Datganiad cadarnhau (CS01c fersiwn newydd)
Defnyddiwch y ffurflen hon i gadarnhau bod manylion y cwmni’n gyfoes.
Yn berthnasol i Gymru
Dogfennau
Manylion
Mae’r ffurflen hon yn cadarnhau bod manylion eich cwmni yn gyfredol ar gofrestr Tŷ’r Cwmnïau.
Y gost yw £62 i ffeilio eich datganiad cadarnhau ar bapur.
Dim ond os yw’ch dyddiad cadarnhau (dyddiad diwallu) ar 5 Mawrth 2024 neu’n hwyrach y gallwch ffeilio’r ffurflen hon.
Os yw eich dyddiad cadarnhau ar 4 Mawrth 2024 neu’n gynharach, bydd angen i chi ddefnyddio’r fersiwn flaenorol o’r ffurflen CS01c.
Mae’n gyflymach ac yn haws i ffeilio eich datganiad cadarnhau ar-lein.
Newidiadau i wybodaeth eich cwmni
Defnyddiwch rannau 1 i 4 i wneud y newidiadau yma i’r cwmni:
- prif weithgareddau busnes neu ddosbarthiad diwydiannol safonol (SIC)
- datganiad o gyfalaf
- statws masnachu cyfranddaliadau ac eithriad rhag cadw cofrestr o bobl a rheolaeth arwyddocaol (PRhA)
- gwybodaeth cyfranddaliwr
Defnyddiwch y rhestr gyddwysedig o godau SIC os oes angen i chi ddiweddaru natur eich gweithgaredd busnes ar eich datganiad cadarnhau.
Cyfeiriad e-bost cofrestredig
Rhaid i chi ddefnyddio Rhan 5 i ddarparu cyfeiriad e-bost cofrestredig os nad ydych eisoes wedi darparu un.
Mae proses wahanol os oes angen i chi newid cyfeiriad e-bost cofrestredig eich cwmni.