Cael gofal plant - sy’n rhad ac am ddim os ydych yn gweithio
Pryd i wneud cais
Gwirio pryd i wneud cais am 30 awr o ofal plant sy’n rhad ac am ddim.
Gan fod y dyddiad cau ar gyfer gwneud cais am 15 awr o ofal plant sy’n rhad ac am ddim wedi mynd heibio, byddwch nawr yn gwneud cais am 30 awr yn lle hynny.
Os ydych eisoes yn cael 15 awr o ofal plant sy’n rhad ac am ddim, byddwch yn cael 30 awr o ofal plant sy’n rhad ac am ddim yn awtomatig o fis Medi ymlaen, cyn belled â’ch bod yn dal i fod yn gymwys. Bydd angen i chi gadarnhau bod eich manylion yn gyfredol yn y ffordd arferol a rhoi’r cod i’ch darparwr gofal plant.
Holwch eich darparwr gofal plant i gael gwybod yn union pryd bydd eich gofal plant sy’n rhad ac am ddim yn dechrau.
Pryd i wneud cais am 30 awr o ofal plant sy’n rhad ac am ddim
Gallwch wneud cais o’r adeg pan fydd eich plentyn yn 23 wythnos oed. Bydd y dyddiad pryd y cewch chi eich oriau yn dibynnu ar y dyddiad y bydd eich plentyn yn troi’n 9 mis oed.
| Pryd bydd eich plentyn yn troi’n 9 mis oed | O ba bryd y gallwch gael eich oriau | Dyddiad cau ar gyfer gwneud cais |
|---|---|---|
| Rhwng 1 Medi a 31 Rhagfyr | 1 Ionawr | 31 Rhagfyr |
| Rhwng 1 Ionawr a 31 Mawrth | 1 Ebrill | 31 Mawrth |
| Rhwng 1 Ebrill a 31 Awst | 1 Medi | 31 Awst |
Pryd i wneud cais os byddwch yn dychwelyd i’r gwaith ar ôl absenoldeb mamolaeth, absenoldeb tadolaeth, absenoldeb ar y cyd i rieni neu absenoldeb mabwysiadu
Bydd y dyddiad rydych yn dychwelyd i’r gwaith yn effeithio ar ba bryd y gallwch wneud cais am ofal plant sy’n rhad ac am ddim.
Gallwch wneud cais o’r adeg pan fydd eich plentyn yn 23 wythnos oed. Bydd y dyddiad pryd y cewch chi eich oriau yn dibynnu ar y dyddiad y bydd eich plentyn yn troi’n 9 mis oed.
| Dyddiad dychwelyd i’r gwaith | O ba bryd y gallwch gael eich oriau | Pryd i wneud cais |
|---|---|---|
| Rhwng 1 Hydref a 31 Ionawr | 1 Ionawr | 1 Medi i 31 Rhagfyr |
| Rhwng 1 Chwefror a 30 Ebrill | 1 Ebrill | 1 Ionawr i 31 Mawrth |
| Rhwng 1 Mai i 30 Medi | 1 Medi | 1 Ebrill i 31 Awst |
Os ydych ar absenoldeb ar y cyd i rieni ar gyfer y plentyn rydych yn gwneud cais amdano
Gallwch wneud cais os bydd un ohonoch yn dychwelyd i’r gwaith o fewn mis i ddechrau tymor yr hydref, y gwanwyn neu’r haf. Mae hyn yn golygu bod yn rhaid i un ohonoch ddychwelyd erbyn:
- 30 Medi
- 31 Ionawr
- 30 Ebrill
Gall y rhiant arall aros ar absenoldeb ar y cyd i rieni tan ddyddiad diweddarach.
Pryd i wneud cais os byddwch yn dechrau swydd newydd
Gallwch wneud cais am ofal plant sy’n rhad ac am ddim os ydych yn dechrau swydd newydd. Bydd y dyddiad y byddwch yn dechrau yn effeithio ar ba bryd y gallwch gael gofal plant sy’n rhad ac am ddim.
Gallwch wneud cais o’r adeg pan fydd eich plentyn yn 23 wythnos oed. Bydd y dyddiad pryd y cewch chi eich oriau yn dibynnu ar y dyddiad y bydd eich plentyn yn troi’n 9 mis oed.
Os ydych yn gwneud cais dros 31 diwrnod cyn i chi ddechrau eich swydd newydd, mae angen i chi gysylltu â Gwasanaeth Cwsmeriaid Cymraeg CThEF i gael cymorth gyda’ch cais.
| Dyddiad dechrau gweithio | O ba bryd y gallwch gael eich oriau | Pryd i wneud cais |
|---|---|---|
| Rhwng 1 Hydref i 31 Ionawr | 1 Ionawr | 1 Medi i 31 Rhagfyr |
| Rhwng 1 Chwefror a 30 Ebrill | 1 Ebrill | 1 Ionawr i 31 Mawrth |
| Rhwng 1 Mai i 30 Medi | 1 Medi | 1 Ebrill i 31 Awst |