Mynegai Prisiau Tai y DU: adroddiad Cymru: Ebrill 2019
Cyhoeddwyd 19 June 2019
Applies to England and Wales
© Hawlfraint y Goron 2019
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/statistics/uk-house-price-index-wales-april-2019/4425a2c7-54ee-44cd-bbcb-da3b3243b501
1. Prif ystadegau ar gyfer Ebrill 2019
pris eiddo cyfartalog yng Nghymru oedd
£163,902
y newid mewn prisiau blynyddol eiddo ar gyfer Cymru oedd
6.7%
y newid mewn prisiau misol eiddo ar gyfer Cymru oedd
2.4%
y ffigur mynegai ar gyfer Cymru (Ionawr 2015 = 100) oedd
120.4
Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch y polisïau adolygu.
Dyddiad cyhoeddi nesaf Mynegai Prisiau Tai y DU
Cyhoeddir Mynegai Prisiau Tai y DU Mai 2019 am 9.30am ddydd Mercher 17 Gorffennaf 2019. Gweler y calendr dyddiadau rhyddhau.
2. Datganiad economaidd
Tyfodd prisiau tai Cymru gan 6.7% yn y flwyddyn hyd at Ebrill 2019, i fyny o 3.9% yn y flwyddyn hyd at Fawrth 2019. Mae’r cryfhau hwn yn y gyfradd twf blynyddol ar gyfer Cymru i’w briodoli i dwf cryf rhwng Mawrth ac Ebrill 2019 (2.4%) ynghyd â gostyngiad mewn prisiau (0.3%) rhwng Mawrth ac Ebrill 2018. Gall y gostyngiad mewn prisiau rhwng Mawrth ac Ebrill 2018 fod yn gysylltiedig â Threth Trafodiadau Tir sy’n cymryd lle Treth Dir y Dreth Stamp yng Nghymru o Ebrill 2018. Mae Treth Trafodiadau Tir yn cyfateb yn fras â Threth Dir y Dreth Stamp, fodd bynnag, mae’r cyfraddau treth preswyl yn wahanol. Yn gyffredinol, ar gyfer trafodion rhwng £125,000 a £400,000 mae Treth Trafodiadau Tir yn is na Threth Dir y Dreth Stamp ac o £400,000 mae’n uwch na Threth Dir y Dreth Stamp. Felly, ar gyfer eiddo pris is byddai’r dreth wedi bod yn is petai’r trafodiad wedi cael ei oedi tan Ebrill 2018, ac yn rhwymedig i dalu Treth Trafodiadau Tir. Ar gyfer eiddo pris uwch, byddai’r dreth wedi bod yn is petai’r trafodiad wedi cael ei ddwyn ymlaen o Ebrill 2018, ac yn rhwymedig i dalu Treth Dir y Dreth Stamp yn lle hynny. Mae’n debyg bod cyfuniad o’r effeithiau hyn wedi gostwng prisiau rhwng Mawrth 2018 ac Ebrill 2018. Ar sail wedi ei haddasu’n dymhorol, cynyddodd prisiau tai cyfartalog yng Nghymru gan 1.4% rhwng Mawrth 2019 ac Ebrill 2019.
Dangosodd Ystadegau Trafodiadau Tir, ar sail heb ei haddasu’n dymhorol, yn y 3 mis hyd at Ebrill 2019 mai nifer y trafodion ar eiddo preswyl gyda gwerth o £40,000 neu fwy yng Nghymru oedd 12,210. Mae hyn i fyny 1.8% o’i gymharu â’r 3 mis hyd at Ebrill 2018 fel y cyhoeddir yn Ystadegau Trafodiadau Eiddo y DU. Mae angen bod yn ofalus wrth gymharu’r gyfres hon dros y cyfnod hwn oherwydd gall sefydliadau gwahanol ddefnyddio methodolegau ychydig bach yn wahanol.
Yng Nghymru, gwelwyd y cynnydd mwyaf mewn prisiau tai pâr, gan godi 7.4% yn y flwyddyn hyd at Ebrill 2019 i £248,000. Y cynnydd lleiaf ym mhrisiau’r holl fathau o eiddo oedd fflatiau a fflatiau deulawr, gyda chynnydd o 5.0% yn y flwyddyn hyd at Ebrill 2019 i £115,000.
Cynyddodd prisiau tai ym mhob ardal awdurdod lleol dros y flwyddyn ddiwethaf. Blaenau Gwent ddangosodd y twf cryfaf, gan gynyddu 17.0% i £99,000 yn y flwyddyn hyd at Ebrill 2019.
Yn yr un modd â dangosyddion eraill y farchnad dai, sy’n newid o fis i fis fel arfer, mae’n bwysig peidio â rhoi gormod o bwys ar y set o ddata prisiau tai ar gyfer un mis arbennig.
3. Newid mewn prisiau
3.1 Newid mewn prisiau blynyddol
Newid mewn prisiau blynyddol ar gyfer Cymru dros y 5 mlynedd diwethaf
Llwytho data’r siart hon i lawr (CSV, 1KB)
Yng Nghymru, cynyddodd y pris cyfartalog gan 6.7% yn y flwyddyn hyd at Ebrill 2019 (i fyny o 3.9% ym Mawrth 2019).
Newid mewn prisiau blynyddol yn ôl awdurdod lleol ar gyfer Cymru
Gall nifer isel o drafodion gwerthu mewn rhai awdurdodau lleol arwain at ansefydlogrwydd yn y gyfres.
Er ein bod yn ceisio darparu ar gyfer yr ansefydlogrwydd hwn, gall y newid mewn prisiau yn y lefelau lleol hyn gael ei ddylanwadu gan y math o eiddo a nifer yr eiddo a werthir mewn unrhyw gyfnod penodol.
Dylid dadansoddi ardaloedd daearyddol gyda nifer isel o drafodion gwerthu yng nghyd-destun eu tueddiadau mwy hirdymor yn hytrach na chanolbwyntio ar symudiadau misol.
| Awdurdodau lleol | Ebrill 2019 | Ebrill 2018 | Gwahaniaeth |
|---|---|---|---|
| Abertawe | £147,777 | £145,519 | 1.6% |
| Blaenau Gwent | £98,956 | £84,593 | 17% |
| Bro Morgannwg | £227,015 | £221,704 | 2.4% |
| Caerdydd | £212,508 | £200,659 | 5.9% |
| Caerffili | £137,984 | £129,169 | 6.8% |
| Casnewydd | £184,888 | £170,071 | 8.7% |
| Castell-nedd Port Talbot | £113,320 | £110,518 | 2.5% |
| Ceredigion | £187,117 | £182,016 | 2.8% |
| Conwy | £170,225 | £160,188 | 6.3% |
| Gwynedd | £158,762 | £148,744 | 6.7% |
| Merthyr Tudful | £108,777 | £99,970 | 8.8% |
| Pen-y-bont ar Ogwr | £150,412 | £145,984 | 3% |
| Powys | £189,043 | £179,837 | 5.1% |
| Rhondda Cynon Taf | £107,439 | £100,975 | 6.4% |
| Sir Benfro | £166,344 | £166,002 | 0.2% |
| Sir Ddinbych | £154,262 | £149,661 | 3.1% |
| Sir Fynwy | £260,371 | £247,464 | 5.2% |
| Sir y Fflint | £162,182 | £159,656 | 1.6% |
| Sir Gaerfyrddin | £146,543 | £137,189 | 6.8% |
| Tor-faen | £146,291 | £136,564 | 7.1% |
| Wrecsam | £156,908 | £156,401 | 0.3% |
| Ynys Môn | £172,829 | £165,992 | 4.1% |
| Cymru | £163,902 | £153,574 | 6.7% |
Llwytho data’r tabl hwn i lawr (CSV, 1KB)
Prisiau cyfartalog yn ôl awdurdod lleol ar gyfer Cymru
Yn Ebrill 2019, yr ardal ddrutaf i fyw oedd Sir Fynwy, lle mai £260,000 oedd pris tŷ cyfartalog. Mewn cyferbyniad, yr ardal rataf i brynu eiddo oedd Blaenau Gwent, lle mai £99,000 oedd pris tŷ cyfartalog.
3.2 Newid mewn prisiau cyfartalog yn ôl math o eiddo
Newid mewn prisiau cyfartalog yn ôl math o eiddo ar gyfer Cymru
| Math o eiddo | Ebrill 2019 | Ebrill 2018 | Gwahaniaeth |
|---|---|---|---|
| Tŷ sengl | £248,334 | £231,170 | 7.4% |
| Tŷ pâr | £157,544 | £147,853 | 6.6% |
| Tŷ teras | £127,259 | £119,378 | 6.6% |
| Fflat neu fflat deulawr | £115,025 | £109,533 | 5.0% |
| Holl | £163,902 | £153,574 | 6.7% |
Llwytho data’r tabl hwn i lawr (CSV, 1KB)
4. Nifer y gwerthiannau
Mae’r amser rhwng gwerthu eiddo a chofrestru’r wybodaeth hon yn amrywio. Fel arfer, mae’n cymryd rhwng pythefnos a dau fis ond gall gymryd yn hwy. Nid yw ffigurau’r gwerthiannau ar gyfer y ddau fis diweddaraf ar lefel ddibynadwy ar gyfer adrodd eto, felly nid ydynt wedi’u cynnwys yn yr adroddiad. Bydd trafodion cyhoeddedig ar gyfer y misoedd diwethaf yn cynyddu wrth i drafodion cofrestredig hwyrach gael eu cynnwys yn y mynegai.
Mae data ar nifer y gwerthiannau hefyd ar gael yn ôl statws eiddo (adeiladau newydd ac eiddo sy’n bodoli) a statws cyllid (arian parod a morgais) yn ein tablau data y gellir eu llwytho i lawr. Mae trafodion sy’n ymwneud â chreu cofrestr newydd, megis adeiladau newydd, yn fwy cymhleth ac mae angen mwy o amser i’w prosesu. Darllenwch Diwygiadau i ddata Mynegai Prisiau Tai y DU am ragor o wybodaeth.
4.1 Nifer y gwerthiannau yn ôl awdurdod lleol
Nifer y gwerthiannau ar gyfer Cymru yn ôl awdurdod lleol
| Awdurdodau lleol | Chwefror 2019 | Chwefror 2018 |
|---|---|---|
| Abertawe | 207 | 251 |
| Blaenau Gwent | 63 | 73 |
| Bro Morgannwg | 125 | 174 |
| Caerdydd | 368 | 383 |
| Caerffili | 142 | 170 |
| Casnewydd | 178 | 197 |
| Castell-nedd Port Talbot | 131 | 129 |
| Ceredigion | 77 | 67 |
| Conwy | 134 | 161 |
| Gwynedd | 109 | 126 |
| Merthyr Tudful | 42 | 49 |
| Pen-y-bont ar Ogwr | 147 | 187 |
| Powys | 121 | 128 |
| Rhondda Cynon Taf | 228 | 215 |
| Sir Benfro | 159 | 138 |
| Sir Ddinbych | 111 | 101 |
| Sir Gaerfyrddin | 164 | 216 |
| Sir Fynwy | 76 | 83 |
| Sir y Fflint | 140 | 151 |
| Tor-faen | 88 | 94 |
| Wrecsam | 102 | 115 |
| Ynys Môn | 71 | 68 |
| Cymru | 2,988 | 3,276 |
Sylwer: Mae’r golofn ‘Gwahaniaeth’ wedi cael ei symud ymaith o’r tabl hwn oherwydd nid yw data’r mis diwethaf yn gyflawn eto.
Mae’r amcangyfrif ar gyfer Chwefror 2019 wedi ei gyfrifo ar sail oddeutu 85% o’r trafodion cofrestredig terfynol. Bydd nifer y trafodion eiddo ar gyfer Chwefror 2019 yn cynyddu wrth i fwy o drafodion gael eu cynnwys yn y mynegai.
Gan gymharu’r amcangyfrif dros dro o drafodion ar gyfer Chwefror 2018 â’r amcangyfrif dros dro ar gyfer Chwefror 2019, cynyddodd nifer y trafodion gan 1.4% yng Nghymru.
Mae Ystadegau Trafodiadau Eiddo y DU a gyhoeddir gan Gyllid a Thollau EM (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, fod nifer y trafodion wedi cynyddu gan 3.2% yng Nghymru yn y flwyddyn hyd at Chwefror 2019.
Llwytho data’r tabl hwn i lawr (CSV, 1KB)
4.2 Nifer y gwerthiannau
Nifer y gwerthiannau ar gyfer Cymru dros y 5 mlynedd diwethaf
Newid rhwng y siart a’r tabl
| Dyddiad | Nifer y gwerthiannau ar gyfer Cymru |
|---|---|
| Chwefror 2015 | 2,750 |
| Chwefror 2016 | 3,215 |
| Chwefror 2017 | 3,225 |
| Chwefror 2018 | 3,276 |
| Chwefror 2019 | 2,988 |
Llwytho data’r siart hon i lawr (CSV, 1KB)
5. Statws eiddo
Mae trafodion sy’n cynnwys creu cofrestr newydd, megis adeiladau newydd, yn fwy cymhleth ac felly mae angen mwy o amser i’w prosesu. Mae hyn yn golygu y gallant gymryd yn hwy i ymddangos yn y cofrestri tir. Nid yw nifer y trafodion adeiladau newydd ar gyfer y ddau fis diweddaraf ar lefel ddibynadwy ar gyfer adrodd ar y dadansoddiad rhwng adeiladau newydd ac eiddo sy’n bodoli a ailwerthwyd, felly nid ydynt wedi’u cynnwys yn yr adroddiad.
Tai a adeiledir o’r newydd ac eiddo presennol a ailwerthwyd ar gyfer Cymru
| Statws eiddo | Pris cyfartalog Chwefror 2019 | Newid misol | Newid blynyddol |
|---|---|---|---|
| Tai a adeiledir o’r newydd | £216,913 | 3.9% | 3.7% |
| Eiddo presennol a ailwerthwyd | £155,845 | 0.0% | 4.0% |
Llwytho data’r tabl hwn i lawr (CSV, 1KB)
Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn y fethodoleg a ddefnyddir.
6. Statws y prynwr
Prynwr am y tro cyntaf a chyn berchen-feddiannydd ar gyfer Cymru
| Math o brynwr | Pris cyfartalog Ebrill 2019 | Newid misol | Newid blynyddol |
|---|---|---|---|
| Prynwr am y tro cyntaf | £141,282 | 2.3% | 6.4% |
| Cyn berchen-feddiannydd | £190,362 | 2.6% | 7.1% |
Llwytho data’r tabl hwn i lawr (CSV, 1KB)
7. Statws ariannu
Dangosydd arian parod a morgais ar gyfer Cymru
| Statws ariannu | Pris cyfartalog Ebrill 2019 | Newid misol | Newid blynyddol |
|---|---|---|---|
| Arian parod | £159,887 | 2.9% | 7.0% |
| Morgais | £166,301 | 2.1% | 6.6% |
Llwytho data’r tabl hwn i lawr (CSV, 1KB)
8. Nifer y gwerthiannau adfeddiannu
Oherwydd bod cyfnod o 2 wythnos i 2 fis rhwng cwblhau a chofrestru gwerthiannau, nid yw ffigurau nifer yr adfeddiannau ar gyfer y ddau fis diweddaraf yn gyflawn eto, felly nid ydynt wedi’u cynnwys yn yr adroddiad.
Nifer y gwerthiannau adfeddiannu
| Gwlad | Nifer y gwerthiannau adfeddiannu Chwefror 2019 |
|---|---|
| Cymru | 48 |
9. Mynediad i’r data
Mae modd llwytho’r data i lawr fel ffeiliau CSV neu gael mynediad iddo gyda’n teclyn Mynegai Prisiau Tai y DU.
Diwygiadau data
Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.
10. Mynegai Prisiau Tai y DU
Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.
Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EM, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.
Darllenwch ragor am Fynegai Prisiau Tai y DU.
11. Cyswllt ar gyfer ymholiadau’n ymwneud â Chymru
David Lockett, Rheolwr Cynnyrch, Cofrestrfa Tir EM
Ebost
david.lockett@landregistry.gov.uk
Ffôn
0300 0068317