Hawlio gwarant neu flaendal sicrwydd mewnforio yn ôl
Defnyddiwch y gwasanaeth hwn ar gyfer Mynediad Dros Dro, prosesu mewnol neu ddefnydd awdurdodedig gydag awdurdodiad drwy ddatganiad, neu os nad oedd Tystiolaeth o darddiad ar gael ar adeg y mewnforio.
Gallwch hawlio’r blaendal sicrwydd neu warant yn ôl am nwyddau sy’n bodloni’r amodau canlynol:
-
wedi’u mewnforio i’r DU dros dro
-
wedi’u symud o Brydain Fawr (Cymru, Lloegr a’r Alban) i Ogledd Iwerddon i’w defnyddio dros dro, cyn cael eu symud yn ôl i Brydain Fawr
-
wedi’u prosesu neu eu trwsio
-
wedi’u mewnforio ar gyfer defnydd penodol
-
wedi’u mewnforio heb dystiolaeth o darddiad oedd yn gymwys i gael cyfradd tollau ffafriol
Bydd angen i chi dalu unrhyw dollau a threthi sy’n ddyledus cyn y gallwch hawlio blaendal neu warant sicrwydd yn ôl os yw’r canlynol yn wir:
-
mae nwyddau â mynediad dros dro neu nwyddau sydd wedi’u prosesu’n fewnol yn cael eu gwerthu yn y DU, neu’n aros yn y DU
-
mae nwyddau â defnydd awdurdodedig yn cael eu defnyddio at ddibenion gwahanol i’w defnydd penodol
-
nid oes unrhyw amod arall o ran Mynediad Dros Dro, prosesu mewnol neu ddefnydd awdurdodedig yn cael eu bodloni
Pwy all hawlio
Gallwch wneud hawliad ar-lein os ydych yn un o’r canlynol:
-
mewnforiwr
-
asiant tollau
-
trefnydd anfon nwyddau neu gwmni cludo brys, sy’n gweithredu ar ran y mewnforiwr
-
busnes sy’n mewnforio nwyddau ar gyfer defnydd masnachol
Er mwyn hawlio ar-lein bydd angen i chi danysgrifio i’r Gwasanaeth Datganiad Tollau.
Pwy na all hawlio ar-lein
Ni fyddwch yn gallu gwneud hawliad ar-lein os yw’r canlynol yn wir:
-
rydych eisoes wedi cael llythyr i’ch atgoffa
-
mae’r Cyfeirnod Symud (MRN) wedi cael ei ddefnyddio mewn hawliad arall
-
rydych yn unigolyn preifat
-
nid ydych o fewn y terfyn amser ar gyfer eich math o hawliad — darllenwch yr adran ‘Pryd i hawlio’
Pryd i hawlio
Mynediad Dros Dro
Gall Mynediad Dros Dro (yn agor tudalen Saesneg) gael ei ddefnyddio am hyd at 24 mis (yn dibynnu ar y nwyddau yr ydych yn eu mewnforio).
Mae’n rhaid i chi gyflwyno’r hawliad ar ôl i chi ryddhau’r nwyddau, a chyn pen diwedd y cyfnod Mynediad Dros Dro.
Os yw’r cyfnod Mynediad Dros Dro wedi dod i ben, bydd angen i chi yrru e-bost at CThEF, i’r tîm Mynediad Dros Dro Cenedlaethol, i’r cyfeiriad e-bost ntis@hmrc.gov.uk. Anfonwch dystiolaeth o’r nwyddau a oedd wedi’u hallforio, megis eich datganiad allforio.
Prosesu Mewnol
Gall prosesu mewnol (yn agor tudalen Saesneg) gael ei ddefnyddio am hyd at 6 mis.
Mae’n rhaid i chi gyflwyno’r hawliad ar ôl i chi ryddhau’r nwyddau, a chyn pen 30 diwrnod wedi diwedd y cyfnod prosesu mewnol neu’r cyfnod defnydd awdurdodedig.
Os yw’r cyfnod prosesu mewnol wedi dod i ben, bydd angen i chi gyflwyno bil rhyddhau ar gyfer prosesu mewnol gan ddefnyddio awdurdodiad drwy ddatganiad.
Defnydd awdurdodedig
Gall defnydd awdurdodedig (yn agor tudalen Saesneg) gael ei ddefnyddio am hyd at 6 mis.
Mae’n rhaid i chi gyflwyno’r hawliad ar ôl i chi ryddhau’r nwyddau, a chyn pen 30 diwrnod wedi diwedd y cyfnod prosesu mewnol neu’r cyfnod defnydd awdurdodedig.
Os yw’r cyfnod defnydd awdurdodedig wedi dod i ben, bydd angen i chi gyflwyno bil rhyddhau ar gyfer defnydd awdurdodedig gan ddefnyddio awdurdodiad drwy ddatganiad (yn agor tudalen Saesneg).
Tystiolaeth o darddiad sydd ar goll
Os gwnaethoch fewnforio nwyddau o wlad sydd â chytundeb masnachu â’r DU (yn agor tudalen Saesneg) heb dystiolaeth o darddiad, mae’n rhaid i chi gyflwyno’r hawliad cyn pen 4 mis o ddyddiad y mewnforio.
Os oes mwy na 4 mis wedi mynd heibio, bydd angen i chi anfon tystiolaeth o darddiad at customsaccountingrepayments@hmrc.gov.uk, gan gynnwys ‘Canolfan Cyfrifyddu Toll Fewnforio Genedlathol / National Import Duty Accounting Centre (NIDAC)’ CThEF yn y llinell pwnc.
Yr hyn y bydd ei angen arnoch
Mynediad Dros Dro, prosesu mewnol a defnydd awdurdodedig
Er mwyn hawlio blaendal sicrwydd neu warant ar gyfer Mynediad Dros Dro, prosesu mewnol neu ddefnydd awdurdodedig, bydd angen y canlynol arnoch:
-
Cyfeirnod Symud (MRN) mewnforio
-
tystiolaeth o waredu’r nwyddau (gall hwn fod yn MRN mewnforio arall, neu yn MRN allforio)
-
manylion ynghylch pa mor hir yr oedd y nwyddau yn cael eu datgan i fod yn y DU yn ystod yr amser mewnforio
-
gwybodaeth am sut cafodd y nwyddau eu defnyddio
-
manylion banc y talai
-
eich manylion cyswllt a’ch cyfeiriad
-
y swm sy’n cael ei hawlio gennych
Yn ogystal, byddwch angen unrhyw ddogfennau ategol. Gall ffeiliau fod hyd at 9MB yr un a gallant gynnwys y canlynol:
-
anfonebau masnachol
-
bil rhyddhau
-
datganiadau mewnforio neu allforio
-
rhestrau pacio
-
datganiad amgen neu ddargyfeirio
-
dogfennau eraill sy’n ategu’ch hawliad
Tystiolaeth o darddiad sydd ar goll
Er mwyn hawlio blaendal diogelwch neu warant ar gyfer tystiolaeth o darddiad sydd ar goll, bydd angen y canlynol arnoch:
-
Cyfeirnod Symud (MRN) mewnforio
-
manylion banc y talai
-
eich manylion cyswllt a’ch cyfeiriad
-
y swm sy’n cael ei hawlio gennych
-
tystiolaeth o darddiad — dysgwch beth yw’r dystiolaeth o darddiad sydd ei hangen arnoch (yn agor tudalen Saesneg), yn dibynnu ar y math o nwyddau, ac o ble y cafwyd eu hallforio
Sut i hawlio
Sicrhewch fod yr holl ddogfennau a ffeiliau angenrheidiol yn barod gennych i’w huwchlwytho cyn i chi ddechrau.
Mewngofnodwch gan ddefnyddio’r un Dynodydd Defnyddiwr (ID) a chyfrinair ar gyfer Porth y Llywodraeth â wnaethoch eu defnyddio er mwyn tanysgrifio i’r Gwasanaeth Datganiadau Tollau. Bydd yr ID hwn yn gysylltiedig â’ch rhif EORI.
Gall gwasanaethau ar-lein fod yn araf ar adegau prysur. Gwiriwch a oes unrhyw broblemau gyda’r gwasanaeth hwn (yn agor tudalen Saesneg).
Ar ôl i chi wneud hawliad
Byddwch yn cael e-bost gan CThEF yn cadarnhau cyfeirnod eich hawliad
Efallai y bydd CThEF yn cysylltu â chi os oes angen rhagor o wybodaeth am eich cais.
Gallwch wirio statws eich hawliad drwy edrych ar y dangosfwrdd hawliadau sydd ar y gwasanaeth ar-lein.
Updates to this page
-
Added translation
-
The online service can now process missing proof of origin claims.
-
The online service can now process inward processing and authorised use claims.
-
First published.