Mynegai Prisiau Tai y DU: adroddiad Cymru: Mawrth 2020
Cyhoeddwyd 20 May 2020
Applies to England and Wales
© Hawlfraint y Goron 2020
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/statistics/uk-house-price-index-wales-march-2020/d6d06d24-2e65-43c0-b0bb-086d462186a3
1. Prif ystadegau ar gyfer Mawrth 2020
Pris eiddo cyfartalog yng Nghymru oedd £161,684
Y newid mewn prisiau blynyddol eiddo ar gyfer Cymru oedd 1.1%
y newid mewn prisiau misol eiddo ar gyfer Cymru oedd -2.8%
y ffigur mynegai ar gyfer Cymru (Ionawr 2015 = 100) oedd 118.8
Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch y polisïau adolygu.
Dyddiad cyhoeddi nesaf Mynegai Prisiau Tai y DU
Yn dilyn cyhoeddi mynegai Mawrth ar 20 Mai, bydd Mynegai Prisiau Tai y DU yn cael ei atal nes clywir yn wahanol. Gweler gwefan y Swyddfa Ystadegau Gwladol (ONS) am ragor o wybodaeth.
2. Datganiad economaidd
Mae Mynegai Prisiau Tai y DU yn seiliedig ar drafodion tai wedi eu cwblhau. Fel arfer, gall gymryd 6 i 8 wythnos i gwblhau prynu tŷ. Felly, bydd y data prisiau sy’n bwydo i mewn i Fynegai Prisiau Tai y DU ar gyfer Mawrth 2020 yn adlewyrchu’r trafodion a gwblhawyd a ddigwyddodd cyn i fesurau’r llywodraeth i leihau lledaeniad coronafeirws (COVID-19) gael eu gweithredu.
Cynyddodd prisiau tai Cymru gan 1.1% yn y flwyddyn hyd at Fawrth 2020, i lawr o 4.6% yn y flwyddyn hyd at Chwefror 2020. Roedd prisiau tai Cymru yn tyfu’n arafach na chyfradd flynyddol y DU sef 2.1% yn y flwyddyn hyd at Fawrth 2020. Ar sail heb ei haddasu’n dymhorol, gostyngodd prisiau tai cyfartalog yng Nghymru gan 2.8% rhwng Chwefror 2020 a Mawrth 2020, o’i gymharu â chynnydd o 0.6% yn ystod yr un cyfnod flwyddyn yn gynharach (Chwefror 2019 a Mawrth 2019). Ar sail wedi ei haddasu’n dymhorol, gostyngodd prisiau tai cyfartalog yng Nghymru gan 2.8% rhwng Chwefror 2020 a Mawrth 2020.
Gan gymharu’r amcangyfrif dros dro o drafodion ar gyfer Ionawr 2019 â’r amcangyfrif dros dro ar gyfer Ionawr 2020, cynyddodd nifer y trafodion gan 2.3% yng Nghymru, o 2,852 i 2,917. Cynyddodd nifer y trafodion yn y DU gan 2.5% o 63,387 i 64,979 dros yr un cyfnod.
Yng Nghymru, dangosodd 18 o’r 22 ardal awdurdod lleol gynnydd mewn prisiau cyfartalog ym Mawrth 2020 o’i gymharu â Mawrth 2019. Gwelwyd y twf cryfaf ym Mro Morgannwg, gan godi 9.4% i £243,977 yn y flwyddyn hyd at Fawrth 2020.
O’r holl fathau o eiddo, dangosodd tai sengl y twf blynyddol mwyaf, gan godi 2.0% yn y flwyddyn hyd at Fawrth 2020 i £246,051. Y twf blynyddol lleiaf o’r holl fathau o eiddo oedd ar gyfer tai teras, gyda chynnydd o 0.2% yn y flwyddyn hyd at Fawrth 2020 i £123,624.
Oherwydd y mesurau a gyflwynwyd gan y llywodraeth i leihau lledaeniad coronafeirws ym Mawrth 2020, mae llai o drafodion ar gael na’r hyn a ddisgwylir ar gyfer Mynegai Prisiau Tai y DU mis Mawrth. O ganlyniad, gall fod mwy o anwadalrwydd yn amcangyfrifon y mis hwn, yn enwedig ar y lefelau daearyddol is lle mae nifer y trafodion yn llai.
Yn yr un modd â dangosyddion eraill yn y farchnad dai, sy’n newid o fis i fis fel arfer, mae’n bwysig peidio â rhoi gormod o bwys ar y set o ddata prisiau tai ar gyfer un mis arbennig.
3. Newid mewn prisiau
3.1 Newid mewn prisiau blynyddol
Newid mewn prisiau blynyddol ar gyfer Cymru dros y 5 mlynedd diwethaf
Llwytho data’r siart hon i lawr (CSV, 1KB)
Yng Nghrymu, cynyddodd prisiau cyfartalog gan 1.1% yn y flwyddyn hyd at Fawrth 2020 (i lawr o 4.6% yn Chwefror 2020).
Newid mewn prisiau blynyddol yn ôl awdurdod lleol ar gyfer Cymru
Gall nifer isel o drafodion gwerthu mewn rhai awdurdodau lleol arwain at ansefydlogrwydd yn y gyfres.
Er ein bod yn ceisio darparu ar gyfer yr ansefydlogrwydd hwn, gall y newid mewn prisiau yn y lefelau lleol hyn gael ei ddylanwadu gan y math o eiddo a nifer yr eiddo a werthir mewn unrhyw gyfnod penodol.
Dylid dadansoddi ardaloedd daearyddol gyda nifer isel o drafodion gwerthu yng nghyd-destun eu tueddiadau mwy hirdymor yn hytrach na chanolbwyntio ar symudiadau misol.
| Awdurdodau lleol | Mawrth 2020 | Mawrth 2019 | Gwahaniaeth |
|---|---|---|---|
| Abertawe | £146,658 | £147,849 | -0.8% |
| Blaenau Gwent | £98,745 | £93,074 | 6.1% |
| Bro Morgannwg | £243,977 | £223,005 | 9.4% |
| Caerdydd | £210,909 | £208,214 | 1.3% |
| Caerffili | £138,459 | £135,264 | 2.4% |
| Casnewydd | £191,376 | £182,307 | 5% |
| Castell-nedd Port Talbot | £121,388 | £113,449 | 7% |
| Ceredigion | £190,661 | £182,401 | 4.5% |
| Conwy | £166,935 | £164,952 | 1.2% |
| Gwynedd | £154,601 | £154,918 | -0.2% |
| Merthyr Tudful | £101,364 | £100,478 | 0.9% |
| Pen-y-bont ar Ogwr | £156,365 | £148,573 | 5.2% |
| Powys | £189,109 | £185,306 | 2.1% |
| Rhondda Cynon Taf | £109,756 | £109,178 | 0.5% |
| Sir Benfro | £181,815 | £166,550 | 9.2% |
| Sir Ddinbych | £165,109 | £153,222 | 7.8% |
| Sir Fynwy | £288,712 | £267,725 | 7.8% |
| Sir y Fflint | £168,513 | £164,409 | 2.5% |
| Sir Gaerfyrddin | £144,251 | £144,341 | -0.1% |
| Tor-faen | £141,795 | £143,038 | -0.9% |
| Wrecsam | £158,200 | £153,582 | 3% |
| Ynys Môn | £177,653 | £170,147 | 4.4% |
| Cymru | £161,684 | £159,904 | 1.1% |
Llwytho data’r tabl hwn i lawr (CSV, 1KB)
Prisiau cyfartalog yn ôl awdurdod lleol ar gyfer Cymru
Nid yw’r map gwres ar gael oherwydd yr effaith y mae’r pandemig coronafeirws cyfredol wedi ei chael ar wasanaethau gweithredol.
Ym Mawrth 2020, yr ardal ddrutaf i brynu eiddo oedd Sir Fynwy, lle mai £289,000 oedd y pris cyfartalog. Mewn cyferbyniad, yr ardal rataf i brynu eiddo oedd Blaenau Gwent, lle mai £99,000 oedd y pris cyfartalog. Oherwydd effeithiau parhaus coronafeirws, mae amcangyfrifon Mawrth 2020 yn seiliedig ar lai o drafodion nag arfer, sy’n golygu y gellir gweld anwadalrwydd yn y data ar lefelau is.
3.2 Newid mewn prisiau cyfartalog yn ôl math o eiddo
Newid mewn prisiau cyfartalog yn ôl math o eiddo ar gyfer Cymru
| Math o eiddo | Mawrth 2020 | Mawrth 2019 | Gwahaniaeth |
|---|---|---|---|
| Tŷ sengl | £246,051 | £241,228 | 2.0% |
| Tŷ pâr | £156,492 | £154,908 | 1.0% |
| Tŷ teras | £123,624 | £123,345 | 0.2% |
| Fflat neu fflat deulawr | £116,071 | £113,873 | 1.9% |
| Holl | £161,684 | £159,904 | 1.1% |
Llwytho data’r tabl hwn i lawr (CSV, 1KB)
4. Nifer y gwerthiannau
Mae’r amser rhwng gwerthu eiddo a chofrestru’r wybodaeth hon yn amrywio. Fel arfer, mae’n cymryd rhwng 2 wythnos a 2 fis ond gall gymryd yn hwy. Nid yw ffigurau’r gwerthiannau ar gyfer y 2 fis diweddaraf ar lefel ddibynadwy ar gyfer adrodd eto, felly nid ydynt wedi eu cynnwys yn yr adroddiad. Bydd trafodion cyhoeddedig ar gyfer y misoedd diwethaf yn cynyddu wrth i drafodion cofrestredig hwyrach gael eu cynnwys yn y mynegai.
Mae data ar nifer y gwerthiannau hefyd ar gael yn ôl statws eiddo (adeiladau newydd ac eiddo sy’n bodoli) a statws cyllid (arian parod a morgais) yn ein tablau data y gellir eu llwytho i lawr. Mae trafodion sy’n ymwneud â chreu cofrestr newydd, megis adeiladau newydd, yn fwy cymhleth ac mae angen mwy o amser i’w prosesu. Darllenwch Diwygiadau i ddata Mynegai Prisiau Tai y DU am ragor o wybodaeth.
4.1 Nifer y gwerthiannau yn ôl awdurdod lleol
Nifer y gwerthiannau ar gyfer Cymru yn ôl awdurdod lleol
| Awdurdodau lleol | Ionawr 2020 | Ionawr 2019 |
|---|---|---|
| Abertawe | 226 | 240 |
| Blaenau Gwent | 65 | 62 |
| Bro Morgannwg | 157 | 132 |
| Caerdydd | 308 | 376 |
| Caerffili | 170 | 161 |
| Casnewydd | 166 | 169 |
| Castell-nedd Port Talbot | 118 | 115 |
| Ceredigion | 67 | 71 |
| Conwy | 149 | 119 |
| Gwynedd | 123 | 110 |
| Merthyr Tudful | 47 | 50 |
| Pen-y-bont ar Ogwr | 163 | 153 |
| Powys | 126 | 104 |
| Rhondda Cynon Taf | 202 | 281 |
| Sir Benfro | 119 | 128 |
| Sir Ddinbych | 79 | 108 |
| Sir Gaerfyrddin | 144 | 192 |
| Sir Fynwy | 92 | 74 |
| Sir y Fflint | 151 | 163 |
| Tor-faen | 72 | 93 |
| Wrecsam | 108 | 106 |
| Ynys Môn | 63 | 61 |
| Cymru | 2,917 | 3,070 |
Sylwer: Mae’r amcangyfrif ar gyfer Ionawr 2020 wedi ei gyfrifo ar sail oddeutu 85% o’r trafodion cofrestredig terfynol. Bydd nifer y trafodion eiddo ar gyfer Ionawr 2020 yn cynyddu wrth i fwy o drafodion gael eu cynnwys yn y mynegai.
Gan gymharu’r amcangyfrif dros dro o drafodion ar gyfer Ionawr 2019 â’r amcangyfrif dros dro ar gyfer Ionawr 2020, cynyddodd nifer y trafodion gan 2.3% yng Nghymru.
Mae Ystadegau Trafodion Eiddo y DU a gyhoeddir gan Gyllid a Thollau EM (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, fod nifer y trafodion yn y DU wedi cynyddu gan 6.7% yng Nghymru yn y flwyddyn hyd at Ionawr 2020.
Llwytho data’r tabl hwn i lawr (CSV, 1KB)
4.2 Nifer y gwerthiannau
Nifer y gwerthiannau ar gyfer Cymru dros y 5 mlynedd diwethaf
Newid rhwng y siart a’r tabl
| Dyddiad | Nifer y gwerthiannau ar gyfer Cymru |
|---|---|
| Ionawr 2016 | 2,788 |
| Ionawr 2017 | 3,056 |
| Ionawr 2018 | 3,170 |
| Ionawr 2019 | 3,070 |
| Ionawr 2020 | 2,917 |
Llwytho data’r siart hon i lawr (CSV, 1KB)
5. Statws eiddo
Mae trafodion sy’n cynnwys creu cofrestr newydd, megis adeiladau newydd, yn fwy cymhleth ac felly mae angen mwy o amser i’w prosesu. Mae hyn yn golygu y gallant gymryd yn hwy i ymddangos yn y cofrestri tir. Nid yw nifer y trafodion adeiladau newydd ar gyfer y 2 fis diweddaraf ar lefel ddibynadwy ar gyfer adrodd ar y dadansoddiad rhwng adeiladau newydd ac eiddo sy’n bodoli a ailwerthwyd, felly nid ydynt wedi eu cynnwys yn yr adroddiad.
Tai a adeiledir o’r newydd ac eiddo presennol a ailwerthwyd ar gyfer Cymru
| Statws eiddo | Pris cyfartalog Ionawr 2020 | Newid misol | Newid blynyddol |
|---|---|---|---|
| Tai a adeiledir o’r newydd | £230,600 | 7.7% | 9.7% |
| Eiddo presennol a ailwerthwyd | £159,380 | -2.5% | 2.5% |
Llwytho data’r tabl hwn i lawr (CSV, 1KB)
Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn y fethodoleg a ddefnyddir i greu Mynegai Prisiau Tai y DU.
6. Statws y prynwr
Prynwr am y tro cyntaf a chyn berchen-feddiannydd ar gyfer Cymru
| Math o brynwr | Pris cyfartalog Mawrth 2020 | Newid misol | Newid blynyddol |
|---|---|---|---|
| Prynwr am y tro cyntaf | £139,180 | -3.0% | 0.7% |
| Cyn berchen-feddiannydd | £188,090 | -2.5% | 1.5% |
Llwytho data’r tabl hwn i lawr (CSV, 1KB)
7. Statws ariannu
Dangosydd arian parod a morgais ar gyfer Cymru
| Statws ariannu | Pris cyfartalog Mawrth 2020 | Newid misol | Newid blynyddol |
|---|---|---|---|
| Arian parod | £157,693 | -2.3% | 1.6% |
| Morgais | £164,150 | -2.9% | 0.9% |
Llwytho data’r tabl hwn i lawr (CSV, 1KB)
8. Nifer y gwerthiannau adfeddiannu
Oherwydd bod cyfnod o 2 wythnos i 2 fis rhwng cwblhau a chofrestru gwerthiannau, nid yw ffigurau nifer yr adfeddiannau ar gyfer y 2 fis diweddaraf yn gyflawn eto, felly nid ydynt wedi eu cynnwys yn yr adroddiad.
Nifer y gwerthiannau adfeddiannu
| Gwlad | Nifer y gwerthiannau adfeddiannu Ionawr 2020 |
|---|---|
| Cymru | 52 |
9. Mynediad i’r data
Mae modd llwytho’r data i lawr fel ffeiliau CSV neu gael mynediad iddo gyda’n teclyn Mynegai Prisiau Tai y DU.
Diwygiadau data
Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.
10. Mynegai Prisiau Tai y DU
Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU i greu Mynegai Prisiau Tai y DU.
Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EM, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.
Darllenwch ragor am Fynegai Prisiau Tai y DU.
11. Cyswllt ar gyfer ymholiadau’n ymwneud â Chymru
David Lockett, Rheolwr Cynnyrch, Cofrestrfa Tir EM
Ebost
david.lockett@landregistry.gov.uk
Ffôn
0300 0068317