Canllawiau

Gwirio manylion rhywun sy’n cynrychioli CThEF yn bersonol

Sut i gadarnhau pwy yw swyddog CThEF neu gasglwr CThEF os bydd yn cysylltu â chi yn bersonol.

• Gan: Cyllid a Thollau EF
• Cyhoeddwyd: 5 Medi 2023
• Diweddarwyd ddiwethaf: 7 Hydref 2026
  Show all updates

  1. 7 Hydref 2026

     The process to confirm the identity of an HMRC officer when meeting them in person has been updated.

  2. 16 Ionawr 2026

     The telephone number to confirm an officer's identity has been updated. Information has been added on how to report suspicious HMRC emails, texts, social media accounts and phone calls.

  3. 3 Mawrth 2025

     The process to confirm the identity of an HMRC officer and the telephone number to call has been updated.

  4. 25 Chwefror 2025

     How to confirm the identity of an HMRC officer and the telephone number to call has been updated.

  5. 29 Medi 2023

     The phone number to confirm a HMRC FIS officer’s identity if you’re visited Monday to Friday, from 8am to 6pm has been updated.

  6. 19 Medi 2023

     Welsh translation added.

  7. 5 Medi 2023

     First published.

Cysylltu yn bersonol

Bydd unrhyw un sy’n cynrychioli CThEF bob amser yn rhoi gwybod pwy ydyw ac yn egluro pam ei fod yn ymweld â chi.

Os nad ydych yn siŵr a yw’r person rydych chi’n yn delio ag ef yn swyddog gwirioneddol CThEF, gallwch gysylltu â CThEF i wirio pwy ydyw a chadarnhau ei fod yn swyddog o CThEF.

Cadarnhau pwy yw swyddog CThEF

Bydd y swyddog yn dangos ei gerdyn adnabod CThEF i chi, a fydd yn cynnwys ei enw, llun a rhif cyfresol CThEF.

1. Gwnewch nodyn o enw’r swyddog a’r rhif cyfresol.
2. Bydd y swyddog yn rhoi rhif ffôn (03000 565 656) i chi i’w ffonio.
3. Ffoniwch y rhif a rhowch enw’r swyddog a’r rhif cyfresol i gynghorydd CThEF
4. Bydd yr ymgynghorydd yn cadarnhau a yw’r person yn swyddog gwirioneddol CThEF.

Manylion am y rhif ffôn yr ydych yn cael gan swyddog CThEF:

• mae ar gael 24 awr y dydd
• dim ond ar gyfer gwirio manylion swyddogion CThEF mewn sefyllfaoedd wyneb yn wyneb
• ni all roi cyngor i chi gydag ymholiadau am negeseuon e-bost, llythyrau neu alwadau ffôn rydych chi wedi’u cael gan CThEF

Ni ddylech ddefnyddio’r rhif ffôn hwn i gysylltu â CThEF ar gyfer ymholiadau cyffredinol.

Os oes gennych ymholiad cyffredinol, gallwch gysylltu â CThEF (yn agor tudalen Saesneg) mewn ffordd arall.

Cadarnhau manylion casglwr CThEF

Fel arfer bydd casglwr CThEF yn ymweld â chi rhwng 8am a 6pm, o ddydd Llun i ddydd Gwener.

Os bydd casglwr yn ymweld â chi ar unrhyw adeg arall a’ch bod am gadarnhau pwy ydyw, trefnwch apwyntiad ag ef i’w ddychwelyd rhwng 8am a 6pm, o ddydd Llun i ddydd Gwener.

Bydd y casglwr yn dangos ei gerdyn adnabod CThEF i chi, a bydd ei enw, llun a rhif cyfresol CThEF arno.

1. Gwnewch nodyn o’r enw a’r rhif cyfresol ar y cerdyn.
2. Ffoniwch CThEF ar 0300 200 3862.
3. Rhowch yr enw a’r rhif cyfresol i’r ymgynghorydd, fel y gall gadarnhau bod y casglwr yn cynrychioli CThEF.

Rhagor o wybodaeth am gostau galwadau.

Rhagor o wybodaeth

Gallwch wirio rhestr o gysylltiadau dilys CThEF i’ch helpu i benderfynu os yw’r cyswllt rydych wedi ei gael yn dod o CThEF, neu’n sgam gan dwyllwr.

Rhoi gwybod am e-byst, negeseuon testun, cyfrifon cyfryngau cymdeithasol a galwadau ffôn amheus gan CThEF

Cysylltwch â CThEF i roi gwybod am e-bost, cyfrif cyfryngau cymdeithasol, galwad ffôn neu neges destun amheus (yn agor tudalen Saesneg) sy’n sôn am CThEF.