Gwneud cais ar-lein am grant Cynllun Kickstart
Os ydych yn gyflogwr sydd am greu swyddi i bobl ifanc, gallwch wneud cais ar-lein am gyllid fel rhan o Gynllun Kickstart.
Applies to England, Scotland and Wales
Canllawiau cyflogwyr
Mae ceisiadau i’r Cynllun Kickstart yn cau hanner dydd ar 17 Rhagfyr 2021.
Gwiriwch y dyddiadau cau eraill ar gyfer cwblhau tasgau Cynllun Kickstart.
-
Gwnewch gais ar-lein am grant Cynllun Kickstart
-
Mewngofnodwch i reoli’ch swyddi gwag (dim ond ar gyfer cyflogwyr sydd wedi gwneud cais ar-lein)
Os ydych yn borth Kickstart, gwiriwch y canllawiau ar gyfer pyrth.
Cyn i chi wneud cais
Darganfyddwch sut mae cynllun Kickstart yn gweithio.
Mae angen i chi hefyd wirio a yw’ch sefydliad yn gymwys i wneud cais.
Beth sydd angen i chi ei ddarparu yn ystod y cais ar-lein
Bydd angen:
- eich cyfeirnod Tŷ Cwmnïau, rhif y Comisiwn Elusennau neu rif Rheoleiddiwr Elusennau Swyddfa’r Alban, os oes gennych un
- cyfeiriad a manylion cyswllt eich sefydliad
- manylion y swyddi a’u lleoliad
Mae’r DWP yn cynnal gwiriadau diwydrwydd dyladwy ar bob cyflogwr drwy ddefnyddio teclyn Spotlight Swyddfa’r Cabinet.
Dywedwch wrthym bod eich swyddi yn newydd ac wedi’u creu ar gyfer y cynllun yn unig
Ni ddylai’r swyddi:
- ddisodli swyddi gwag presennol neu rai sydd wedi’u cynllunio
- achosi i weithwyr, prentisiaid neu gontractwyr presennol golli gwaith neu leihau eu horiau gwaith
Dywedwch wrthym
- faint o weithwyr sydd gennych
- am newidiadau i’ch gweithlu yn ystod y 6 mis diwethaf a pham (er enghraifft diswyddiadau a newidiadau i’r oriau a weithiwyd gan staff presennol)
- nifer y bobl yr effeithiwyd arnynt gan newidiadau i’ch gweithlu yn ystod y 6 mis diwethaf
- am y mathau o swyddi, swyddogaethau a chyflog cyfartalog y rhai a ddiswyddwyd neu a ostyngwyd eu horiau yn ystod y 6 mis diwethaf
- pe byddech yn gallu creu’r swyddi hyn heb gyllid Cynllun Kickstart a pha ffynhonnell ariannu y byddech yn ei ddefnyddio
- pa recriwtio rydych wedi’i gwblhau, ei ddechrau neu ei oedi yn ystod y 6 mis diwethaf, gan gynnwys pa mor debyg yw neu oedd y swyddi gwag hyn i’r swyddi rydych yn eu creu ar gyfer y Cynllun Kickstart
- os bydd y swyddi yn debyg i swyddi presennol neu a gynlluniwyd neu’r swyddi a wnaed yn flaenorol gan y rhai a ddiswyddwyd neu gyda llai o oriau gwaith, pam eich bod yn defnyddio cyllid Cynllun Kickstart i greu swyddi tebyg
- os ydych wedi ymgysylltu ag unrhyw undebau llafur perthnasol ac unrhyw gyngor maent wedi’u rhoi
Sut y byddwch yn cefnogi pobl ifanc i ddod yn fwy cyflogadwy
Dywedwch wrthym:
- pa gefnogaeth a gynigir (er enghraifft helpu pobl ifanc i ysgrifennu eu CV a pharatoi ar gyfer cyfweliad)
- pryd y byddwch yn darparu’r gefnogaeth hon (er enghraifft hanner ffordd trwy eu swydd neu tua’r diwedd)
- sawl awr y bydd yn ei gymryd i ddarparu’r gefnogaeth
- pwy fydd yn darparu’r gefnogaeth (er enghraifft efallai bod gennych berthynas eisoes â darparwyr hyfforddiant)
- sut y byddwch yn monitro’r gefnogaeth hon
- sut y gall y person ifanc ddarparu adborth yn ystod eu swydd ac wedi hynny, a sut y gweithredir ar hyn os bydd angen
Rydych yn cael cyllid o £1,500 fesul swydd ar gyfer costau sefydlu a chefnogaeth. Os oes rhywun arall yn eich helpu i wneud rhywfaint o hyn, bydd rhaid i chi gytuno sut i rannu’r arian hyn.
Gwneud cais ar-lein
Trwy wneud cais ar-lein, byddwch yn:
- rhoi gwybodaeth i’r DWP am y swyddi yr hoffech eu cynnig
- cael cyswllt uniongyrchol â DWP ynghylch eich cais
- rheoli’r cyllid eich hun
Mae ceisiadau i’r Cynllun Kickstart yn cau yn fuan.
Ar ôl hanner dydd, dydd Gwener 17 Rhagfyr 2021 ni fyddwch yn gallu:
- gwneud cais am grant Cynllun Kickstart newydd
- ychwanegu mwy o swyddi i gytundeb grant presennol
Byddwn yn prosesu ceisiadau a gyflwynir cyn yr amser hwn neu sydd eisoes ar y gweill.
Gwyliwch fideo sy’n eich tywys trwy’r cais ar-lein
Gallwch wneud cais trwy borth Kickstart os byddai’n well gennych i rywun gyflawni’r tasgau hyn ar eich rhan.
Ar ôl i chi wneud cais
Byddwn yn anelu at anfon e-bost atoch gyda phenderfyniad ar y cais o fewn mis.
-
Byddwn yn e-bostio cytundeb grant atoch sydd yn rhaid i chi ei lofnodi a’i e-bostio yn ôl atom erbyn 11:59pm ar 7 Ionawr 2022. Byddwn hefyd yn gofyn am eich manylion banc ar yr un pryd.
-
Yna byddwn yn eich gwahodd trwy e-bost i actifadu eich cyfrif ar-lein. Yna byddwch yn mewngofnodi i roi eich manylion swyddi gwag erbyn 11:59pm ar 31 Ionawr 2022.
-
Bydd eich swyddi gwag yn mynd yn fyw unwaith y byddwn wedi eu cymeradwyo.
-
Bydd anogwyr gwaith yn y Ganolfan Byd Gwaith yn atgyfeirio pobl ifanc at eich swyddi gwag (‘atgyfeiriadau’) tan 1 Mawrth 2022. Mae atgyfeirio yn cael ei wneud pan fyddwn yn argymell eich swydd wag i ymgeisydd. Nid yw hyn yn gwarantu y bydd yr ymgeisydd yn cyflwyno cais.
-
Rydych yn cyfweld ymgeiswyr addas sydd wedi gwneud cais.
-
Rhaid i’r person ifanc ddechrau’r swydd ar neu cyn 31 Mawrth 2022.
-
Byddwch yn dweud wrthym pryd mae’r person ifanc wedi dechrau erbyn 11:59pm ar 30 Ebrill 2022 fel y gallwn brosesu’r cyllid.
S8. Gallwch ychwanegu mwy o swyddi at eich cytundeb grant presennol tan hanner dydd ar 17 Rhagfyr 2021 os ydynt yn bodloni’r meini prawf swydd.
Gallwch hysbysebu swyddi gwag eich hun, ond rhaid i bob swydd gael cyflwyniad trwy anogwr gwaith DWP i dderbyn cyllid llawn.
Cael help gyda’r broses o wneud cais
Cysylltwch â’ch cyswllt lleol neu genedlaethol Cynllun Kickstart os oes angen help arnoch gyda’r broses o wneud cais.
Diweddarwyd ddiwethaf ar 19 November 2021 + show all updates
-
Added deadlines for completing Kickstart Scheme tasks.
-
Added information about Kickstart Scheme applications closing on 17 December 2021.
-
First published.