Mae’ch cyflogwr neu’ch darparwr pensiwn yn defnyddio’ch cod treth i gyfrifo faint o Dreth Incwm i’w chasglu o’ch cyflog neu’ch pensiwn. Bydd Cyllid a Thollau EF ( CThEF ) yn rhoi gwybod iddo pa god i’w ddefnyddio. Mae’r canllaw hwn hefyd ar gael yn Saesneg . Dod o hyd i’ch cod treth Gallwch ddod o hyd i’ch cod treth: drwy wirio’ch cod treth ar gyfer y flwyddyn bresennol ar-lein – bydd angen i chi fewngofnodi i’ch cyfrif ar-lein neu greu un ar ap CThEF ar eich slip cyflog ar lythyr ‘Hysbysiad o God Treth’ oddi wrth CThEF , os cewch un Os byddwch yn gwirio’ch cod treth ar-lein neu ar ap CThEF , gallwch hefyd wneud y canlynol: dod o hyd i’ch cod treth ar gyfer blynyddoedd treth blaenorol cofrestru i gael hysbysiadau di-bapur – mae hyn yn golygu y bydd CThEF yn anfon e-bost atoch pan fydd eich cod treth yn newid

Beth mae’ch cod treth yn ei olygu

Mae’ch cod treth yn cynnwys rhifau a llythrennau. 1257L yw’r cod treth a ddefnyddir ar hyn o bryd ar gyfer y rhan fwyaf o bobl sydd ag un gyflogaeth neu bensiwn. Fel arfer, bydd CThEF yn cysylltu â chi i esbonio sut y cyfrifwyd eich cod treth unigol, os bydd eich cod treth yn newid . Gwirio beth mae’ch cod treth yn ei olygu Gallwch ddefnyddio’r gwiriwr cod treth i gael gwybod y canlynol: yr hyn y mae’r rhifau a’r llythrennau yn eich cod treth yn ei olygu faint o dreth y byddwch yn ei thalu yr hyn y gall fod angen i chi ei wneud nesaf Yn dibynnu ar eich amgylchiadau, mae’n bosibl y gofynnir i chi ynghylch: eich incwm blynyddol, cyn unrhyw ddidyniadau (yn agor tudalen Saesneg) unrhyw fuddiannau cwmni (yn agor tudalen Saesneg) rydych yn eu cael neu rydych wedi’u cael yn flaenorol swm Pensiwn y Wladwriaeth rydych yn ei gael bob blwyddyn Beth mae’r rhifau yn ei olygu Mae’r rhifau yn eich cod treth yn rhoi gwybod i’ch cyflogwr neu’ch darparwr pensiwn faint o incwm rhydd o dreth rydych yn ei gael yn ystod y flwyddyn dreth honno. Mae CThEF yn cyfrifo’ch rhif unigol ar sail eich Lwfans Personol rhydd o dreth ac ar sail incwm nad ydych wedi talu treth arno (megis llog heb ei drethu neu enillion rhan amser). Maent hefyd yn ystyried gwerth unrhyw fuddiannau cwmni (yn agor tudalen Saesneg) (megis car cwmni). Enghraifft Mae gennych hawl i’r Lwfans Personol rhydd o dreth safonol, sef £12,570, ond rydych hefyd yn cael yswiriant meddygol gan eich cyflogwr. Gan mai buddiant cwmni yw hwn, mae’n gostwng eich Lwfans Personol ac yn newid eich cod treth. Mae’r buddiant yswiriant meddygol, sef £1,570, yn cael ei ddidynnu oddi wrth eich lwfans personol, gan olygu bod gennych Lwfans Personol rhydd o dreth o £11,000. 1100L fyddai’ch cod treth, felly. Beth mae’r llythrennau yn ei olygu Mae’r llythrennau yn eich cod treth yn cyfeirio at eich sefyllfa a sut y mae’n effeithio ar eich Lwfans Personol. Llythrennau Beth maent yn ei olygu L Mae gennych hawl i’r Lwfans Personol rhydd o dreth safonol M Lwfans Priodasol : rydych wedi cael trosglwyddiad o 10% o Lwfans Personol eich partner N Lwfans Priodasol : rydych wedi trosglwyddo 10% o’ch Lwfans Personol i’ch partner T Mae’ch cod treth yn cynnwys cyfrifiadau eraill i gyfrifo’ch Lwfans Personol 0T Defnyddiwyd eich Lwfans Personol i gyd, neu rydych wedi dechrau swydd newydd ac nid oes gan eich cyflogwr y manylion sydd eu hangen arno i roi cod treth i chi BR Trethir eich holl incwm o’r swydd hon neu’r pensiwn hwn ar y gyfradd sylfaenol (defnyddir y cod hwn fel arfer os oes gennych fwy nag un swydd neu bensiwn) D0 Trethir eich holl incwm o’r swydd hon neu’r pensiwn hwn ar y gyfradd uwch (defnyddir y cod hwn fel arfer os oes gennych fwy nag un swydd neu bensiwn) D1 Trethir eich holl incwm o’r swydd hon neu’r pensiwn hwn ar y gyfradd ychwanegol (defnyddir y cod hwn fel arfer os oes gennych fwy nag un swydd neu bensiwn) NT Nid ydych yn talu unrhyw dreth ar yr incwm hwn S Trethir eich incwm neu’ch pensiwn gan ddefnyddio’r cyfraddau yn yr Alban (yn agor tudalen Saesneg) S0T Defnyddiwyd eich Lwfans Personol (yn yr Alban) i gyd, neu rydych wedi dechrau swydd newydd ac nid oes gan eich cyflogwr y manylion sydd eu hangen arno i roi cod treth i chi SBR Trethir eich holl incwm o’r swydd hon neu’r pensiwn hwn ar y gyfradd sylfaenol yn yr Alban (defnyddir y cod hwn fel arfer os oes gennych fwy nag un swydd neu bensiwn) SD0 Trethir eich holl incwm o’r swydd hon neu’r pensiwn hwn ar y gyfradd ganolradd yn yr Alban (defnyddir y cod hwn fel arfer os oes gennych fwy nag un swydd neu bensiwn) SD1 Trethir eich holl incwm o’r swydd hon neu’r pensiwn hwn ar y gyfradd uwch yn yr Alban (defnyddir y cod hwn fel arfer os oes gennych fwy nag un swydd neu bensiwn) SD2 Trethir eich holl incwm o’r swydd hon neu’r pensiwn hwn ar y gyfradd uwch bellach yn yr Alban (defnyddir y cod hwn fel arfer os oes gennych fwy nag un swydd neu bensiwn) SD3 Trethir eich holl incwm o’r swydd hon neu’r pensiwn hwn ar y gyfradd uchaf yn yr Alban (defnyddir y cod hwn fel arfer os oes gennych fwy nag un swydd neu bensiwn) C Trethir eich incwm neu’ch pensiwn gan ddefnyddio’r cyfraddau yng Nghymru C0T Defnyddiwyd eich Lwfans Personol (yng Nghymru) i gyd, neu rydych wedi dechrau swydd newydd ac nid oes gan eich cyflogwr y manylion sydd eu hangen arno i roi cod treth i chi CBR Trethir eich holl incwm o’r swydd hon neu’r pensiwn hwn ar y gyfradd sylfaenol yng Nghymru (defnyddir y cod hwn fel arfer os oes gennych fwy nag un swydd neu bensiwn) CD0 Trethir eich holl incwm o’r swydd hon neu’r pensiwn hwn ar y gyfradd uwch yng Nghymru (defnyddir y cod hwn fel arfer os oes gennych fwy nag un swydd neu bensiwn) CD1 Trethir eich holl incwm o’r swydd hon neu’r pensiwn hwn ar y gyfradd ychwanegol yng Nghymru (defnyddir y cod hwn fel arfer os oes gennych fwy nag un swydd neu bensiwn) Os oes ‘W1’ neu ‘M1’ neu ‘X’ ar ddiwedd eich cod treth Codau treth dros dro yw’r rhain. Os oes ‘K’ ar ddechrau eich cod treth Mae codau treth sydd â ‘K’ ar y dechrau yn golygu bod gennych incwm nad yw’n cael ei drethu mewn modd arall a bod yr incwm hwnnw’n werth mwy na’ch lwfans rhydd o dreth. Ar gyfer y rhan fwyaf o bobl, mae hyn yn digwydd os ydych yn: talu treth sydd arnoch o flwyddyn flaenorol drwy’ch cyflog neu’ch pensiwn cael buddiannau y mae’n rhaid i chi dalu treth arnynt – gallai’r rhain fod yn fudd-daliadau’r Wladwriaeth neu’n fuddiannau cwmni (yn agor tudalen Saesneg) Mae’ch cyflogwr neu’ch darparwr pensiwn yn cymryd y dreth sy’n ddyledus ar yr incwm nad yw wedi’i drethu o’ch cyflog neu’ch pensiwn – hyd yn oed os oes sefydliad arall yn talu’r incwm heb ei drethu i chi. Ni all cyflogwyr na darparwyr pensiwn gymryd mwy na hanner eich cyflog neu bensiwn cyn treth wrth ddefnyddio cod treth K.

Os yw’ch cod treth yn gorffen gyda ‘W1’ neu ‘M1’ neu ‘X’, mae hynny yn dangos bod gennych god treth dros dro. Er enghraifft: 1257L WI 1257L MI 1257L X Efallai y caiff cod treth dros dro ei roi i chi os nad yw’ch manylion incwm yn cyrraedd CThEF mewn pryd ar ôl newid mewn amgylchiadau megis: swydd newydd gweithio i gyflogwr ar ôl bod yn hunangyflogedig cael buddiannau cwmni neu Bensiwn y Wladwriaeth Fel arfer bydd CThEF yn diweddaru’ch cod treth pan fyddwch chi neu’ch cyflogwr yn darparu’ch manylion cywir. Gall hyn gymryd hyd at 35 diwrnod. Os yw’r newid yn eich amgylchiadau yn golygu nad ydych wedi talu’r swm cywir o dreth, bydd y cod treth dros dro yn aros ar waith hyd nes eich bod wedi talu’r swm cywir o dreth ar gyfer y flwyddyn. Diweddaru eich manylion Mae’ch cyflogwr yn gallu eich helpu i ddiweddaru’ch cod treth drwy anfon manylion am eich pensiwn neu incwm blaenorol at CThEF . Os ydych wedi dechrau swydd newydd Rhowch P45 o’ch swydd flaenorol i’ch cyflogwr. Os nad oes gennych P45, dylai’ch cyflogwr ofyn i chi lenwi ffurflen er mwyn rhoi manylion unrhyw fuddiannau neu gyflogaethau blaenorol. Efallai mai rhestr wirio ar gyfer cyflogeion sy’n cychwyn fydd hon. Os ydych wedi dechrau gweithio i gyflogwr ar ôl bod yn hunangyflogedig Dylai’ch cyflogwr ofyn i chi lenwi ffurflen er mwyn rhoi manylion eich buddiannau neu gyflogaethau blaenorol. Efallai mai rhestr wirio ar gyfer cyflogeion sy’n cychwyn fydd hon. Os ydych wedi dechrau cael buddiannau cwmni neu Bensiwn y Wladwriaeth Gwiriwch eich cod treth ar-lein i wneud yn siŵr ei fod yn cynnwys y buddiant cwmni neu Bensiwn y Wladwriaeth. Os nad yw’n cynnwys y rhain, ewch ati i ddiweddaru’ch manylion drwy’r gwasanaeth ar-lein ar gyfer codau treth, neu drwy gysylltu â CThEF . Bydd y cod treth dros dro yn parhau i fod ar waith tan ddiwedd y flwyddyn dreth. Mae hyn yn golygu y byddwch yn talu’r swm cywir o dreth ar gyfer y flwyddyn dreth bresennol. Yn y flwyddyn dreth newydd, dylai CThEF roi cod treth i chi nad yw’n un dros dro.

Pam y gallai’ch cod treth newid

Efallai y bydd CThEF yn diweddaru’ch cod treth os yw un o’r canlynol yn berthnasol: rydych yn dechrau swydd newydd rydych yn cael budd-daliadau trethadwy’r Wladwriaeth rydych yn dechrau cael incwm o bensiwn neu swydd ychwanegol mae swm wythnosol eich Pensiwn y Wladwriaeth yn newid mae’ch cyflogwr yn rhoi gwybod i CThEF eich bod wedi dechrau neu stopio cael buddiannau o’ch swydd (yn agor tudalen Saesneg) rydych yn hawlio Lwfans Priodasol rydych yn hawlio treuliau rydych yn cael rhyddhad treth arnynt Mae’n bosibl hefyd y rhoddir cod treth dros dro i chi os byddwch yn newid swydd ac os nad yw’ch manylion incwm yn cyrraedd CThEF mewn pryd. Os yw’ch cod treth wedi newid, gallwch ddefnyddio’r gwasanaeth Gwirio’ch Treth Incwm ar-lein er mwyn dysgu pam.

Sut i ddiweddaru’ch cod treth

Yn y rhan fwyaf o achosion, bydd CThEF yn diweddaru’ch cod treth yn awtomatig pan fydd eich incwm yn newid. Fel arfer, bydd yr wybodaeth hon yn dod oddi wrth eich cyflogwr. Os oes gan CThEF yr wybodaeth anghywir am eich incwm, efallai y cewch god treth anghywir. I gywiro’ch cod treth, gwnewch yn siŵr bod gan CThEF y manylion diweddaraf ynghylch eich incwm. Gwiriwch beth mae angen i chi ei wneud os oes gennych god treth dros dro . Os ydych o’r farn bod eich cod treth yn anghywir Os ydych o’r farn bod eich cod treth yn anghywir, gallwch ddefnyddio’r gwasanaeth Gwirio’ch Treth Incwm ar-lein i wneud y canlynol: diweddaru’ch manylion cyflogaeth rhoi gwybod i CThEF am newid i’ch incwm, a allai fod wedi effeithio ar eich cod treth Er enghraifft, gallwch: ychwanegu buddiannau cwmni ychwanegu incwm neu gyflogwyr sydd ar goll hawlio treuliau cyflogaeth diweddaru eich incwm trethadwy amcangyfrifedig Efallai y bydd CThEF yn newid eich cod treth o ganlyniad i’r diweddariadau rydych yn eu gwneud drwy’r gwasanaeth ar-lein. Os na allwch ddefnyddio’r gwasanaeth ar-lein Os ydych yn meddwl bod eich cod treth yn anghywir ac na allwch ddefnyddio’r gwasanaeth ar-lein, gallwch gysylltu â CThEF . Ar ôl i chi ddiweddaru’ch manylion Bydd CThEF yn rhoi gwybod i chi os bydd yn newid eich cod treth. Bydd hefyd yn rhoi gwybod i’ch cyflogwr neu’ch darparwr pensiwn fod eich cod treth wedi newid. Dylai’ch slip cyflog nesaf ddangos: eich cod treth newydd addasiadau i’ch cyflog os oeddech yn talu’r swm anghywir o dreth Os ydych yn cysylltu â CThEF ar ran rhywun arall Os oes angen i chi roi gwybod i CThEF am newid i incwm rhywun arall (er enghraifft, oherwydd mai chi yw cyfrifydd y person), llenwch ffurflen ymholiadau ynghylch Hysbysiad Cod TWE . Cael ad-daliad treth neu dalu’r dreth sydd arnoch Os ydych wedi talu naill ai gormod neu dim digon o dreth ar ddiwedd y flwyddyn dreth, bydd CThEF yn anfon y naill neu’r llall o’r canlynol atoch: llythyr cyfrifiad treth (a elwir yn ‘P800’) llythyr Asesiad Syml

Codau treth

Trosolwg

Mae’ch cyflogwr neu’ch darparwr pensiwn yn defnyddio’ch cod treth i gyfrifo faint o Dreth Incwm i’w chasglu o’ch cyflog neu’ch pensiwn. Bydd Cyllid a Thollau EF (CThEF) yn rhoi gwybod iddo pa god i’w ddefnyddio.

Mae’r canllaw hwn hefyd ar gael yn Saesneg.

Dod o hyd i’ch cod treth

Gallwch ddod o hyd i’ch cod treth:

drwy wirio’ch cod treth ar gyfer y flwyddyn bresennol ar-lein – bydd angen i chi fewngofnodi i’ch cyfrif ar-lein neu greu un
ar ap CThEF
ar eich slip cyflog
ar lythyr ‘Hysbysiad o God Treth’ oddi wrth CThEF, os cewch un

Os byddwch yn gwirio’ch cod treth ar-lein neu ar ap CThEF, gallwch hefyd wneud y canlynol:

dod o hyd i’ch cod treth ar gyfer blynyddoedd treth blaenorol
cofrestru i gael hysbysiadau di-bapur – mae hyn yn golygu y bydd CThEF yn anfon e-bost atoch pan fydd eich cod treth yn newid

Argraffu'r canllaw cyfan

Codau treth

Trosolwg

Dod o hyd i’ch cod treth

Is this page useful?

Help us improve GOV.UK

Help us improve GOV.UK

Cookies on GOV.UK

Codau treth

Trosolwg

Dod o hyd i’ch cod treth

Is this page useful?

Help us improve GOV.UK

Help us improve GOV.UK