Canllawiau

Clirio nwyddau sy’n dod i mewn i’r DU, sy’n ei gadael neu sy’n teithio drwyddi

Sicrhau bod eich nwyddau’n cael eu clirio gan y Ganolfan Glirio Genedlaethol (NCH) wrth symud nwyddau i mewn i, allan o neu drwy’r DU.

Gan:
Cyllid a Thollau EF
Cyhoeddwyd
2 August 2012
Diweddarwyd ddiwethaf
13 January 2023 — Gweld pob diweddariad

Mae’r Ganolfan Glirio Genedlaethol (NCH) yn delio â symud a phrosesu nwyddau sy’n symud i mewn i, allan o neu drwy’r DU.

Mae’r NCH hefyd yn gyfrifol am reoli a diwygio datganiadau ar ôl eu clirio. Mae’r gwasanaeth hwn ar gael rhwng 9am a 5pm.

Prif gyfrifoldebau’r NCH yw:

  • prosesu datganiadau mewnforio ac allforio a ddewiswyd ar gyfer archwiliadau pellach
  • mewnbynnu datganiadau mewnforio ac allforio â llaw (System y Tollau ar gyfer Trin Nwyddau a Gaiff eu Mewnforio a’u Hallforio (CHIEF) yn unig)
  • mewnbynnu eich ceisiadau â llaw ar gyfer gwybodaeth am lwytho wrth adael ac wrth gyrraedd
  • rheoli nwyddau sydd heb dod i mewn ar gyfer porthladdoedd a meysydd awyr sy’n gysylltiedig â stocrestr
  • awdurdodi a diwygio cofnodion stocrestr a symudiadau
  • rheoli nwyddau sy’n cael eu mewnforio o dan gyfundrefnau mewnforio penodol

Cyn i chi ddechrau

Ymdrinnir â datganiadau yn y drefn y’u cyflwynir i’r NCH ac nid ydym yn rhoi blaenoriaeth i leoliadau penodol na mathau o nwyddau, gan gynnwys nwyddau darfodedig.

Os caiff eich datganiad ei ddewis ar gyfer gwiriad dogfennol, bydd angen i chi gyflwyno pob dogfen ategol, fel:

  • tystiolaeth o werth y nwyddau
  • rhestr bacio o’r holl eitemau sydd wedi eu cynnwys
  • unrhyw drwydded neu dystysgrif

Dylech ddangos yn glir beth yw’r nwyddau pan fyddwch yn cyflwyno’ch dogfennau os yw’ch nwyddau yn unrhyw rai o’r canlynol:

  • tân gwyllt a ffrwydron
  • anifeiliaid byw
  • gweddillion dynol

Tystiolaeth o werth

Rhaid i chi anfon digon o ddogfennau i brofi gwerth y llwyth cyfan.

Wrth gyflwyno datganiadau aml-anfoneb, dylech anfon yr holl anfonebau sy’n ymwneud â phob datganiad wrth gyrraedd, neu anfon crynodeb un dudalen sy’n nodi (ar gyfer pob un o’r eitemau nwyddau):

  • rhif yr anfoneb
  • disgrifiad o’r nwyddau
  • nifer y darnau
  • yr arian cyfred
  • y gwerth

Rhestrau pacio

Os cyflwynir datganiad gyda nifer o restrau pacio, gallwch gyflwyno’r atodlen i’r NCH gyda’r holl ddogfennau priodol eraill.

Datganiadau aml-eitem neu ddatganiadau aml-fewnforiwr neu aml-allforiwr

Os oes gan ddatganiad sy’n cael ei ddewis ar gyfer gwiriad nifer o linellau, dylech gysylltu â’r Ganolfan Glirio Genedlaethol (yn Saesneg) i gael gwybod beth sydd angen ei anfon i’w glirio.

Datganiadau a gyflwynwyd ymlaen llaw

Ar ôl cyflwyno’r datganiad ymlaen llaw ond cyn i’r llong neu’r nwyddau gyrraedd y DU, rhaid i chi gyflwyno copïau o’r datganiad mewnforio (wedi ei dderbyn) ac unrhyw ddogfen ategol i’r NCH, ynghyd â datganiad wrth gyrraedd gwahanol ar gyfer pob rhif.

Cyfyngir cyflwyno datganiadau ymlaen llaw i 5 diwrnod cyn y bydd disgwyl i’r llong neu’r nwyddau gyrraedd. Mae’r cyfnod hwn yn cynnwys penwythnosau a gwyliau banc.

Anfon dogfennau ategol ar gyfer archwiliad tollau i glirio eich nwyddau

Gallwch gyflwyno dogfennau i’r NCH i glirio eich nwyddau os cânt eu dewis ar gyfer archwiliad tollau. Bydd y gwasanaeth a ddefnyddiwch yn dibynnu a ydych wedi defnyddio CHIEF neu’r Gwasanaeth Datganiadau Tollau i wneud eich datganiad.

CHIEF

Os ydych chi’n defnyddio CHIEF, mae angen i chi anfon dogfennau i’r NCH i glirio eich nwyddau.

Y ffordd orau o wneud hyn yw defnyddio’r gwasanaeth ‘Anfon dogfennau i’w gwirio gan y tollau ar gyfer datganiadau a wneir drwy’r system CHIEF’.

Mae’n dal i fod yn bosibl i chi anfon dogfennau i’r NCH drwy e-bost os na allwch ddefnyddio’r gwasanaeth ar-lein.

I anfon dogfennau drwy e-bost, defnyddiwch y ffurflen Trader submission form header for declarations to the National Clearance Hub (NCH1) (PDF, 867 KB, 1 page) — rhaid i chi lenwi hon ar y sgrin, ei chadw fel PDF a rhaid i enw’r ffeil ddechrau gyda ‘NCH1.pdf’.

Wrth e-bostio’r brif ffurflen a’r gwaith papur ategol i’r ganolfan glirio, dylech wneud y canlynol:

  • sganio’r gwaith papur ategol mewn du a gwyn (neu lwydwaith os oes angen) gan ddefnyddio cydraniad isel (200 i 300 dpi)
  • defnyddio fformatau ffeiliau megis JPEG, TIF a PDF — os ydych am ddefnyddio delweddau cywasgedig neu ffeiliau nad ydynt yn gyfrifiadurol, dylech drefnu anfon e-bost prawf ymlaen llaw i wneud yn siŵr bod y dogfennau sydd wedi’u sganio yn cydweddu â systemau CThEF
  • cadw atodiadau gwaith papur ategol yn ôl eu henw (er enghraifft ‘inv.doc’ neu ‘AWB.doc’) er mwyn ei gwneud yn haws gwybod beth ydynt
  • cynnwys rhif a dyddiad y cofnod yn y llinell pwnc
  • anfon un cofnod yn unig ar gyfer pob e-bost
  • anfon yr NCH1 a’r gwaith papur ategol drwy e-bost i nch@hmrc.gov.uk (peidiwch â chyfuno’r ffurflen NCH1 â’r gwaith papur ategol)

Peidiwch ag anfon:

  • copïau wedi eu sganio neu wedi eu hysgrifennu â llaw o’r brif ffurflen NCH1.pdf
  • cadwynau e-bost
  • negeseuon e-bost dyblyg
  • negeseuon e-bost sy’n fwy na 10MB o ran maint

Y Gwasanaeth Datganiadau Tollau

Os ydych yn defnyddio’r Gwasanaeth Datganiadau Tollau, gallwch ddefnyddio’r dudalen uwchlwytho dogfennau a chael negeseuon ar gyfer y Gwasanaeth Datganiadau Tollau (yn Saesneg) i gyflwyno dogfennau.

Ar ôl i chi anfon eich dogfennau ategol

Os ydych wedi cael neges yn eich cyfarwyddo i ddarparu dogfennau sydd eu hangen arnom, dylai’r nwyddau sy’n cyrraedd gael eu clirio o fewn 2 awr ar gyfer:

  • mewnforion cludiant awyr
  • mewnforion cludiant ffordd
  • mewnforion drwy’r ‘culforoedd byr’ (gyrru-ymlaen-ac-i-ffwrdd)
  • yr holl allforion

Bydd mewnforion cludiant morol wedi’u clirio:

  • o fewn 3 awr os byddwn yn cael y dogfennau rhwng 8am a 3pm
  • erbyn 8am y diwrnod canlynol os byddwn yn cael y dogfennnau ar ôl 3pm

Byddwn yn rhoi blaenoriaeth uwch i eitemau fel anifeiliaid byw a gweddillion dynol.

Bydd clirio ac ôl-glirio ar gyfer allforion strategol (yn Saesneg) yn cymryd mwy o amser oherwydd:

  • mae gwiriadau strategol yn fwy cymhleth
  • nid oes terfyn amser hollbwysig ar gyfer gwiriadau ôl-glirio

Os oes angen help arnoch i ddefnyddio’r gwasanaeth hwn, cysylltwch â’r Ganolfan Clirio Genedlaethol (yn Saesneg).

Datganiadau NCH y gwnaethpwyd ymholiadau yn eu cylch

Os gwnaethoch ddefnyddio’r system CHIEF

Gall yr NCH holi am ddatganiad sydd wedi ei ddewis ar gyfer archwiliad. Dylech ymateb i’r ymholiad hwn drwy’r dull a ddefnyddiwyd i gyflwyno eich datganiad.

Mae hyn yn sicrhau bod yr NCH yn gwybod bod yr ymholiad wedi cael ei ateb a dylai atal oedi. Os na fyddwch chi’n ymateb drwy ddefnyddio’r dull a ddefnyddiwyd gennych i gyflwyno eich datganiad, bydd oedi wrth glirio.

Os yw ymholiad yn golygu bod angen i chi newid datganiad, rhaid i chi gyflwyno copi o’r datganiad diwygiedig.

Os yw eich datganiad wedi cael ei newid a bod ganddo statws Llwybr 3 ICS22, rhaid i CThEF glirio’r nwyddau â llaw. Bydd angen i chi lenwi eich datganiad yr un fath â datganiad Llwybr 1 a dylech gyflwyno dogfennau am eich nwyddau i’r NCH. Bydd angen pennyn gwahanol arnoch ar gyfer pob datganiad os gwnaethoch eu cyflwyno drwy e-bost.

Os gwnaethoch ddefnyddio’r Gwasanaeth Datganiadau Tollau

Os bydd yr NCH yn codi ymholiad am eich nwyddau, bydd yr ymholiad yn cael ei anfon i’ch blwch derbyn diogel ar y gwasanaeth ar-lein, sydd ar gael drwy’r dudalen uwchlwytho dogfennau a chael negeseuon ar gyfer y Gwasanaeth Datganiadau Tollau (yn Saesneg).

Dylai ymateb i ymholiadau drwy negeseuon diogel 2-ffordd atal unrhyw oedi a fyddai’n digwydd os na fyddwch yn ateb.

Os bydd angen i chi newid datganiad mewnforio yn dilyn ymholiad, bydd angen i chi anfon diwygiad i newid eich datganiad.

Os oes angen i chi ganslo datganiad wrth gyrraedd ar gyfer mewnforion, bydd angen i chi wneud cais i’w ganslo, gan roi rheswm dros y cais er mwyn i’r NCH ei gymeradwyo.

Nid yw hyn yn berthnasol i ddatganiadau a gyflwynwyd ymlaen llaw nad ydynt wedi cyrraedd.

Os bydd angen i chi newid datganiad allforio yn dilyn ymholiad, rhaid i chi wirio gyda’ch darparwr meddalwedd ei fod yn gallu gwneud hyn. Os na all eich darparwr wneud hyn, bydd angen i chi ganslo ac ailgyflwyno eich datganiad.

Datganiadau sy’n agored i wiriadau ôl-glirio

Datganiadau CHIEF — ICS00 neu ICS25

Rhaid i’r holl ddogfennau gwreiddiol gyrraedd yr NCH ar gyfer y camau ôl-glirio cyn pen 3 diwrnod gwaith i ddyddiad ac amser y clirio. Nid yw’r terfyn amser hwn yn berthnasol i ddatganiadau a gyflwynwyd ymlaen llaw. Mae gwasanaeth rhadbost ar gael i’ch helpu i fodloni’r gofyniad hwn.

Ar gyfer tystysgrifau EUR1, ATR1 a GSP mewn swmp, dylech anfon y ddogfen wreiddiol gyda’r datganiad cyntaf. Dylai datganiadau dilynol gynnwys copi o’r dystysgrif ffafriaeth briodol. Dylai blwch 44 o’r datganiad ddangos rhif y cofnod y mae’r gwreiddiol wedi’i atodi iddo.

Dylech ddefnyddio amlenni A4 os oes modd, a dylid anfon datganiadau i’r NCH bob dydd. Bydd datganiadau a dderbynnir yn cael eu harchwilio, a cheir cosbau am beidio â chydymffurfio â’r gofynion hyn.

Cadw cofnodion

Dylech gadw’r holl gofnodion am 4 blynedd.

Gallwch storio tystiolaeth ddogfennol ar ffurf electronig os gallwch ei defnyddio i gynhyrchu copi o’r ddogfen wreiddiol. Rhaid i chi gadw copïau papur sy’n cynnwys stampiau neu ddyfrnodau gwreiddiol — er enghraifft, tystysgrifau ffafriaeth.

Bydd CThEF yn cadw datganiadau gwreiddiol a dogfennau ategol dim ond os ydynt wedi cael eu cyflwyno ymlaen llaw i’r NCH ar gyfer eu clirio.

Cysylltu â’r NCH

I gael help gyda’r datganiadau a gyflwynwyd gennych, gallwch gysylltu â’r Ganolfan Glirio Genedlaethol (yn Saesneg).

Llinell gymorth mewnforio ac allforio

Ar gyfer ymholiadau cyffredinol am fewnforio neu allforio, ffoniwch y llinell gymorth mewnforio ac allforio: ymholiadau cyffredinol (yn Saesneg).

Cwynion

Os oes angen, gallwch wneud cwyn i CThEF ar-lein neu dros y ffôn.

Cyhoeddwyd ar 2 August 2012
Diweddarwyd ddiwethaf ar 13 January 2023 + show all updates

  1. Guidance on Customs Input Entries (CIE) has been removed, as the CIE team has ceased operations.

  2. Added translation

  3. More information about what to do after you’ve sent your supporting documents has been added.

  4. The section 'After you’ve submitted' has been updated with time limits for air freight imports, road freight imports, marine freight imports and exports.

  5. Welsh translation added.

  6. More information about 'Sending supporting documents for a customs check to clear your goods' has been added.

  7. This page has been updated because the Brexit transition period has ended.

  8. This page has been updated with information on the Customs Declaration Service.

  9. When you send your paperwork to the National Clearance Hub you’ll also need to send an NCH1 form in every instance.

  10. The contact telephone number for the National Clearance Hub Route 3 Car Team has been updated.

  11. New contact email address added to section 'Contacting the NCH' for enquiries on transfer of residence.

  12. Mention of withdrawn form 'Import and export: import of private motor vehicle from outside the EC (C104A)' changed to new form 'Application for Transfer of Residence (ToR) relief (ToR01)'.

  13. The Importation of motor vehicles using the National Clearance Hub Service Level Agreement was changed from 3 days to 10 days from 1 December 2015.

  14. Link to 'Import and export: trader submission form header for declarations (NCH1)' added to the guide.

  15. Fixing references to specialist guides

  16. First published.

Cynnwys

Cynnwys cysylltiedig