Herio penderfyniad budd-dal (ailystyriaeth orfodol)

Cymhwyster

Os ydych yn anghytuno â phenderfyniad ynglŷn â budd-daliadau, credydau treth neu gynhaliaeth plant gallwch ofyn i ni edrych ar y penderfyniad eto - gelwir hyn yn ‘ailystyriaeth orfodol’.

Mae’r dudalen hon ar gael hefyd yn Saesneg (English).

Gallwch wneud hyn os yw unrhyw un o’r canlynol yn berthnasol:

  • rydych chi’n meddwl bod y swyddfa sy’n delio â’ch cais wedi gwneud camgymeriad neu wedi methu tystiolaeth bwysig
  • rydych yn anghytuno â’r rhesymau dros y penderfyniad
  • rydych am i ni edrych ar y penderfyniad eto

Ni ellir ailystyried rhai penderfyniadau - bydd yn dweud ar eich llythyr penderfyniad gwreiddiol.

Mae angen i chi ofyn am ailystyriaeth orfodol o fewn mis i ddyddiad y penderfyniad.

Budd-daliadau y mae hyn yn berthnasol iddynt

Gallwch ofyn am ailystyriaeth orfodol am fudd-daliadu yn cynnwys:

  • Lwfans Gweini
  • Lwfans Profedigaeth
  • Lwfans Gofalwr
  • Credyd Gofalwr
  • cynhaliaeth plant (a elwir weithiau yn gymorth plant’)
  • Cynllun Adfer Iawndal (yn cynnwys ceisiadau adfer NHS)
  • Cynllun Talu Mesotheliomia Ymledol
  • Lwfans Byw i’r Anabl (DLA)
  • Lwfans Cyflogaeth a Chymorth (ESA)
  • Taliad Costau Angladd
  • Cymhorthdal Incwm
  • Budd-dal Anabledd Anafiadau Diwydiannol
  • Lwfans Ceisio Gwaith (JSA)
  • Lwfans Mamolaeth
  • Credyd Pensiwn
  • Taliad Annibyniaeth Personol (PIP)
  • Grant Mamolaeth Cychwyn Cadarn
  • Credyd Cynhwysol (yn cynnwys taliadau o flaen llaw)
  • Taliad Tanwydd Gaeaf