Gwneud cais i ymuno â Chynllun Cyfrifyddu Blynyddol TAW
Defnyddiwch ffurflen VAT600AA i wneud cais ar-lein i ymuno â’r Cynllun Cyfrifyddu Blynyddol.
Dogfennau
Manylion
Fel arfer, mae busnesau sydd wedi’u cofrestru ar gyfer TAW yn cyflwyno’u Ffurflenni TAW a’u taliadau i CThEM 4 gwaith y flwyddyn. Gyda’r Cynllun Cyfrifyddu Blynyddol rydych:
- yn gwneud taliadau TAW ymlaen llaw tuag at eich bil TAW, yn seiliedig ar eich Ffurflen TAW ddiwethaf, neu ar amcangyfrif os ydych yn newydd i TAW
- yn cyflwyno un Ffurflen TAW y flwyddyn
Bydd yn rhaid i chi gyflwyno pob Ffurflen TAW sydd heb ei chyflwyno cyn i chi gael eich derbyn i’r cynllun, a bydd yn rhaid i chi ddarparu’ch rhif cofrestru TAW.
Cyn i chi ddechrau
Gallwch wneud un o’r canlynol:
- defnyddio’r gwasanaeth ar-lein
- llenwi’r ffurflen ar y sgrin, ei hargraffu a’i phostio i CThEM
Os byddwch yn gwneud cais ar-lein, bydd angen Dynodydd Defnyddiwr (ID) a chyfrinair Porth y Llywodraeth arnoch.
Os nad oes gennych Ddynodydd Defnyddiwr, gallwch greu un pan fyddwch yn gwneud cais.
Os ydych yn defnyddio’r gwasanaeth ar-lein, cewch gyfeirnod y gallwch ei ddefnyddio i ddilyn hynt eich ffurflen.
Cyn i chi ddechrau defnyddio’r ffurflen bost
Os ydych yn defnyddio’r ffurflen bost, ac mae’ch porwr yn un hŷn, er enghraifft Internet Explorer 8, bydd angen i chi ei ddiweddaru neu ddefnyddio porwr gwahanol. Rhagor o wybodaeth am borwyr.
Bydd yn rhaid i chi lenwi’r ffurflen yn ei chyfanrwydd cyn i chi allu ei hargraffu. Ni allwch gadw ffurflen sydd wedi’i llenwi’n rhannol, felly casglwch eich holl wybodaeth at ei gilydd cyn i chi ddechrau ei llenwi.
Ffurflenni ac arweiniadau cysylltiedig
Cynllun Cyfrifyddu Blynyddol TAW
Defnyddiwch y canllaw hwn er mwyn gweld a allai’r Cynllun Cyfrifyddu Blynyddol fod yn addas ar gyfer eich busnes.
Hysbysiad TAW 732: annual accounting
Mae’r hysbysiad hwn yn esbonio’r Cynllun Cyfrifyddu Blynyddol, pwy all ei ddefnyddio a sut i wneud cais i ymuno ag ef.
TAW: cais i ymuno â’r Cynllun Cyfrifyddu Blynyddol â’r Cynllun Cyfradd Unffurf (VAT600AA/FRS)
Defnyddiwch ffurflen VAT600AA/FRS i ymuno â’r Cynllun Cyfrifyddu Blynyddol a’r Cynllun Cyfradd Unffurf gyda’i gilydd.
TAW: cais i ymuno â’r Cynllun Cyfradd Unffurf (VAT600FRS)
Defnyddiwch ffurflen VAT600FRS i ymuno â’r Cynllun Cyfradd Unffurf.
Diweddarwyd ddiwethaf ar 20 December 2018 + show all updates
-
The Welsh version of this page has been updated.
-
An online forms service is now available.
-
Welsh version of the form VAT600AA has been added to this page.
-
Added translation