Crynodeb o Fynegai Prisiau Tai y DU: Mai 2017
Cyhoeddwyd 18 July 2017
© Hawlfraint y Goron 2017
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/statistics/uk-house-price-index-summary-may-2017/cce3c153-b640-4427-b9fa-c6088a03b6eb
1. Prif ystadegau ar gyfer Mai 2017
pris eiddo cyfartalog yn y DU oedd
£220,713
y newid mewn prisiau blynyddol ar gyfer eiddo yn y DU oedd
4.7%
y newid mewn prisiau misol ar gyfer eiddo yn y DU oedd
0.5%
y ffigur mynegai misol (Ionawr 2015 = 100) ar gyfer y DU oedd
115.8
Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch y polisïau adolygu.
2. Datganiad economaidd
Tyfodd prisiau tai y DU gan 4.7% yn y flwyddyn hyd at Fai 2017, 0.6 pwynt canran yn is nag yn y flwyddyn hyd at Ebrill 2017. Er bod y gyfradd twf flynyddol wedi arafu ers canol 2016 mae wedi parhau tua 5% yn ystod 2017.
O ran y galw am dai, nododd arolwg o’r farchnad breswyl Sefydliad Brenhinol y Syrfewyr Siartredig (RICS) ar gyfer Mai 2017 fod disgwyliadau pris yn parhau’n weddol gadarnhaol tra bo ymholiadau gan brynwyr newydd wedi lleihau dros y mis.
Dangosodd ystadegau Trafodion Eiddo y DU fod nifer y trafodion eiddo wedi’u haddasu’n dymhorol yn y DU gyda gwerth o £40,000 neu ragor wedi cynyddu gan 13.4% ym Mai 2017 o’i gymharu â Mai 2016. Roedd y lefel anarferol o isel o drafodion ym Mai 2016 yn gysylltiedig â chyflwyno’r cyfraddau treth uwch ar eiddo ychwanegol o 1 Ebrill 2016. Wrth gymharu Mai 2017 ag Ebrill 2017, cwympodd trafodion eiddo gan 3.3%.
Gan edrych yn fanylach ar lefel ranbarthol y DU, gwelwyd y twf blynyddol mwyaf yn Nwyrain Lloegr gyda phrisiau yn cynyddu gan 7.5% yn y flwyddyn hyd at Fai 2017. Dilynwyd hyn gan Ddwyrain Canolbarth Lloegr ar 7.2%. Roedd y twf blynyddol lleiaf yng Ngogledd Ddwyrain Lloegr, lle cynyddodd prisiau gan 1.6% dros y flwyddyn, wedi’i ddilyn gan Lundain ar 3.0%.
Yn ôl crynodeb o amodau busnes Asiantau Banc Lloegr ar gyfer ail chwarter 2017, roedd gweithgarwch yn dawel yn y farchnad dai yn y rhan fwyaf o’r Deyrnas Unedig wrth i’r galw leihau o’i gymharu â’r cyflenwad.
Ar yr ochr gyflenwi nododd RICS fod cyfarwyddiadau gwerthu newydd wedi parhau’n negyddol am y pymthegfed mis yn olynol. Nodwyd hefyd bod lefelau stoc asiantau tai cyfartalog yn parhau ar eu lefelau isaf erioed gyda diffyg cyflenwad yn parhau i gynnal prisiau.
3. Newidiadau mewn prisiau
3.1 Newidiadau mewn prisiau blynyddol
Newidiadau mewn prisiau blynyddol ar gyfer y DU yn ôl gwlad dros y pum mlynedd diwethaf
Mae prisiau tai cyfartalog yn y DU wedi cynyddu o 4.7% yn y flwyddyn hyd at Fai 2017 (i lawr o 5.3% yn y flwyddyn hyd at Ebrill 2017).
Daeth y prif gyfraniad at y cynnydd mewn prisiau tai yn y DU o Loegr, lle cynyddodd prisiau tai 5.0% dros y flwyddyn hyd at Fai 2017.
Gwelodd Cymru gynnydd o 3.8% mewn prisiau tai dros y 12 mis diwethaf.
Yn yr Alban, cynyddodd y pris cyfartalog o 3.5% dros y flwyddyn.
Cynyddodd y pris cyfartalog yng Ngogledd Iwerddon 4.3% dros y flwyddyn i Chwarter 1 (Ionawr i Fawrth) 2017.
3.2 Pris cyfartalog yn ôl gwlad a rhanbarth swyddfa’r llywodraeth
Pris, newid misol a newid blynyddol yn ôl gwlad a rhanbarth swyddfa’r llywodraeth
| Gwlad a rhanbarth swyddfa’r llywodraeth | Pris | Newid misol | Newid blynyddol |
|---|---|---|---|
| Cymru | £149,817 | 0.6% | 3.8% |
| Gogledd Iwerddon (Chwarter 1 – 2017) | £124,007 | -0.8% | 4.3% |
| Lloegr | £237,662 | 0.5% | 5.0% |
| Yr Alban | £143,106 | 0.7% | 3.5% |
| De Ddwyrain Lloegr | £315,807 | -0.3% | 4.8% |
| De Orllewin Lloegr | £243,969 | 0.4% | 5.5% |
| Dwyrain Canolbarth Lloegr | £180,903 | 1.3% | 7.2% |
| Dwyrain Lloegr | £284,097 | 0.7% | 7.5% |
| Gorllewin Canolbarth Lloegr | £183,942 | 0.8% | 5.3% |
| Gogledd Ddwyrain Lloegr | £126,738 | 1.8% | 1.6% |
| Gogledd Orllewin Lloegr | £153,297 | 0.7% | 3.8% |
| Llundain | £481,345 | -0.3% | 3.0% |
| Swydd Gaerefrog a’r Humber | £155,268 | 1.1% | 4.4% |
Newidiadau mewn prisiau yn ôl gwlad a rhanbarth swyddfa’r llywodraeth
3.3 Pris cyfartalog yn ôl math o eiddo
Pris misol cyfartalog yn ôl math o eiddo
| Math o eiddo | Mai 2017 | Mai 2016 | Gwahaniaeth |
|---|---|---|---|
| Tŷ sengl | £328,998 | £312,710 | 5.2% |
| Tŷ pâr | £207,769 | £197,445 | 5.2% |
| Tŷ teras | £178,091 | £172,087 | 3.5% |
| Fflat neu fflat deulawr | £202,267 | £192,743 | 4.9% |
| Holl | £220,713 | £210,872 | 4.7% |
4. Nifer y gwerthiannau
Oherwydd bod cyfnod o 2 i 8 wythnos rhwng cwblhau a chofrestru gwerthiannau, nid yw ffigurau nifer y gwerthiannau ar gyfer y ddau fis diweddaraf yn gyflawn eto, felly nid ydynt wedi’u cynnwys yn yr adroddiad.
4.1 Nifer y gwerthiannau: Mawrth 2017
Nifer y gwerthiannau yn ôl gwlad
| Gwlad | Mawrth 2017 | Mawrth 2016 | Gwahaniaeth |
|---|---|---|---|
| Lloegr | 62,342 | 111,901 | -44.3% |
| Gogledd Iwerddon (Chwarter 1 – 2017) | 4,379 | 6,127 | -28.5% |
| Yr Alban | 9,144 | 11,017 | -17.0% |
| Cymru | 3,451 | 5,354 | -35.5% |
4.2 Nifer y gwerthiannau ar gyfer y DU dros y pum mlynedd diwethaf
Nifer y gwerthiannau ar gyfer 2013 i 2017 yn ôl gwlad: Mawrth 2017
Ym Mawrth 2017, gostyngodd nifer y trafodion eiddo a gwblhawyd yn y DU o 41% o’i gymharu â Mawrth 2016. Roedd y lefel anarferol o uchel o drafodion ym Mawrth 2016 yn gysylltiedig â chyflwyno’r cyfraddau treth uwch ar eiddo ychwanegol o 1 Ebrill 2016.
5. Statws eiddo ar gyfer y DU
Tai a adeiledir o’r newydd ac eiddo presennol a ailwerthwyd
Mae’r amcangyfrif cyntaf ar gyfer tai a adeiledir o’r newydd yn seiliedig ar sampl fach a all achosi anwadalrwydd yn yr amcangyfrif cychwynnol hwn.
| Statws eiddo | Pris cyfartalog | Newid misol | Newid blynyddol |
|---|---|---|---|
| Tai a adeiledir o’r newydd | £286,271 | -0.1% | 9.1% |
| Eiddo presennol a ailwerthwyd | £216,401 | 0.6% | 4.4% |
6. Statws y prynwr ar gyfer Prydain Fawr
Prynwr am y tro cyntaf a chyn berchen-feddiannydd
Ar gyfer Prydain Fawr yn unig – nid yw data Gogledd Iwerddon ar gael ar gyfer statws y prynwr.
| Math o brynwr | Pris cyfartalog | Newid misol | Newid blynyddol |
|---|---|---|---|
| Prynwr am y tro cyntaf | £187,238 | 1.2% | 4.6% |
| Cyn berchen-feddiannydd | £255,254 | 0.0% | 4.9% |
7. Statws ariannu ar gyfer Prydain Fawr
Arian parod a morgais
Ar gyfer Prydain Fawr yn unig – nid yw data Gogledd Iwerddon ar gael ar gyfer statws ariannu.
| Statws ariannu | Pris cyfartalog | Newid misol | Newid blynyddol |
|---|---|---|---|
| Arian parod | £210,552 | 0.7% | 5.0% |
| Morgais | £230,428 | 0.5% | 4.8% |
8. Mynediad i’r data
Mae modd llwytho’r data i lawr fel ffeiliau CSV neu gael mynediad iddo gyda’n teclyn Mynegai Prisiau Tai y DU.
Diwygiadau data
Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.
9. Mynegai Prisiau Tai y DU
Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.
Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EM, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.
Darllenwch ragor Am Fynegai Prisiau Tai y DU.
10. Cysylltu
Lorna Jordan, Rheolwr Cynnyrch, Cofrestrfa Tir EM
Ebost lorna.jordan@landregistry.gov.uk
Ar gyfer ymholiadau cyffredinol am Fynegai Prisiau Tai y DU 0300 0068084
Rhys Lewis, Pennaeth Mynegeion y Farchnad Dai, Swyddfa Ystadegau Gwladol
Ebost rhys.lewis@ons.gov.uk
Ar gyfer ymholiadau data 01633 456400
Ciara Cunningham, Ystadegydd ar gyfer Mynegai Prisiau Tai Gogledd Iwerddon
Ebost ciara.cunningham@finance-ni.gov.uk
Ar gyfer ymholiadau Gogledd Iwerddon 028 90 336035
Ailsa Robertson, Rheolwr Tîm Data Tir ac Eiddo, Cofrestri’r Alban
Ebost ailsa.robertson@ros.gov.uk
Ar gyfer ymholiadau’r Alban 44 (0)131 659 6111 Est. 6387