Adolygiad Timms y Taliad Annibyniaeth Personol: cynnal gweithdy
Mae’r ‘Gweithdy mewn bocs’ hwn yn darparu’r deinyddiau i gynnal sesiynau sy’n casglu barn ar gyfer Adolygiad Timms y Taliad Annibyniaeth Personol (PIP).
Dogfennau
Manylion
Bydd cyflwyniadau ar gyfer barn a gesglir drwy’r gweithdy mewn bocs yn agor am 8am ar 8 Mehefin 2026.
Mae’n cau am 5pm ar 17 Gorffennaf 2026.
Dylech gyflwyno barn drwy’r ffurflen ymateb ar-lein.
Gweithdy mewn bocs
Mae’r llywodraeth wedi lansio’r Adolygiad Timms i sicrhau bod PIP yn deg ac yn helpu i gefnogi pobl anabl.
Mae’r gweithdy mewn bocs yn ffordd o helpu pobl a sefydliadau i gasglu a rhannu barn gan bobl am effaith PIP ar eu bywydau.
Bydd adborth o’r gweithdai yn rhan hanfodol o Adolygiad Timms. Bydd y grŵp llywio yn trafod mewnwelediadau gan weithdai i helpu i lunio’r argymhellion a fydd yn cael eu cyflwyno i’r Ysgrifennydd Gwladol.
Mae’r Gweithdy mewn bocs yn cael ei weinyddu gan yr Adran Gwaith a Phensiynau (DWP) ar ran grŵp llywio Adolygiad Timms. Mae’r grŵp llywio yn goruchwylio’r rhaglen aml-haen o gyfranogiad ac ymgysylltu ac yn tynnu ar ystod eang o dystiolaeth a ffynonellau i ddatblygu argymhellion.
Cynnal gweithdy
Mae’r gweithdy mewn bocs ar gyfer unrhyw un a hoffai gynnal gweithdy, gan gynnwys Sefydliadau Pobl Fyddar ac Anabl, elusennau anabledd neu iechyd, grwpiau cymunedol a chynrychiolwyr etholedig.
Rydym wedi cysylltu â nifer fach o sefydliadau i gynnig cefnogaeth i gyflwyno gweithdai hygyrch gyda grwpiau a chymunedau lleol yn eu rhwydweithiau. Mae’r sefydliadau hyn wedi’u hadnabod am eu gallu i gyrraedd unigolion a grwpiau sy’n llai tebygol o ymgysylltu ag ymchwil y llywodraeth neu ymgynghoriadau cyhoeddus, gan gynnwys y rhai o gymunedau sydd wedi’u hymylu neu heb gynrychiolaeth ddigonol.
Mae unrhyw gefnogaeth ariannol a ddarperir wedi’i chyfyngu i dalu costau rhesymol sy’n gysylltiedig â hygyrchedd a chyflwyno, megis llogi lleoliad ac anghenion cymorth, ac nid yw wedi’i fwriadu fel taliad am gyfranogiad.
Gellir cynnal gweithdai wyneb yn wyneb neu ar-lein.
Gellir addasu deunyddiau ar gyfer anghenion y rhai sy’n mynychu gweithdy. Gallai hyn gynnwys newid yr hyn a gwmpesir neu amseriadau gweithdy.
Deunyddiau sydd ar gael
Mae 5 dogfen i gefnogi cynnal gweithdy:
- Pecyn sleidiau Gweithdy mewn bocs – pecyn sleidiau gyda thempled awgrymedig ar gyfer gweithdy 2 awr, sy’n cynnwys cwestiynau ac awgrymiadau
- canllaw hwylusydd – gwybodaeth i’r rhai sy’n cynnal gweithdai, sy’n cynnwys canllawiau ar sut i newid deunyddiau
- taflen wybodaeth y cyfranogwr – gwybodaeth am gefndir Adolygiad Timms i’w rannu gyda’r rhai sy’n mynychu gweithdy
- ffurflen ‘amdanoch chi’ – ffurflen i gyfranogwyr ei llenwi i helpu i gasglu gwybodaeth am gyrhaeddiad y cynnig Gweithdy mewn bocs
- Canllawiau Hwylusydd Ychwanegol – Canllawiau ar ba awgrymiadau i’w defnyddio ar gyfer pob cwestiwn a sut y gellir addasu’r cwestiynau.
Mae fersiynau Saesneg o’r holl atodiadau hefyd ar gael nawr.
I ofyn am fformatau hygyrch eraill, anfonwch e-bost at timmsreview.workshopinabox@dwp.gov.uk.
Cyflwyno ymatebion
Gofynnwn i’r rhai sy’n cynnal gweithdai rannu barn o’r gweithdy drwy’r ffurflen ymateb ar-lein.
Cwblhewch un ffurflen ymateb fesul gweithdy.
Os na allwch ddefnyddio’r ffurflenni ymateb uchod, gallwch e-bostio ymatebion i timmsreview.workshopinabox@dwp.gov.uk.
Fersiynau amgen o’r ffurflen ymateb
Rydym wedi creu’r fersiynau canlynol o’r ffurflen ymateb ar-lein:
- BSL
- sain
- print bras
- Hawdd ei Ddarllen
Gellir e-bostio’r rhain i timmsreview.workshopinabox@dwp.gov.uk am unrhyw fersiynau sydd eu hangen ac i anfon eich ymateb.
Cymorth
Gallwch e-bostio unrhyw gwestiynau sydd gennych i timmsreview.workshopinabox@dwp.gov.uk.
Gwnaeth y tîm Adolygiad Timms gynnal 2 sesiwn i ateb cwestiynau. Cynhaliwyd y rhain ar:
- Dydd Mercher 10 Mehefin, 2pm i 3pm
- Dydd Mawrth 16 Mehefin, 11am i 12pm
Cafodd y sesiynau eu recordio ac maent ar gael i’r mynychwyr.
Adborth ar y gweithdy mewn bocs
Hoffai’r grŵp llywio glywed gennych os ydych chi wedi ymuno â gweithdy neu wedi’i gynnal.
Bydd hyn yn ein helpu i ddysgu beth sy’n gweithio’n dda a beth y gellid ei wneud yn wahanol i wella profiad y rhai sy’n cymryd rhan. Os hoffech rannu eich barn, gallwch lenwi’r ffurflen adborth ddewisol i gyfranogwyr ac i hwyluswyr.
Mae ffurflenni adborth ar gael mewn amrywiaeth o fersiynau hygyrch ar gais. E-bostiwch timmsreview.workshopinabox@dwp.gov.uk i ofyn am y fersiynau hyn
Diogelu data a chyfrinachedd
Bydd DWP yn dadansoddi ac yn crynhoi ymatebion ac efallai y byddant yn defnyddio deallusrwydd artiffisial i gynorthwyo gyda thrin ymatebion - bydd hyn o dan oruchwyliaeth ddynol ac ni fydd yn disodli barn ddynol wrth ystyried tystiolaeth. Gall fersiwn ddienw o’ch ymateb gael ei chyhoeddi mewn rhestr o ymatebion, mewn crynodeb o ymatebion a dderbyniwyd, ac mewn unrhyw adroddiadau adolygu dilynol. Efallai y byddwn hefyd yn rhannu eich data personol lle bo’r gyfraith yn ei gwneud yn ofynnol, er enghraifft mewn perthynas â chais a wnaed o dan Ddeddf Rhyddid Gwybodaeth 2000. Byddwn yn tynnu gwybodaeth a allai eich adnabod, fel cyfeiriadau e-bost a rhifau ffôn o’r ymatebion hyn, ond ar wahân i hyn efallai y byddwn yn cyhoeddi ymatebion yn llawn. Gallwch hepgor gwybodaeth bersonol o’ch ymateb yn gyfan gwbl os byddai’n well gennych wneud hynny.
Updates to this page
-
Added accessible versions of documents in Welsh. The landing page has also been updated to reflect this.
-
Added an updated audio version of the 'Workshop in a box' slide deck and new audio versions of the 'About you' form and 'Suggested prompts for Workshop in a Box'.
-
Added 'About You' attachments in standard, easy read, BSL, and large print formats. Added 'Suggested prompts for Workshop in a Box Questions' in standard, BSL, large print, Welsh formats.
-
Added BSL version of facilitator guidance.
-
Added translation