Lwfans Cyflogaeth
Gwirio a ydych yn gymwys
Gallwch hawlio Lwfans Cyflogaeth ar gyfer y flwyddyn dreth bresennol os yw’r ddau beth canlynol yn berthnasol:
- rydych yn fusnes neu’n gorff cyhoeddus
- mae llai na hanner eich gwaith yn y sector cyhoeddus (megis cynghorau lleol a gwasanaethau’r GIG)
Os mai dim ond un cyfarwyddwr sydd gan eich cwmni, ni all y cyfarwyddwr hwnnw fod yr unig gyflogai sy’n agored i Yswiriant Gwladol Dosbarth 1 eilaidd.
Gallwch hefyd hawlio Lwfans Cyflogaeth os yw’r canlynol yn berthnasol:
- rydych yn elusen (gan gynnwys clybiau chwaraeon amatur cymunedol (yn agor tudalen Saesneg))
- rydych yn cyflogi gweithiwr gofal neu weithiwr cefnogol (yn agor tudalen Saesneg), er enghraifft, i ofalu am rywun gydag anabledd meddyliol neu gorfforol
O Ebrill 2025, gall cyflogwyr sy’n talu mwy na £100,000 mewn rhwymedigaethau Yswiriant Gwladol Dosbarth 1 wneud cais am Lwfans Cyflogaeth. Mae’r rheolau’n wahanol os ydych yn hawlio ar gyfer blynyddoedd treth blaenorol.
Cyflogeion na allwch eu cynnwys yn eich hawliad
Ni allwch gynnwys rhai cyflogeion yn eich hawliad, megis:
-
rhywun y mae ei enillion o fewn IR35 ‘rheolau gweithio oddi ar y gyflogres’ (yn agor tudalen Saesneg)
-
rhywun rydych yn ei gyflogi ar gyfer gwaith personol, gwaith yn y cartref neu waith domestig (fel nani neu arddwr), oni bai ei fod yn ofalwr neu’n weithiwr cymorth
Os ydych yn rhan o grŵp
Os ydych yn rhan o grŵp o elusennau neu gwmnïau (yn agor tudalen Saesneg) (sydd hefyd yn cael eu hadnabod fel cwmnïau cysylltiedig), dim ond un cwmni yn y grŵp all hawlio’r lwfans.
Os oes gennych fwy nag un gyflogres
Gallwch ond hawlio Lwfans Cyflogaeth yn erbyn un gyflogres.