Treth Gorfforaeth: Treth Iawndal (CT600K (2017) Fersiwn 3)
Dywedwch wrth CThEF os yw'ch cwmni yn agored i Dreth Gorfforaeth ar log iawndal.
Dogfennau
Manylion
Cyn i chi lawrlwytho’r ffurflen a’i hanfon drwy’r post, gwiriwch pryd y mae angen i chi anfon Ffurflen Dreth y Cwmni ar-lein (yn Saesneg).
Defnyddiwch y tudalennau atodol hyn os yw’ch cwmni’n agored i Dreth Gorfforaeth ar log iawndal ac mae ganddo log iawndal sydd heb ei eithrio rhag tâl treth iawndal.
Mae llog iawndal yn golygu elw sy’n bodloni amodau A i C.
Amod A
Mae’r elw yn llog a dalir, neu sy’n daladwy, gan Gomisiynwyr Cyllid a Thollau EF am gais gan y cwmni am iawndal mewn perthynas â’r naill neu’r llall o’r materion canlynol (neu faterion honedig):
- talu swm i’r Comisiynwyr o dan gamgymeriad cyfreithiol sy’n ymwneud â mater treth
- casgliad anghyfreithlon gan y Comisiynwyr o ran trethiant
Amod B
Mae llys wedi gwneud penderfyniad terfynol bod y Comisiynwyr yn atebol i dalu’r llog neu fod y Comisiynwyr a’r cwmni, i setlo’r cais yn derfynol, wedi dod i gytundeb, a bod gan y cwmni’r hawl i gael y llog wedi’i dalu iddo, neu y bu’n cadw’r llog.
Amod C
Nid yw’r llog a benderfynir ei fod yn ddyledus, neu a gytunwyd arno, wedi’i gyfyngu i log syml ar gyfradd statudol.
Ffurflenni ac arweiniad cysylltiedig
Defnyddiwch ffurflen CT600 (2024) Fersiwn 3 i gyflwyno Ffurflen Dreth y Cwmni am gyfnodau cyfrifyddu sy’n dechrau ar neu ar ôl 1 Ebrill 2015.
Defnyddiwch y Datganiad yr Hydref 2023 — trosolwg o ddeddfwriaeth dreth a chyfraddau (OOTLAR) (yn agor tudalen Saesneg) i gael trosolwg o’r newidiadau pennaf yn y Gyllideb, sy’n effeithio ar Dreth Gorfforaeth.
Defnyddiwch yr arweiniad CT600K i’ch helpu chi i lenwi’r ffurflen tudalen atodol CT600K.
Diweddarwyd ddiwethaf ar 30 August 2023 + show all updates
-
A link to the CT600K guidance has been added.
-
The related forms and guidance have been updated for 2023.
-
The related forms and guidance have been updated for 2022.
-
A Welsh translation of the form has been added
-
First published.