Cyflwyno cyfrifon a Ffurflenni Treth eich Cwmni os ydych wedi defnyddio gwasanaeth ar-lein CThEF yn flaenorol
Dysgwch sut i gyflwyno cyfrifon a Ffurflenni Treth eich Cwmni os ydych wedi defnyddio gwasanaeth ar-lein CThEF, a wnaeth gau ar 31 Mawrth 2026, yn flaenorol.
Gwnaeth y gwasanaeth ar-lein ‘Cyflwyno cyfrifon a Ffurflenni Treth eich Cwmni’ gau ar 31 Mawrth 2026.
O 1 Ebrill 2026 ymlaen, dylech ddefnyddio meddalwedd fasnachol i gyflwyno cyfrifon blynyddol a Ffurflenni Treth eich Cwmni i CThEF.
Gallwch ond cyflwyno Ffurflen Dreth y Cwmni ar bapur os yw’r canlynol yn wir:
- mae gennych esgus rhesymol
- rydych yn cyflwyno’r ffurflen yn y Gymraeg
Gallwch gyflwyno’ch cyfrifon i Dŷ’r Cwmnïau (yn agor tudalen Saesneg) mewn ffyrdd eraill.
Defnyddio meddalwedd fasnachol
Darparwyr meddalwedd fasnachol
Gall y darparwyr meddalwedd fasnachol hyn (yn agor tudalen Saesneg) gynhyrchu un neu fwy o elfennau Ffurflen Dreth y Cwmni â CThEF. Dylech ystyried pa elfennau y bydd eu hangen arnoch a sicrhau bod y feddalwedd yr ydych yn ei dewis yn eich galluogi i gyflwyno’r canlynol:
- CT600
- cyfrifiant Treth Gorfforaeth
- cyfrifon eich cwmni
Meddalwedd Tŷ’r Cwmnïau
Mae angen i chi barhau i gyflwyno cyfrifon blynyddol i Dŷ’r Cwmnïau (yn agor tudalen Saesneg).
Dyma restr o ddarparwyr meddalwedd (yn agor tudalen Saesneg) sydd ar gael i reoli cyfrifon a Ffurflenni Treth eich Cwmni.
Gwneud newidiadau i Ffurflen Dreth a wrthodwyd, neu ail-gyflwyno Ffurflen Dreth
Os ydych am wneud newidiadau i Ffurflen Dreth a gyflwynwyd yn flaenorol, neu ail-gyflwyno Ffurflen Dreth a wrthodwyd, gallwch wneud y canlynol:
- defnyddio meddalwedd fasnachol
- ysgrifennu neu anfon Ffurflen Dreth ar bapur i’r swyddfa Treth Gorfforaeth
- defnyddio asiant
Os ydych am newid neu gywiro cyfrifon eich cwmni gyda Thŷ’r Cwmnïau, bydd angen i chi naill ai ddefnyddio meddalwedd neu anfon cyfrifon ar bapur drwy’r post.
Dulliau eraill o gyflwyno
Gallwch gyflwyno Ffurflen Dreth ar bapur i CThEF os oes gennych esgus rhesymol neu rydych am gyflwyno yn y Gymraeg. Fel arall, mae’n rhaid i chi gyflwyno ar-lein.
Gallwch gyflwyno cyfrifon blynyddol ar-lein gyda Thŷ’r Cwmnïau (yn agor tudalen Saesneg) neu anfon cyfrifon ar bapur drwy’r post.
I ble y dylid anfon cyfrifon ar bapur
Prif swyddfa Tŷ’r Cwmnïau
Crown Way
Cardiff
CF14 3UZ
Esemptiadau rhag cyflwyno
Mae’n bosibl y byddwch yn gallu gwneud cais am esemptiad rhag cyflwyno Treth Gorfforaeth (yn agor tudalen Saesneg) os ydych yn elusen, clwb chwaraeon amatur cymunedol neu’n gwmni rheoli fflatiau a bod eich cwmni neu’ch sefydliad yn segur.
Bydd yn dal i fod angen i chi gyflwyno cyfrifon blynyddol i Dŷ’r Cwmnïau (yn agor tudalen Saesneg) hyd yn oes os yw’ch cwmni’n segur.
Trosglwyddo busnes o gwmni (datgorffori)
Mae llawer o bobl yn dewis sefydlu cwmni i redeg eu busnes. Mae opsiynau eraill ar gael, a gallwch symud o un strwythur busnes i un arall.
Efallai y byddwch am drosglwyddo busnes o gwmni (yn agor tudalen Saesneg) os nad oes angen i’ch busnes weithredu fel cwmni. Mae’n bwysig eich bod yn deall ystyriaethau datgorffori o ran materion cyfreithiol a materion treth. Mae gan strwythurau busnes eraill lai o gyfrifoldebau, ac efallai na fydd angen meddalwedd fasnachol arnynt i fodloni eu cyfrifoldebau o ran materion cyfreithiol a materion treth.