Skip to main content
Canllawiau

Nodweddion mewnol ar gyfer carafannau modur

Diweddarwyd 21 Hydref 2019

© Hawlfraint y Goron 2019

Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.

Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.

Mae'r cyhoeddiad hwn ar gael yn https://www.gov.uk/government/publications/registering-a-diy-caravan/nodweddion-mewnol-ar-gyfer-carafannau-modur

Er mwyn i gerbyd gael ei gydnabod fel un sydd wedi’i drosi yn garafán modur, rhaid iddo fodloni pob un o’r 4 categori a ddangosir isod. Er mwyn i DVLA newid y math corff, rhaid i’r cerbyd gael y nodweddion parhaol allanol a ddisgrifir yng nghanllawiau DVLA ar gyfer trosi cerbyd yn garafán modur.

Categori 1: Seddi a bwrdd (1 enghraifft ar gyfer y ddau)

Rhaid i’r seddi a’r bwrdd gael y nodweddion canlynol:

  • rhaid iddynt fod yn rhan annatod o ardal llety byw’r cerbyd, ac wedi’u gosod yn annibynnol ar eitemau eraill

  • rhaid gosod y trefniant ar gyfer gosod y bwrdd yn barhaol, er y gellir tynnu pen y bwrdd

  • rhaid i seddi sydd wedi’u sicrhau’n barhaol fod wedi’u gosod i’r llawr neu i’r wal ochr, a bod ar gael i’w defnyddio wrth y bwrdd

Categori 2: Llety cysgu

O ran y llety cysgu:

  •   rhaid iddo fod yn rhan annatod o ardal llety byw y cerbyd

  • gall fod yn welyau, neu’n welyau a ffurfiwyd drwy drosi seddi

  • rhaid iddo fod wedi’i sicrhau fel nodwedd barhaol, naill ai i strwythur sylfaen llawr y cerbyd neu i’r wal ochr, oni bai bod y llety cysgu wedi’i ddarparu uwchben caban y gyrrwr

Categori 3: Cyfleusterau coginio

Rhaid i’ch trosiad gynnwys o leiaf gyfleuster coginio ag un cylch neu ficrodon, a rhaid iddo gael ei osod yn uniongyrchol ar lawr neu wal ochr y cerbyd fel nodwedd barhaol.

Os yw’r cyfleuster coginio’n cael ei danio gan gyflenwad nwy ar y cerbyd:

  • rhaid gosod y cynhwysydd tanwydd yn ddiogel mewn cwpwrdd storio, neu rhaid gosod y cynhwysydd yn ddiogel wrth strwythur y cerbyd

Os yw’r cyfleuster coginio’n cael ei danio gan nwy o gyflenwad tanwydd o bell:

  • rhaid gosod y bibell gyflenwi tanwydd yn barhaol wrth strwythur y cerbyd

Categori 4: Cyfleusterau storio

O ran y cyfleusterau storio:

  •  gallant fod yn gwpwrdd neu gwpwrdd clo

  •  rhaid iddynt ffurfio rhan annatod o lety byw’r cerbyd, wedi’u gosod yn annibynnol ar eitemau eraill, oni bai eu bod wedi’i ymgorffori o dan y sedd, y llety cysgu neu’r popty

  •  rhaid iddynt gael eu gosod yn barhaol ar lawr neu wal ochr y cerbyd, ac eithrio pan fo’r cyfleuster storio uwchben caban y gyrrwr

Gwybodaeth gyfreithiol

Mae’r canllawiau hyn yn dod o dan y telerau ac amodau sy’n berthnasol i holl gynnwys GOV.UK.

Back to top