Cronfa Ymddiriedolaeth Plant
Dod o hyd i Gronfa Ymddiriedolaeth Plant
Cysylltwch â darparwr eich Cronfa Ymddiriedolaeth Plant yn uniongyrchol os ydych chi’n gwybod gyda phwy mae’r cyfrif.
Os nad ydych yn gwybod enw’r darparwr, gallwch ofyn i’ch rhiant neu’ch gwarcheidwad.
Gallwch hefyd ofyn i Gyllid a Thollau EF (CThEF) ddod o hyd i Gronfa Ymddiriedolaeth Plant. Gall CThEF roi gwybod i chi ble agorwyd y cyfrif yn wreiddiol.
Gofyn i CThEF ddod o hyd i Gronfa Ymddiriedolaeth Plant
Defnyddiwch yr offeryn hwn i gael gwybod sut i ofyn i CThEF ddod o hyd i Gronfa Ymddiriedolaeth Plant.
Gallwch ofyn i CThEF os ydych:
- yn rhiant neu’n gwarcheidwad i blentyn sydd o dan 18 oed
- yn 16 oed, neu’n hŷn, ac yn chwilio am eich cronfa ymddiriedolaeth
Yr hyn y mae angen i chi ei wybod
Bydd angen eich rhif Yswiriant Gwladol arnoch. Bydd hefyd angen eich manylion mabwysiadu arnoch, os yw’n berthnasol.
Os ydych yn rhiant neu’n gwarcheidwad sy’n chwilio am gronfa ymddiriedolaeth plentyn, bydd angen y canlynol arnoch:
- enw llawn, cyfeiriad, a dyddiad geni’r plentyn
- unrhyw enwau blaenorol a ddefnyddiwyd gennych chi neu’r plentyn
Gallwch gynnwys Rhif Yswiriant Gwladol y plentyn, os yw hwnnw gennych.
Yr hyn sy’n digwydd nesaf
Byddwch yn cael llythyr oddi wrth CThEF yn nodi manylion y darparwr Cronfa Ymddiriedolaeth Plant. Byddwch fel arfer yn cael hwn cyn pen 3 wythnos i’ch cais ddod i law CThEF.
Os na chewch ymateb cyn pen 3 wythnos, gallwch ysgrifennu at CThEF. Cofiwch gynnwys eich cyfeirnod, os oes un gennych.
Ysgrifennwch i’r cyfeiriad isod:
Elusennau, Cynilion a Rhyngwladol 1 / Charities, Savings and International 1
CThEF
HMRC
BX9 1AU