Deall codau treth eich cyflogeion
Ystyr y llythrennau
Mae’r llythrennau sy’n rhan o god treth y cyflogai yn cyfeirio at ei sefyllfa a sut mae’n effeithio ar ei Lwfans Personol.
| Cod | Sut mae treth yn cael ei didynnu | Pryd y defnyddir y cod hwn fel arfer |
|---|---|---|
| 0T | O bob incwm - does dim Lwfans Personol | Pan nad yw’r cyflogai wedi rhoi P45 i chi, na digon o fanylion i gyfrifo’i god treth, neu pan fo’i Lwfans Personol eisoes wedi cael ei ddefnyddio |
| BR | O bob incwm ar y gyfradd sylfaenol | Ar gyfer ail swydd neu bensiwn |
| C | O incwm yn haenau treth Cymru | Ar gyfer cyflogai y mae ei brif gartref yng Nghymru |
| C0T | O bob incwm – does dim Lwfans Personol | Pan nad yw cyflogai, y mae ei brif gartref yng Nghymru, wedi rhoi P45 i chi, neu ddigon o fanylion i gyfrifo’i god treth, neu pan fo’i Lwfans Personol eisoes wedi’i ddefnyddio |
| CBR | O bob incwm ar y gyfradd sylfaenol yng Nghymru | Ar gyfer ail swydd neu bensiwn |
| CD0 | O bob incwm ar y gyfradd uwch yng Nghymru | Ar gyfer ail swydd neu bensiwn |
| CD1 | O bob incwm ar y gyfradd ychwanegol yng Nghymru | Ar gyfer ail swydd neu bensiwn |
| D0 | Ar gyfer pob incwm ar y gyfradd uwch | Ar gyfer ail swydd neu bensiwn |
| D1 | O bob incwm ar y gyfradd ychwanegol | Ar gyfer ail swydd neu bensiwn |
| L | Ar gyfraddau sylfaenol, uwch ac ychwanegol gan ddibynnu ar swm yr incwm trethadwy | Ar gyfer cyflogai sydd â’r hawl i gael y Lwfans Personol safonol rhydd o dreth |
| M | Ar gyfraddau sylfaenol, uwch ac ychwanegol gan ddibynnu ar swm yr incwm trethadwy | Ar gyfer cyflogai y mae ei briod neu’i bartner sifil wedi trosglwyddo rhywfaint o’i Lwfans Personol iddo |
| N | Ar gyfraddau sylfaenol, uwch ac ychwanegol gan ddibynnu ar swm yr incwm trethadwy | Ar gyfer cyflogai sydd wedi trosglwyddo cyfran o’i Lwfans Personol i’w briod neu ei bartner sifil |
| NT | Ni ddidynnir treth | Achosion penodol iawn, er enghraifft cerddorion yr ystyrir eu bod yn hunangyflogedig ac nad ydynt yn agored i TWE |
| S | Ar y cyfraddau yn yr Alban | Ar gyfer cyflogai y mae ei brif gartref yn yr Alban. |
| S0T | O bob incwm - does dim Lwfans Personol | Pan nad yw’r cyflogai sydd â’i brif gartref yn yr Alban wedi rhoi P45 i chi, na digon o fanylion i gyfrifo’i god treth, neu pan fo’i Lwfans Personol eisoes wedi cael ei ddefnyddio |
| SBR | O’r holl incwm ar y gyfradd sylfaenol yn yr Alban | Ar gyfer ail swydd neu bensiwn |
| SD0 | O’r holl incwm ar y gyfradd ganolradd yn yr Alban | Ar gyfer ail swydd neu bensiwn |
| SD1 | O’r holl incwm ar y gyfradd uwch yn yr Alban | Ar gyfer ail swydd neu bensiwn |
| SD2 | O’r holl incwm ar y gyfradd uchaf yn yr Alban | Ar gyfer ail swydd neu bensiwn |
| T | Ar gyfraddau sylfaenol, uwch ac ychwanegol gan ddibynnu ar swm yr incwm trethadwy | Pan fo angen i CThEM wirio rhai eitemau gyda’r cyflogai |
Os oes ‘W1’ neu ‘M1’ i’w gweld ar ddiwedd cod treth y cyflogai
Codau treth dros dro yw W1 (wythnos 1) a M1 (mis 1) sydd i’w gweld ar ddiwedd cod treth y cyflogai, er enghraifft ‘577L W1’ neu ‘577L M1’. Cyfrifwch dreth eich cyflogai dim ond ar y swm y telir iddo yn y cyfnod cyflog presennol, nid y flwyddyn gyfan.
Codau treth sydd â’r llythyren ‘K’
Defnyddir y llythyren K yng nghod treth y cyflogai pan fydd didyniadau sy’n ddyledus ar gyfer buddiannau cwmni, pensiwn y wladwriaeth, neu dreth sy’n ddyledus o flynyddoedd blaenorol, yn fwy na’i Lwfans Personol.
Lluoswch y rhif yn ei god treth â 10 i ddangos y swm y dylid ei ychwanegu at ei incwm trethadwy cyn y cyfrifir y didyniadau.
Enghraifft Mae gan gyflogai sydd â’r cod treth K475 a chyflog o £27,000 incwm trethadwy o £31,750 (£27,000 a £4,750).
Ni all y didyniad treth ar gyfer unrhyw gyfnod cyflog fod yn fwy na hanner cyflog neu bensiwn y cyflogai, cyn treth.