Cofrestru partner, nad yw’n unigolyn, ar gyfer Hunanasesiad
Defnyddiwch ffurflen SA402 i gofrestru partner newydd, nad yw’n unigolyn (er enghraifft, cwmni neu ymddiriedolaeth), ar gyfer Hunanasesiad.
Gallwch gofrestru partner, nad yw’n unigolyn, ar gyfer Hunanasesiad drwy anfon ffurflen bost at CThEF.
Dylai’r person sy’n gyfrifol am y partner, er enghraifft, yr ymddiriedolwr neu ysgrifennydd y cwmni, lenwi’r ffurflen.
Cyn i chi ddechrau
Bydd angen y canlynol arnoch:
- Hunanasesiad neu Gyfeirnod Unigryw y Trethdalwr (UTR) y partner newydd os oes ganddo un
- Cyfeirnod Treth Cynllun Pensiwn (PSTR) y partner newydd os yw’n gynllun pensiwn cofrestredig
- Rhif Cofrestru’r Cwmni (CRN) y partner newydd os yw’n bartneriaeth atebolrwydd cyfyngedig (PAC) neu’n bartneriaeth gyfyngedig
- enw, cyfeiriad a UTR y bartneriaeth
- dyddiad ymunodd y partner â’r bartneriaeth
- eich UTR os ydych yn llenwi’r ffurflen fel y partner neu’r ymddiriedolwr enwebedig
- CRN y bartneriaeth os yw’n PAC neu’n bartneriaeth gyfyngedig sydd wedi’i chofrestru gyda Thŷ’r Cwmnïau ar neu ar ôl 25 Hydref 2010
Cofrestru drwy’r post
Mae angen i chi gofrestru drwy’r post.
Gallwch wneud un o’r canlynol:
- llenwi fersiwn ar-lein o’r ffurflen, ac yna’i hargraffu
- llenwi fersiwn PDF o’r ffurflen ar y sgrin, a’i hargraffu
- argraffu fersiwn PDF o’r ffurflen, ac wedyn ei llenwi ar bapur
Bydd angen i chi anfon eich ffurflen, wedi’i llenwi, drwy’r post at CThEF.
Llenwi fersiwn digidol o’r ffurflen ar-lein
I ddefnyddio’r fersiwn ar-lein o’r ffurflen mae angen i chi:
-
Casglwch eich holl wybodaeth at ei gilydd cyn i chi ddechrau. Byddwch yn llenwi’r ffurflen hon ar-lein, ac ni fydd modd i chi gadw’ch cynnydd.
-
Cofrestrwch gan ddefnyddio’r ffurflen ‘Cofrestru partner, nad yw’n unigolyn, ar gyfer Hunanasesiad’ ar-lein.
-
Argraffwch y ffurflen a’i hanfon drwy’r post at CThEF gan ddefnyddio’r cyfeiriad a ddangosir ar y ffurflen.
Os nad yw’r ffurflen yn agor, cysylltwch â Gwasanaeth Cwsmeriaid Cymraeg CThEF i gael rhagor o gymorth.
Efallai na fydd y ffeil hon yn addas ar eich cyfer os ydych yn defnyddio technoleg gynorthwyol (megis darllenydd sgrin). Os oes angen fformat mwy hygyrch arnoch, e-bostiwch gwasanaeth.cymraeg@hmrc.gov.uk a rhoi gwybod i ni ba fformat sydd ei angen arnoch. Bydd o gymorth i ni os nodwch pa dechnoleg gynorthwyol yr ydych yn ei defnyddio. Darllenwch y datganiad hygyrchedd ar gyfer ffurflenni CThEF (yn agor tudalen Saesneg).
Llenwch fersiwn PDF o’r ffurflen
Gallwch wneud un o’r canlynol:
- argraffwch y ffurflen a’i llenwi
- llenwch y ffurflen ar y sgrin, ac yna ei hargraffu
Yna, bydd angen i chi bostio’ch ffurflen wedi’i llenwi i CThEF, gan ddefnyddio’r cyfeiriad post a ddangosir ar y ffurflen.
I gwblhau’r ffurflen ar y sgrin, mae angen i chi wneud y canlynol:
-
Lawrlwytho’r ffurflen a’i chadw ar eich cyfrifiadur.
-
Agorwch y ffurflen gan ddefnyddio’r fersiwn ddiweddaraf o Adobe Reader (yn agor tudalen Saesneg) sy’n rhad ac am ddim.
-
Llenwch y ffurflen ar y sgrin.
Efallai na fydd y ffurflen yn gweithio os byddwch yn ceisio’i hagor yn eich porwr rhyngrwyd. Os nad yw’r ffurflen yn agor, cysylltwch â Gwasanaeth Cwsmeriaid Cymraeg CThEF.
Ar ôl i chi gofrestru
Fel arfer, byddwn yn cysylltu â chi cyn pen 15 diwrnod i’r dyddiad y daw eich ffurflen i law, ond gall hyn gymryd yn hirach yn ystod cyfnodau prysur.
Os na fyddwn wedi cysylltu â chi ar ôl 3 wythnos, gallwch wirio pryd y gallwch ddisgwyl ateb.
Ffurflenni ac arweiniad cysylltiedig
Gallwch wirio’r hyn y gall asiant sy’n cael ei dalu ei wneud ar eich rhan.
Mae sut yr ydych yn awdurdodi’r asiant yn dibynnu ar y dreth, ac efallai bydd yn rhaid i chi ddefnyddio ffurflen bapur 64-8 neu wasanaeth ar-lein.
Updates to this page
-
Information on what you'll need before you start has been added.
-
Added translation