Fy Nghyfrif Comisiwn Elusennau - canllawiau i ddefnyddwyr trydydd parti
Sut i wneud cais am gyfrif, a mynediad i wahanol wasanaethau neu elusennau ychwanegol.
Applies to England and Wales
Pwy all gael mynediad trydydd parti
Defnyddiwr trydydd parti yw unrhyw un nad yw’n gyswllt elusen nac yn ymddiriedolwr. Er enghraifft, gweithiwr elusen, gwirfoddolwr, cynghorydd proffesiynol fel cyfreithiwr neu gyfrifydd.
Gofyn am gyfrif
Mae angen dolen gan yr elusen rydych chi’n gweithio gyda hi i greu cyfrif.
Gofynnwch am hon yn uniongyrchol gan gyswllt yr elusen neu gofynnwch am gyfrif trydydd parti ar-lein. Bydd angen i chi ddarparu’r cyfeiriad e-bost y byddwch yn ei ddefnyddio i sefydlu’ch cyfrif. Mae’n rhaid iddo fod yn gyfeiriad a ddefnyddiwch chi yn unig.
Unwaith y byddwch wedi sefydlu cyfrif, os oes angen mynediad at elusen ychwanegol arnoch, bydd angen i chi siarad â chyswllt yr elusen. Bydd ef/hi neu un o’u gweinyddwyr enwebedig yn gallu rhoi mynediad i chi gan ddefnyddio’r cyfeiriad e-bost sy’n gysylltiedig â’ch cyfrif.
Gosod eich cyfrif
Gwyliwch am e-bost â’ch dolen gosod. Dyma’r cyfeiriad e-bost y byddwch yn ei ddefnyddio i sefydlu’ch cyfrif.
Wrth sefydlu’ch cyfrif, gofynnir i chi greu eich cyfrinair eich hun.
Creu cyfrinair
Sicrhewch fod gan eich cyfrinair o leiaf:
-
10 nod
- 1 rhif
- 1 prif lythyren
Mynediad a chaniatadau
Unwaith y byddwch wedi sefydlu eich cyfrif ac wedi mewngofnodi, byddwch yn gallu:
- cyrchu adrannau o’n gwasanaethau ar-lein sy’n briodol ar gyfer y gweithgaredd rydych yn ei wneud ar gyfer yr elusen (gallwch ofyn am wasanaethau ychwanegol os oes angen)
- cyrchu, diweddaru a chynnal eich manylion personol eich hun
Gall gweinyddwr hefyd roi:
- mynediad ychwanegol i wasanaethau ar-lein i chi – bydd angen i chi siarad â chyswllt yr elusen neu un o’i gweinyddwyr enwebedig
- rhai hawliau gweinyddol i chi. Os rhoddir caniatâd, bydd angen i chi alluogi caniatadau gweinyddwr trwy gadarnhau bod eich mynediad wedi’i awdurdodi gan ymddiriedolwyr yr elusen
Materion cyffredin
Dewch o hyd i gymorth â phroblemau cyffredin (mae’r ddolen hon yn agor tudlaen newydd) wrth fewngofnodi i a defnyddio eich cyfrif.