Hanfodion Cofrestrfa Tir EF
Bydd ein pecyn hyfforddi hunanwasanaeth yn eich helpu gyda’r pethau sylfaenol – os ydych yn newydd i drawsgludo neu am gael sesiwn gloywi'n unig. Mae hyn yn cynnwys gweithio gyda Chofrestrfa Tir EF, a pharatoi a chyflwyno ceisiadau o ansawdd uchel
Applies to England and Wales
Yr hyn mae Cofrestrfa Tir EF yn ei wneud
Dechreuwch gyda’n fideo byr (1:46) yn egluro’r hyn rydym yn ei wneud, y wybodaeth sydd gennym a sut rydym yn gweithio o ddydd i ddydd:
Beth mae Cofrestrfa Tir EF yn ei wneud? – YouTube
Sut mae Cofrestrfa Tir EF yn rhan o’r broses drawsgludo
Mae gennym ein rhan gydol y broses drawsgludo. Mae ein fideo byr (2:47) yn esbonio hyn yn fanylach, o ddarparu data i werthwyr tai i’w helpu i farchnata eiddo, hyd at gofrestru’r gwerthiant:
Cofrestrfa Tir EF a’r broses drawsgludo – YouTube
10 awgrym da ar gyfer ceisiadau penigamp
Darllenwch ein hawgrymiadau ar gyfer gwella ansawdd ceisiadau a anfonir i Gofrestrfa Tir EF.
Cofrestr teitl
Gweithdy ceisiadau ar-alw
Mae ein gweithdy ceisiadau wedi ei ddylunio gyda chwsmeriaid i’ch helpu i gyflwyno ceisiadau o safon i Gofrestrfa Tir EF ac osgoi ceisiadau am wybodaeth (ymholiadau) a all achosi oedi sylweddol yn y broses gofrestru.
Rydym yn anfon ymholiad pan fydd angen eglurhad neu ragor o wybodaeth am rywbeth yn eich cais, felly mae’n fuddiol ei gael yn iawn y tro cyntaf.
Rydym wedi rhannu’r gweithdy yn bum modiwl unigol er mwyn ichi allu ymdrin â’r hyn sydd ei angen arnoch pan fydd ei angen arnoch.
Yn ogystal â sut i osgoi ceisiadau am wybodaeth, rydym yn archwilio ffurflenni a gweithredoedd, cyflawni, cyfyngiadau yn y gofrestr ac amrywiadau mewn enwau. Yn olaf, mae cyfle i feddwl fel gweithiwr cais – fyddech chi’n anfon ymholiad?
Gwyliwch ein fideos hanfodol ar gyfer trawsgludwyr, cyfreithwyr a gweithwyr cyfreithiol proffesiynol eraill.
Canllaw ffïoedd
Bydd ein cyfrifiannell ffïoedd yn eich helpu i nodi cost pob math o gais.
Mae’r siart llif ffïoedd yn helpu gyda cheisiadau ‘Graddfa 2’ ar gyfer trosglwyddiadau neu gydsyniadau ar gyfer dim cydnabyddiaeth ariannol, gan nad yw’r gyfrifiannell yn ymdrin â’r rhain ar hyn o bryd.
Mae’r canllawiau Ffïoedd Gwasanaethau Cofrestru yn rhoi manylion llawn ein ffïoedd.
Gweminarau ffïoedd
- Trosglwyddiadau neu gydsynio am ddim cydnabyddiaeth ariannol – yn ymwneud â chyfranddaliadau
- Trosglwyddiadau neu gydsyniadau am ddim cydnabyddiaeth ariannol – heb fod yn ymwneud â chyfranddaliadau
- Penodi ymddiriedolwr newydd neu ychwanegol
Ein hyb hyfforddi
I gael deunyddiau hyfforddi manylach ar nifer fawr o bynciau, ewch i’n hyb hyfforddi a chanllawiau.
Adborth
Rydym yn gwerthfawrogi’ch sylwadau, syniadau ac awgrymiadau yn fawr felly os oes gennych unrhyw adborth am y dudalen hon neu unrhyw awgrymiadau am bynciau a deunyddiau hyfforddi yr hoffech inni eu darparu, anfonwch ebost at y tîm training@landregistry.gov.uk.
Cofrestrwch i gael negeseuon ebost am y dudalen hon gan y bydd rhagor o ddeunydd hyfforddi’n cael ei hychwanegu yn y dyfodol.