Ffurflen

Sut i lenwi’r ffurflen gweithred newid enw i oedolion

Diweddarwyd 20 Awst 2025

Yn berthnasol i Loegr, Gogledd Iwerddon a Chymru

© Hawlfraint y Goron 2025

Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.

Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.

Mae'r cyhoeddiad hwn ar gael yn https://www.gov.uk/government/publications/enrol-a-deed-poll-with-the-court-to-change-your-name-form-loc020/sut-i-lenwir-ffurflen-gweithred-newid-enw-i-oedolion

Cyn i chi ddechrau

Cyn i chi wneud cais dylech yn gyntaf ddarllen y prif gyfarwyddyd ar newid eich enw trwy weithred newid enw. Mae’n cynnwys gwybodaeth am: 

  • pa bryd rydych a pha bryd nad ydych angen gweithred newid enw 
  • sut i wneud gweithred newid enw eich hun 
  • y dogfennau y mae’n rhaid i chi gynnwys pan fyddwch yn gwneud cais i gofrestru gweithred newid enw
  • y ffi i gofrestru gweithred newid enw 
  • ble i anfon eich ffurflenni ar ôl eu llenwi
  • sut y gallwch wneud cais ar-lein os byddai’n well gennych wneud hynny
  • sut i newid enw plentyn trwy weithred newid enw 

Os cawsoch eich geni yn yr Alban, dylech ddilyn y rheolau a’r cyfarwyddyd ar gyfer newid eich enw yn yr Alban.

Rhaid i chi hefyd gwblhau a chynnwys: 

Os ydych yn penderfynu gwneud cais ar-lein yna nid oes angen i chi lenwi’r ffurflen gweithred newid enw. Bydd yn cael ei llenwi ar eich rhan a’i hanfon atoch i’w hargraffu a’i llofnodi ar ôl i chi wneud cais.

Llenwi’r ffurflen gweithred newid enw

Mae’n rhaid i chi gynnwys holl fanylion eich enw newydd a’ch hen enw trwy’r holl ffurflen, gan gynnwys unrhyw enwau canol. Mae hon yn ddogfen gyfreithiol sy’n dod yn weithred newid enw, felly: 

  • ni ddylech groesi allan unrhyw beth ynddi ac ni ddylai gynnwys camgymeriadau 
  • dylai fod wedi’i hargraffu ar un ochr y papur 

Mae’n rhaid i chi ddatgan eich statws perthynas. Os ydych yn briod neu mewn partneriaeth sifil, byddwch angen caniatâd ysgrifenedig eich gŵr, gwraig neu bartner os ydych yn newid eich enw. 

Mae’n rhaid i chi lofnodi’r ffurflen ym mhresenoldeb 2 dyst. Bydd angen i’ch tystion hefyd lofnodi’r ffurflen.

Mae’n rhaid i chi gymryd llungopi o’r ffurflen i’w chynnwys yn eich arddangosion. Byddwn yn cadw’r llungopi er mwyn cyfeirio ati ac i wneud copïau os bydd arnoch eu hangen. Byddwn yn dychwelyd y ffurflen gweithred newid enw wreiddiol atoch fel eich copi chi.

Eich dinasyddiaeth

I newid eich enw trwy weithred newid enw, mae’n rhaid i chi fod yn: 

  • Ddinesydd Prydeinig 
  • Dinesydd y Gymanwlad 
  • Dinesydd tiriogaethau dibynnol Prydain

Rhaid i’r unigolyn sy’n llofnodi’ch datganiad statudol (eich ‘datganydd’) hefyd fod yn ddinesydd Prydeinig, y Gymanwlad neu diriogaethau dibynnol Prydain.

Rhaid i chi gynnwys ar y ffurflen yr adran o Ddeddf Cenedligrwydd Prydeinig 1981 sy’n eich cymhwyso fel dinesydd. Rhaid i’ch datganydd gynnwys yn y datganiad statudol pa adran o’r ddeddf sy’n berthnasol i’w dinasyddiaeth nhw.

Adran 1 (1)

Os cawsoch eich geni ar neu ar ôl: 

  • 1 Ionawr 1983 yn y DU
  • 21 Mai 2002 mewn tiriogaeth ddibynnol Prydain neu wlad o’r Gymanwlad

Ac ar adeg eich genedigaeth roedd eich mam neu’ch tad naill ai yn:

  • ddinesydd Prydeinig
  • wedi setlo yn y DU neu’r wlad lle cawsoch eich geni

Adran 6 (1)

Mae gennych dystysgrif frodori.

Adran 11 (1)

Os cawsoch eich geni ar neu cyn 31 Rhagfyr 1982 yn y DU, tiriogaeth ddibynnol Prydain neu wlad o’r Gymanwlad ac rydych naill ai yn:

  • ddinesydd Prydeinig
  • dinesydd gyda’r hawl i aros yn y DU dan Ddeddf Mewnfudo 1971 (fel yr oedd mewn grym ar y pryd)

Adran 37 (1)

Os ydych yn ddinesydd yn un o diriogaethau dibynnol Prydain neu wlad o’r Gymanwlad.

Cael help gyda gweithred newid enw

Os oes arnoch angen gofyn cwestiwn am y weithred o newid eich enw, cysylltwch â’r Tîm Gweithred Newid Enw yn Adran Mainc y Brenin. 

Tîm Gweithred Newid Enw
Adran Mainc y Brenin
Y Llysoedd Barn Brenhinol
Strand
Llundain
WC2A 2LL 

Rhif ffôn: 020 3936 8957 (opsiwn 6)
Dydd Llun i Ddydd Gwener, 9am tan 5pm
Wedi cau ar wyliau banc
Gwybodaeth am gost galwadau

E-bost: kbdeedspoll@justice.gov.uk 
Ein nod yw ymateb o fewn 10 diwrnod gwaith. 

Mae’r cyfeiriad e-bost uchod ar gyfer ymholiadau yn unig. Ni ddylech gyflwyno’r ffurflenni gweithred newid enw trwy e-bost. 

Gallwch hefyd gysylltu â’r Tîm Gweithred Newid Enw os oes gennych ymholiad am weithred newid enw bresennol sy’n 5 oed neu lai. 

Os oes gennych ymholiad am weithred newid enw sy’n hŷn na 5 oed, cysylltwch â’r Archifau Cenedlaethol.

Back to top