Skip to main content

Gwneud cais i bleidleisio drwy’r post

Defnyddiwch y gwasanaeth hwn i wneud cais i bleidleisio drwy’r post yn y canlynol:

  • etholiadau cyffredinol ac etholiadau eraill Senedd y DU os ydych yn byw yng Nghymru, Lloegr neu’r Alban
  • etholiadau lleol yng Nghymru, Lloegr a’r Alban
  • etholiadau i Senedd yr Alban
  • etholiadau i Senedd Cymru
  • etholiadau ar gyfer meiri lleol, Maer Llundain a Chynulliad Llundain
  • etholiadau Comisiynwyr yr Heddlu a Throseddu yng Nghymru a Lloegr
  • refferenda cenedlaethol os ydych yn byw yng Nghymru, Lloegr neu’r Alban
  • deisebau adalw Aelodau Seneddol os ydych yn byw yng Nghymru, Lloegr neu’r Alban

Rhaid i chi fod wedi’ch cofrestru i bleidleisio yn y DU cyn y gallwch wneud cais.

Os ydych wedi cofrestru i bleidleisio’n ddienw (mae hyn yn golygu nad yw eich enw na’ch cyfeiriad yn ymddangos ar y gofrestr etholiadol), gwnewch gais am eich pleidlais bost drwy eich Swyddfa Cofrestru Etholiadol.

Mae’r gwasanaeth hwn hefyd ar gael yn Saesneg (English).

Dechrau nawr

Cyn i chi ddechrau

Bydd angen i chi lanlwytho llun o’ch llofnod yn eich llawysgrifen eich hun mewn inc du ar bapur gwyn plaen.

Os na allwch ddarparu llofnod neu lofnod sydd bob amser yn edrych yr un peth, mae’n bosibl y gallwch wneud cais i hepgor y llofnod ar gyfer eich pleidlais bost o fewn y gwasanaeth.

Efallai y byddwn yn gofyn i chi am ddogfennau ychwanegol i gadarnhau pwy ydych chi. 

Pleidleisio yng Ngogledd Iwerddon

Mae’r rheolau yn wahanol os ydych am wneud cais am bleidlais bost yng Ngogledd Iwerddon ar gyfer pob etholiad.

Os ydych yn byw dramor

Os hoffech bleidleisio drwy’r post a’ch bod yn byw dramor, dylech wneud cais am bleidlais bost cyn gynted â phosibl. Gall gymryd amser hir i’ch pecyn pleidleisio drwy’r post eich cyrraedd ac iddo gael ei ddychwelyd i’r DU.

Rhoi’r gorau i bleidleisio drwy’r post

Os nad ydych am bleidleisio drwy’r post mwyach a’ch bod am bleidleisio’n bersonol yn lle hynny, cysylltwch â’ch Swyddfa Cofrestru Etholiadol. Mae’n rhaid i chi gysylltu â’ch Swyddfa Cofrestru Etholiadol 11 diwrnod gwaith cyn yr etholiad fan bellaf ac erbyn 5pm ar y diwrnod hwnnw. 

Os ydych am bleidleisio drwy ddirprwy yn lle hynny, gwnewch gais am bleidlais drwy ddirprwy. Mae’n rhaid i chi wneud cais 11 diwrnod gwaith cyn yr etholiad fan bellaf ac erbyn 5pm ar y diwrnod hwnnw.

Newid i ble caiff eich pleidlais bost ei hanfon 

Os byddwch oddi cartref pan gaiff y pecyn pleidleisio drwy’r post ei anfon, er enghraifft, os byddwch ar wyliau neu i ffwrdd oherwydd gwaith, gallwch wneud cais i’ch pecyn gael ei anfon i gyfeiriad gwahanol. Mae’n rhaid i chi wneud cais 11 diwrnod gwaith cyn yr etholiad fan bellaf ac erbyn 5pm ar y diwrnod hwnnw. Cysylltwch â’ch Swyddfa Cofrestru Etholiadol i newid eich cyfeiriad. 

Os byddwch yn symud tŷ

Os byddwch yn symud tŷ, rhaid i chi ailgofrestru i bleidleisio yn eich cyfeiriad newydd, ac yna wneud cais newydd am bleidlais bost ar gyfer eich cyfeiriad newydd. 

Ffyrdd eraill o wneud cais am bleidlais bost

Os na allwch wneud cais ar-lein, lawrlwythwch a llenwch ffurflen gais i bleidleisio drwy’r post. Anfonwch y ffurflen i’ch Swyddfa Cofrestru Etholiadol.

Cysylltwch â’ch Swyddfa Cofrestru Etholiadol os: 

  • nad ydych yn gallu argraffu copi o’r ffurflen gais i bleidleisio drwy’r post

  • nad ydych yn gallu llofnodi ffurflen wedi’i hargraffu