Cynhaliaeth plant os yw rhiant yn byw dramor
Trosolwg
Ni allwch wneud cais newydd i’r Gwasanaeth Cynhaliaeth Plant os yw’r plentyn a’r rhiant sydd gyda’r prif ofal o ddydd i ddydd yn byw dramor.
Mae yna amgylchiadau lle gall y gwasanaeth helpu os yw’r rhiant sy’n talu cynhaliaeth yn byw dramor.
Gallwch wneud trefniant cynhaliaeth plant preifat eich hun – os yw un neu’r ddau riant yn byw dramor.
Mae’r canllaw hwn hefyd ar gael yn Saesneg (English).
Gorfodi penderfyniad cynhaliaeth plant
Gallwch ofyn i lys am help os na fydd y rhiant arall yn talu’r gynhaliaeth plant sy’n ddyledus i chi ganddynt. Gelwir hyn yn cymryd ‘camau gorfodi’.
Ni allwch orfodi trefniant cynhaliaeth plant preifat a wnaethoch eich hun – rydych angen ei wneud yn gyfreithiol rwymol yn gyntaf.
Gallwch hefyd ofyn i’r llys newid penderfyniad cynhaliaeth plant presennol neu wneud un newydd.
Mae sut y gallwch orfodi, newid neu wneud penderfyniad yn dibynnu ar:
- ble mae’r rhiant arall yn byw
- lle y gwnaed eich penderfyniad gwreiddiol
Mae gan y DU gytundeb Cydorfodi Gorchmynion Cynhaliaeth (REMO) gyda nifer o wledydd eraill. Gall llysoedd mewn ‘gwledydd REMO’ orfodi penderfyniadau cynhaliaeth plant a wnaed gan lysoedd y DU.
Penderfyniadau cynhaliaeth plant a wnaed yn yr Alban neu yng Ngogledd Iwerddon
Mae’r broses yn wahanol os ydych eisiau gorfodi penderfyniad cynhaliaeth plant a wnaed yn wreiddiol yn yr Alban neu yng Ngogledd Iwerddon.
Os gwnaed y penderfyniad yn yr Alban
Cysylltwch â Llywodraeth yr Alban am gyngor.
maintenanceenforcement@gov.scot
Rhif ffôn: 0131 244 3570 neu 0131 244 4829
Ffacs: 0131 244 4848
Gwybodaeth am gost galwadau
The Scottish Government Justice Directorate
Central Authority and International Law Team
St Andrew’s House
Regent Road
Edinburgh
EH1 3DG
Os gwnaed y penderfyniad yng Ngogledd Iwerddon
Cysylltwch â Gwasanaeth Llysoedd a Thribiwnlysoedd Gogledd Iwerddon am gyngor.
reciprocalenforcement@courtsni.gov.uk
Rhif ffôn: 0300 200 7812
Gwybodaeth am gost galwadau
Northern Ireland Courts and Tribunals Service
Laganside House
23 - 27 Oxford Street
Belfast
BT1 3LA