Gwneud cais am daliad ymlaen llaw neu daliad caledi Credyd Cynhwysol
Help gyda threuliau swyddi
Os ydych yn gwneud cais am swydd neu’n dechrau swydd, gallwch gael cymorth i dalu am dreuliau fel:
- prynu gwisg neu offer
- talu am ofal plant cyn eich cyflog cyntaf
- teithio i gyfweliad
- prynu dillad ar gyfer cyfweliad
Nid oes angen i chi dalu hyn yn ôl fel arfer.
Sut i wneud cais
I wneud cais, gallwch:
- ddiweddaru eich dyddlyfr yn eich cyfrif Credyd Cynhwysol
- gofyn i gyswllt Credyd Cynhwysol yn eich canolfan gwaith leol neu’ch anogwr gwaith
Bydd angen i chi ddangos eich bod:
- angen yr arian i gael neu ddechrau swydd
- yn methu fforddio talu amdano eich hun
Os na allwch gael help gan eich cyswllt Credyd Cynhwysol, efallai y byddwch yn gallu gwneud cais am daliad ymlaen llaw am gostau annisgwyl.