Y lefelau gwasanaeth gofynnol os bydd streic: gwasanaethau ysbyty
Applies to England, Scotland and Wales
Disgrifiad o'r ymgynghoriad
Mae’r Adran Iechyd a Gofal Cymdeithasol (Lloegr) yn ceisio safbwyntiau i lywio penderfyniadau ar gyflwyno rheoliadau ar lefelau gwasanaeth gofynnol yng Nghymru, Lloegr, a’r Alban, er mwyn diogelu diogelwch cleifion mewn gwasanaethau ysbyty allweddol yn ystod streic.
Mae Llywodraeth y DU eisoes wedi ymgynghori ar gymhwyso lefelau gwasanaeth gofynnol ar gyfer sectorau eraill. Ym maes iechyd, rydym yn dymuno cael y cydbwysedd cywir rhwng gallu gweithwyr i streicio a diogelu bywyd ac iechyd.
Ein cynnig yw bod y rhan fwyaf o’r gwasanaethau ysbyty hanfodol ac sy’n gritigol o ran amser gael eu cwmpasu gan reoliadau lefel gwasanaeth gofynnol. Bydd yr ymgynghoriad hwn yn helpu i lywio penderfyniadau ynghylch a ddylai gwasanaethau ysbyty gael eu cwmpasu ac, os felly, pa wasanaethau ysbyty, y lefelau gwasanaeth gofynnol priodol sydd eu hangen, ac a ddylid cynnwys unrhyw wasanaethau iechyd y tu allan i ysbytai.
Mae Deddf Streiciau (Lefelau Gwasanaeth Gofynnol) 2023 yn berthnasol i Gymru, Lloegr a’r Alban. Nid yw’r ddeddf yn berthnasol i Ogledd Iwerddon
Rydym yn ceisio safbwyntiau gan:
- y cyhoedd yn gyffredinol (gan gynnwys cleifion ac aelodau o’r teulu neu ofalwyr)
- undebau llafur
- cyflogwyr y GIG a’r gwasanaeth iechyd
- sefydliadau cynrychiadol a chyrff proffesiynol
- gweithwyr yn y gwasanaethau iechyd
- gweithwyr mewn unrhyw wasanaethau eraill y mae streiciau yn y GIG yn effeithio arnynt
- grwpiau cleifion
Bydd asesiad o’r effaith ar gydraddoldeb yn cael ei gyhoeddi maes o law.