Gweithdy Adolygiad Timms – Gwybodaeth i'r mynychwyr
Diweddarwyd 8 Mehefin 2026
© Hawlfraint y Goron 2026
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/timms-review-of-personal-independence-payment-run-a-workshop/gweithdy-adolygiad-timms-gwybodaeth-ir-mynychwyr
Rydym yn edrych ymlaen at eich croesawu ar gyfer ein gweithdy Adolygiad Timms o Daliad Annibyniaeth Personol (PIP). Mae’r daflen hon yn rhoi mwy o wybodaeth i chi am pam rydym yn cynnal y gweithdy a’i ddiben.
Beth yw Adolygiad Timms?
Lansiodd y llywodraeth Adolygiad Timms o Daliad Annibyniaeth Personol (PIP) y llynedd.
Mae Taliad Annibyniaeth Personol (PIP) yn fudd-dal ariannol nad yw’n prawf modd. Mae PIP yn cefnogi llawer o bobl gyda’r costau ychwanegol o Anabledd neu gyflwr iechyd hirdymor.
Adolygiad Timms yw’r adolygiad llawn cyntaf o PIP. Ei nod yw sicrhau:
- Mae PIP yn deg ac yn addas ar gyfer y dyfodol mewn byd sy’n newid,
- Mae PIP yn helpu i gefnogi pobl anabl i gyflawni gwell iechyd, safonau byw uwch a mwy o annibyniaeth, gan gynnwys cymryd rhan yn y gymuned neu gyflogaeth.
Pwy sy’n ymwneud â’r Adolygiad Timms?
Mae’n bwysig bod profiad byw wrth wraidd Adolygiad Timms. Mae’r llywodraeth wedi ymrwymo i Adolygiad sy’n cael ei lunio gyda phobl anabl ac nid yw’n ymwneud â nhw yn unig. Mae’r Adolygiad Timms yn cael ei gyd-gynhyrchu gyda phobl anabl, y sefydliadau sy’n eu cynrychioli, gofalwyr, clinigwyr, arbenigwyr, ASau ac eraill. Trwy ymuno â’r gweithdy hwn, mae hyn yn eich cynnwys chi!
Mae’r Adolygiad yn cael ei arwain gan dri chyd-gadeirydd a grŵp llywio. Maent yn dod â phrofiad ar draws meysydd gan gynnwys polisi lles, hygyrchedd, eiriolaeth, cyd-gynhyrchu, llywodraethu, ac arweinyddiaeth o fewn Sefydliadau Pobl Anabl (DPOs). Mae bron pob aelod wedi cael profiad byw o Anabledd neu gyflyrau iechyd hirdymor. Mae’r grŵp llywio yn gosod y cyfeiriad strategol ar gyfer y gwaith, yn goruchwylio’r rhaglen o gasglu tystiolaeth ac ymgysylltu, gan gynnwys gweithdai fel hyn, ac yn datblygu argymhellion.
Pam rydym yn cynnal y gweithdy hwn?
Mae’n bwysig iawn i’r grŵp llywio bod yr Adolygiad yn clywed gan lawer o wahanol safbwyntiau. Mae’r rhaglen dystiolaeth ac ymgysylltu chwe rhan wedi’i chynllunio i gefnogi pobl i gymryd rhan mewn ffyrdd sy’n gweithio iddynt. Mae’r rhaglen yn cynnwys:
- Galwad am dystiolaeth
- Data ac ymchwil sy’n bodoli eisoes
- Ymchwil arolwg meintiol newydd
- Pecyn gweithdy parod (‘Workshop in a box’)
- Sesiynau tystiolaeth gydag arbenigwyr
- Digwyddiadau trafod manwl (trafod opsiynau ac atebion yn fanylach)
Bydd y gweithdy hwn yn ymdrin â rhai pynciau y mae’r grŵp llywio am gael gwybod mwy amdanynt. Mae grŵp llywio Adolygiad Timms am seilio eu hargymhellion o ystod o brofiadau byw, bywyd bob dydd a dysgu. Maent am glywed gan ystod eang o leisiau, gan gynnwys y cymunedau mwyaf ymylol. Maent or farn ei dod hyn yn hanfodol i ddarparu cynnig PIP sy’n addas ar gyfer y dyfodol ac yn deg i bawb. Mae’r gweithdy hwn yn gyfle i bobl anabl ac unigolion sydd â phrofiad uniongyrchol o PIP lunio’r Adolygiad.
Sut bydd ein trafodaeth yn cael ei defnyddio?
Yn dilyn y sesiwn heddiw:
- Bydd hwyluswyr yn ysgrifennu crynodeb o’r drafodaeth a fydd yn cael ei rannu gyda’r Adolygiad
- Bydd hyn yn helpu grŵp llywio’r Adolygiad i wneud eu hargymhellion a’u defnyddio i lywio’r adroddiad terfynol
Noder: Bydd mewnwelediadau heddiw yn ddienw cyn y cânt eu rhannu, felly ni fydd unrhyw beth y byddwch yn ei rannu heddiw yn briodol i unrhyw unigolyn.
Diolch am gymryd rhan a rhannu eich mewnwelediadau a’ch profiadau gyda’r Adolygiad Timms.