Gwneud cais i bleidleisio drwy ddirprwy
Gallwch gael rhywun arall i bleidleisio ar eich rhan (dirprwy) os na allwch fynd i’r orsaf bleidleisio eich hun.
Defnyddiwch y gwasanaeth hwn i wneud cais i bleidleisio drwy ddirprwy yn:
- etholiadau cyffredinol ac etholiadau eraill Senedd y DU
- etholiadau lleol yn Lloegr (gan gynnwys meiri)
- etholiadau Comisiynwyr yr Heddlu a Throseddu yng Nghymru a Lloegr
- refferenda
- deisebau adalw Aelodau Seneddol
Rhaid i chi a’ch dirprwy fod wedi cofrestru i bleidleisio yn y DU cyn y gallwch wneud cais.
Mae ffordd wahanol o wneud cais:
- yng Ngogledd Iwerddon
- ar gyfer Senedd Cymru, Senedd yr Alban ac etholiadau lleol yng Nghymru a’r Alban gan ddefnyddio ffurflen bapur
Bydd angen i chi wneud cais erbyn 5pm ar 24 Ebrill 2024 er mwyn pleidleisio drwy ddirprwy yn yr etholiadau ar 2 Mai 2024.
Os byddwch yn colli’r dyddiad cau, mae’n bosibl y gallwch wneud cais am bleidlais drwy ddirprwy mewn argyfwng.
Os ydych wedi’ch cofrestru i bleidleisio’n ddienw, dylech wneud cais i bleidleisio drwy ddirprwy drwy eich Swyddfa Cofrestru Etholiadol leol.
Mae’r dudalen hon ar gael hefyd yn Saesneg (English).
Cyn i chi ddechrau
Gofynnwch am ganiatâd eich dirprwy cyn gwneud cais.
Bydd angen y canlynol arnoch:
- eich rhif Yswiriant Gwladol neu unrhyw ddogfen adnabod arall, er enghraifft, tystysgrif geni
- y cyfeiriad lle mae eich dirprwy wedi cofrestru i bleidleisio
- manylion cyswllt eich dirprwy
Bydd angen i chi lanlwytho llun o’ch llofnod yn eich llawysgrifen eich hun mewn inc du ar bapur gwyn plaen.
Os na allwch ddarparu llofnod neu lofnod sydd bob amser yn edrych yr un peth, mae’n bosibl y gallwch wneud cais i hepgor y llofnod ar gyfer eich pleidlais drwy ddirprwy o fewn y gwasanaeth.
Ffyrdd eraill o wneud cais
Os na allwch wneud cais ar-lein, lawrlwythwch a llenwch ffurflen gais i bleidleisio drwy ddirprwy.
Anfonwch y ffurflen i’ch Swyddfa Cofrestru Etholiadol leol.
Diweddaru manylion pleidlais drwy
Cysylltwch â’ch Swyddfa Cofrestru Etholiadol leol.