yn agor tudalen Saesneg).

Argraffu'r canllaw cyfan