Grant Swyddi Ieuenctid
Gwybodaeth i gyflogwyr sy'n gwneud cais am gyllid grant i ddarparu'r Grant Swyddi Ieuenctid.
Yn berthnasol i Loegr, yr Alban a Chymru
Dogfennau
Manylion
Grant Swyddi Ieuenctid
Mae’r Grant Swyddi Ieuenctid yn helpu cyflogwyr i greu cyfleoedd gwaith i bobl ifanc rhwng 18 a 24 oed sydd wedi bod ar Gredyd Cynhwysol am 6 mis neu fwy ac sy’n chwilio am waith.
Fel rhan o’r Gwarant Ieuenctid ehangach, mae’r cynllun yn darparu cymorth ariannol i gyflogwyr sy’n recriwtio pobl ifanc cymwys i rolau addas sydd wedi’u cofrestru gyda’r cynllun.
Gall cyflogwyr dderbyn hyd at £3,000 y swydd, a fydd yn cael ei dalu fesul cam os bodlonir amodau’r cynllun.
Mae’r grant wedi’i gynllunio i gefnogi cyflogaeth barhaus ac i ategu at weithgarwch recriwtio arferol.
Mae’r cynllun ar gael ledled Prydain Fawr ac ar agor ar gyfer ceisiadau o 30 Mehefin 2026.
Gwnewch gais ar-lein gan ddefnyddio’r gwasanaeth ‘Find a Grant’
Bydd ceisiadau’n cael eu hasesu gan yr Adran Gwaith a Phensiynau (DWP). Os caiff ei gymeradwyo, gallwch gyflwyno swyddi gwag a dechrau recriwtio.
Mae’r cais ar gael yn Find a Grant.
Fel arfer, dim ond unwaith y bydd angen i chi wneud cais. Efallai y byddwch yn gallu cyflwyno swyddi gwag ychwanegol heb ailymgeisio.
Mae cyllid yn amodol ar argaeledd ac amodau’r cynllun.
Cyfeiriwch at y Telerau ac Amodau Grant a’r Canllawiau Grant sydd â dolenni iddynt uchod am fanylion ynghylch sut i wneud cais.
Pwy all wneud cais
Efallai y byddwch yn gallu gwneud cais os yw’ch sefydliad:
-
yn gweithredu ym Mhrydain Fawr ac yn masnachu’n weithredol
-
wedi’i gofrestru gyda Chyllid a Thollau EF (CThEF)
-
yn bodloni’r gofynion cymhwysedd ac yn pasio gwiriadau angenrheidiol
Gall sefydliadau o unrhyw faint wneud cais, gan gynnwys masnachwyr sengl sy’n bwriadu cyflogi staff.
Pa swyddi sy’n gymwys
Rhaid i swyddi ddarparu cyfle gwirioneddol i berson ifanc.
Rhaid i’r rôl:
-
fod am o leiaf 25 awr yr wythnos ac yn para o leiaf 4 mis
-
talu o leiaf yr isafswm cyflog cymwys
-
bod yn swydd go iawn nad yw’n disodli gweithiwr presennol
-
bod yn gyfreithlon, yn ddiogel, yn addas ac yn debyg i rolau a gynigir y tu allan i’r cynllun
Cwestiynau a chefnogaeth
Os ydych angen help, cysylltwch â’r Llinell Gwasanaethau i Gyflogwyr (ESL).
Ffôn: 0800 169 0178 (rhadffôn neu defnyddiwch y Ffurflen Gyswllt ESL).
Oriau agor: Dydd Llun i ddydd Gwener, 9am i 5pm (ar gau ar benwythnosau a gwyliau banc).
Updates to this page
-
Updated Find a Grant links on the landing page and guidance page to go to the information page rather than straight to the application page.
-
First published.