Gwiriwch pa help ariannol gallwch ei gael gan CThEM
Dysgwch am y rhyddhadau treth a chymorth ariannol sydd ar gael gan CThEM.
Help gyda gofal plant
Budd-dal Plant
Gallwch hawlio Budd-dal Plant os ydych yn gyfrifol am fagu plentyn sydd:
- o dan 16
- o dan 20 os yw’n parhau ag addysg neu hyfforddiant cymeradwy
Dim ond un person all gael Budd-dal Plant ar gyfer plentyn.
Caiff ei dalu bob 4 wythnos a does dim terfyn ar nifer y plant y gallwch hawlio ar eu cyfer.
Gofal Plant sy’n Rhydd o Dreth
Gallwch gael hyd at £500 bob 3 mis (hyd at £2,000 y flwyddyn) ar gyfer pob un o’ch plant, i helpu gyda chostau gofal plant. Mae hyn yn codi i £1,000 bob 3 mis os yw plentyn yn anabl (hyd at £4,000 y flwyddyn).
Hawlio rhyddhad treth ar dreuliau sy’n gysylltiedig â gwaith
Dysgwch sut i hawlio rhyddhad treth ar arian rydych wedi ei wario ar bethau megis gwisg a dillad gwaith, offer, tanysgrifiadau neu deithio ar gyfer busnes.
Hawlio Lwfans Priodasol
Mae Lwfans Priodasol yn caniatáu i chi drosglwyddo 10% (£1,260) o’ch lwfans treth personol i’ch gŵr, gwraig neu bartner sifil os ydych yn ennill llai na’r lwfans treth personol, sydd fel arfer yn £12,570.
Help gyda chynilion
Cael help gyda chynilion os ydych ar incwm isel (Cymorth i Gynilo)
Cyfrif cynilo yw Cymorth i Gynilo. Os oes gennych yr hawl i gael Credyd Treth Gwaith, neu os ydych yn cael Credyd Cynhwysol, gallwch gael bonws o 50c am bob £1 yr ydych yn ei gynilo dros 4 blynedd.
Cronfeydd Ymddiriedolaeth Plant
Mae Cronfa Ymddiriedolaeth Plant yn gyfrif cynilo hirdymor sy’n rhydd o dreth ar gyfer plant a aned rhwng 1 Medi 2002 ac 2 Ionawr 2011.
I’r rhai sydd â chyfrif ond nad ydynt yn gwybod pwy yw darparwr y Gronfa Ymddiriedolaeth Plant, neu os nad ydych yn siŵr a oes gennych un ai peidio, gallwn eich helpu i ddarganfod hyn.
Cael help os na allwch dalu’ch bil treth
Os na allwch dalu, cysylltwch â CThEM cyn gynted â phosibl. Rydym yma i helpu ac mae’n bosibl y byddwch yn gallu talu’r hyn sydd arnoch fesul rhandaliad, yn dibynnu ar eich amgylchiadau a’r hyn y gallwch ei fforddio.
Dysgwch yr hyn i’w wneud os na allwch dalu’ch bil treth mewn pryd
Diweddarwyd ddiwethaf ar 12 April 2022 + show all updates
-
Published Welsh version.
-
First published.