Data Pris a Dalwyd Mai 2016
Mae Data Pris a Dalwyd y Gofrestrfa Tir yn olrhain gwerthiannau tir ac eiddo yng Nghymru a Lloegr a gyflwynir i ni i'w cofrestru.
Mae Data Pris a Dalwyd y mis hwn yn cynnwys manylion dros 75,900 o werthiannau tir ac eiddo preswyl a masnachol yng Nghymru a Lloegr a gyflwynwyd i’w cofrestru ym mis Mai 2016.
O’r 75,937 o werthiannau a gyflwynwyd i’w cofrestru:
- roedd bron 54,000 ohonynt yn rhydd-ddaliol
- roedd tua 9,000 ohonynt yn adeiladau newydd
- cafwyd ychydig dros 20,600 o werthiannau ym mis Mai 2016
- cafwyd 296 o werthiannau preswyl ym mis Mai 2016 yng Nghymru a Lloegr am £1 filiwn ac uwch
- cafwyd 182 o werthiannau preswyl ym mis Mai 2016 yn Llundain am £1 filiwn ac uwch
Nifer y gwerthiannau a gyflwynwyd i’w cofrestru yn ôl math o eiddo
| Math o eiddo | Mai 2016 |
| Tŷ sengl | 16,382 |
| Tŷ pâr | 18,405 |
| Tŷ teras | 21,755 |
| Fflat/fflat deulawr | 17,873 |
| Arall | 1,522 |
| Cyfanswm | 75,937 |
Y gwerthiant preswyl drutaf ym mis Mai 2016 oedd fflat yn Ninas Westminster am £5.5 miliwn. Y gwerthiant preswyl rhataf ym mis Mai 2016 oedd tŷ teras yn Hartlepool, Swydd Durham am £11,400.
Roedd y gwerthiant masnachol drutaf ym mis Mai 2016 ym mwrdeistref Southwark, Llundain am £48.2 miliwn. Roedd y gwerthiant masnachol rhataf ym mis Mai 2016 yn Tunbridge Wells, Caint am £3,000.
Mynediad i’r set lawn o ddata.
Nodiadau i olygyddion
- Cyhoeddir Data Pris a Dalwyd am 11 y bore ar ugeinfed diwrnod gwaith pob mis. Cyhoeddir set ddata mis Mehefin ar ddydd Iau 28 Gorffennaf 2016.
- Data Pris a Dalwyd yw’r data prisiau eiddo ar gyfer yr holl werthiannau tir ac eiddo yng Nghymru a Lloegr a gyflwynir i ni i’w cofrestru yn ystod y mis hwnnw, yn amodol ar eithriadau.
- Mae’r wybodaeth ganlynol ar gael ar gyfer pob eiddo:
* y cyfeiriad llawn * y pris a dalwyd * dyddiad y trosglwyddiad * y math o eiddo * ai adeilad newydd yw’r eiddo ai peidio * ai rhydd-ddaliol neu brydlesol yw’r eiddo - Gellir llwytho Data Pris a Dalwyd i lawr ar ffurf txt, csv ac mewn ffurf y gellir ei darllen ar beiriant fel data cysylltiedig. Mae ar gael i unrhyw un ei archwilio neu ei ail-ddefnyddio am ddim o dan y Drwydded Gyffredinol Agored.
- Mae Data Pris a Dalwyd yn cynnwys Data Pris a Dalwyd Safonol (DPDS) ar gyfer gwerthiannau eiddo preswyl unigol am bris llawn y farchnad a Data Pris a Dalwyd Ychwanegol (DPDY) ar gyfer trafodion a eithriwyd cyn hynny o’r DPDS megis:
* trosglwyddiadau i unigolyn nad yw’n unigolyn preifat, er enghraifft cwmni, corff corfforaethol neu fusnes * trosglwyddiadau o dan bŵer gwerthu (adfeddiannau) * trafodion prynu i osod (lle y gellir eu hadnabod gan forgais)
Bydd y wybodaeth sydd ar gael ar gyfer pob eiddo yn nodi a yw’n DPDY neu’n DPDS a statws y cofnod – ychwanegiad/newid/dilead (A/C/D). - Mae’r lluniwr adroddiad Data Pris a Dalwyd yn cynnig modd i ddefnyddwyr lunio adroddiadau pwrpasol gan ddefnyddio’r data http://landregistry.data.gov.uk/app/ppd. Gall adroddiadau gael eu seilio ar leoliad, math o ystad, pris a dalwyd neu fath o eiddo dros gyfnod penodol o amser.
- Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir wedi bod ar agor i’r cyhoedd ei harchwilio er 1990.
- Gyda’r gronfa ddata o drafodion eiddo fwyaf o’r fath gyda manylion dros 24 miliwn o deitlau, mae’r Gofrestrfa Tir yn cefnogi’r economi trwy ddiogelu perchnogaeth eiddo sy’n werth biliynau o bunnoedd.
- I gael rhagor o wybodaeth ewch i wefan y Gofrestrfa Tir.
- Dilynwch ni ar:
* Twitter @LandRegGov, Twitter @CofrestrfaTir * ein blog * LinkedIn * Facebook
Cysylltu
Rheolwr y Wasg a Chysylltiadau Cyhoeddus
Marion Shelley
Head Office
Trafalgar House
1 Bedford Park
Croydon
CR0 2AQ
Ebost
marion.shelley@landregistry.gov.uk
Ffôn 0300 0067543
Symudol 07790 690297