Cryfhau amddiffyniadau i lesddeiliaid dros taliadau a gwasanaethau: ymgynghoriad
Yn berthnasol i Loegr a Chymru
Disgrifiad o'r ymgynghoriad
Cyflwynodd Deddf Diwygio Cyfraith Lesddaliad a Rhydd-ddaliad 2024 ystod o fesurau i wella perchnogaeth cartrefi i filiynau o lesddeiliaid yng Nghymru a Lloegr. Mae’r mesurau hyn yn cynnwys cynyddu tryloywder taliadau gwasanaeth a pholisïau yswiriant adeiladu, yn ogystal â mynd i’r afael â chostau ymgyfreitha anghyfiawn.
Mae’r ymgynghoriad hwn yn ceisio barn ar sut i weithredu’r gofynion newydd hyn trwy is-ddeddfwriaeth, a fydd yn helpu lesddeiliaid i graffu ar ffioedd a thaliadau annheg yn well, a’u herio’n well, yn ogystal â rhesymoldeb y gwasanaethau y maent yn talu amdanynt.
Mae’r ymgynghoriad hwn hefyd yn ceisio barn ar gynigion ar gyfer diwygio pellach o safbwynt y taliadau y mae lesddeiliaid, a pherchnogion tai ar ystadau rhydd-ddaliad, yn eu talu a’r gwasanaethau y maent yn eu derbyn. Mae’r rhain yn cynnwys ymrwymiadau Llywodraeth y DU i ymgynghori ar ddiwygio’r gyfundrefn adran 20 ar gyfer gwaith mawr a chyflwyno cymwysterau gorfodol ar gyfer asiantiaid rheoli.