Cynhaliaeth plant os yw rhiant yn byw dramor
Os yw'r rhiant arall yn gweithio dramor i Sefydliad Prydeinig
Efallai y gallwch wneud hawliad cynhaliaeth plant newydd yn hytrach na gorfodi un presennol os yw’r rhiant arall yn gweithio dramor i rai sefydliadau Prydeinig, er enghraifft:
- fel gwas sifil
- i Wasanaeth Llysgenhadol Ei Fawrhydi
- fel aelod o’r Lluoedd Arfog
- i gwmni wedi’i leoli a’i gofrestru yn y DU
- i GIG
- i awdurdod lleol
Sut i wneud hawliad
Ni allwch wneud cais yn uniongyrchol i’r Gwasanaeth Cynhaliaeth Plant. Mae’n rhaid i chi ddefnyddio’r gwasanaeth Cael cymorth i drefnu cynhaliaeth plant a chael cyfeirnod yn gyntaf.
Gallwch hefyd ddefnyddio’r gwasanaeth Cael cymorth i drefnu cynhaliaeth plant i gael gwybod beth yw’ch opsiynau ar gyfer talu am gynhaliaeth plant neu gael cynhaliaeth ar gyfer eich plentyn, gan gynnwys gwneud trefniant preifat eich hun.
Os ydych angen help i ddefnyddio’r gwasanaeth Cael cymorth i drefnu cynhaliaeth plant, cysylltwch â’r Gwasanaeth Cynhaliaeth Plant.
Gwasanaeth Cynhaliaeth Plant
Rhif ffôn: 0800 171 2345
Rhif ffôn i siaradwyr Cymraeg: 0800 232 1979
Relay UK (os na allwch glywed neu siarad dros y ffôn): 18001 ac yna 0800 171 2345
Dydd Llun i ddydd Gwener, 8am i 6pm
Gwybodaeth am gost galwadau
Gwasanaeth cyfnewid fideo ar gyfer defnyddwyr Iaith Arwyddion Prydain (BSL) - gwiriwch y gallwch ddefnyddio’r gwasanaeth
Dydd Llun i ddydd Gwener, 8am i 6pm
Mae yna rif ffôn gwahanol os ydych chi’n byw yng Ngogledd Iwerddon.
I wneud cais i’r Gwasanaeth Cynhaliaeth Plant, mae’n rhaid i chi dalu:
- £20 i wneud cais - nid oes rhaid i chi dalu’r ffi hon os ydych o dan 19 oed, wedi dioddef trais domestig neu yng Ngogledd Iwerddon
- ffioedd ychwanegol ar gyfer talu a chasglu cynhaliaeth plant os ydych yn defnyddio’r Gwasanaeth Casglu a Thalu
Os ydych wedi gwneud hawliad yn barod, cysylltwch â’r gwasanaeth sy’n delio gyda’ch achos am gyngor.