Cyfraddau treth cerbyd
Ceir a gofrestrwyd ar neu ar ôl 1 Ebrill 2017
Bydd angen ichi dalu treth pan fydd y cerbyd yn cael ei gofrestru am y tro cyntaf, a bydd hyn yn sicrhau’r cerbyd am 12 mis.
Ar ôl hynny byddwch yn talu treth cerbyd pob 6 neu 12 mis ar gyfradd wahanol.
Mae’r canllaw hwn hefyd ar gael yn Saesneg (English).
Taliad treth cyntaf pan rydych yn cofrestru’r cerbyd
Byddwch yn talu cyfradd sy’n seiliedig ar allyriadau CO2 y cerbyd pan y caiff ei gofrestru am y tro cyntaf.
Mae hyn yn berthnasol i rai cartrefi modur hefyd.
Mae’n rhaid ichi dalu cyfradd uwch am geir diesel sydd ddim yn bodloni’r safon Allyriadau Gyrru Real 2 (RDE2) ar gyfer allyriadau nitrogen ocsid. Gallwch ofyn i wneuthurwr eich car os yw eich car yn bodloni’r safon RDE2.
| Allyriadau CO2 | Ceir diesel (TC49) sy’n bodloni’r safon RDE2, ceir petrol (TC48), ceir tanwydd amgen a di-allyriadau | Pob car diesel arall (TC49) |
|---|---|---|
| 0g/km | £10 | £10 |
| 1 i 50g/km | £115 | £135 |
| 51 i 75g/km | £135 | £280 |
| 76 i 90g/km | £280 | £365 |
| 91 i 100g/km | £365 | £405 |
| 101 i 110g/km | £405 | £455 |
| 111 i 130g/km | £455 | £560 |
| 131 i 150g/km | £560 | £1,410 |
| 151 i 170g/km | £1,410 | £2,270 |
| 171 i 190g/km | £2,270 | £3,420 |
| 191 i 225g/km | £3,420 | £4,850 |
| 226 i 255g/km | £4,850 | £5,690 |
| Dros 255g/km | £5,690 | £5,690 |
Mae’r taliad hwn yn sicrhau eich cerbyd am 12 mis.
Cyfraddau am yr ail daliad treth ymlaen
| Petrol neu ddiesel, Trydan a Thanwydd amgen | |
|---|---|
| Un taliad am 12 mis | £200 |
| Un taliad am 12 mis drwy Ddebyd Uniongyrchol | £200 |
| Cyfanswm o 12 taliad drwy Ddebyd Uniongyrchol | £210 |
| Un taliad am 6 mis | £110 |
| Un taliad am 6 mis drwy Ddebyd Uniongyrchol | £105 |
Mae cerbydau tanwydd amgen yn cynnwys cerbydau hybrid, bioethanol a nwy petrolewm hylifedig.
Cerbydau gyda phris catalog o fwy na £40,000 (petrol/diesel) neu £50,000 (trydan)
Mae’n rhaid ichi dalu £440 ychwanegol y flwyddyn os oes gennych un o’r canlynol:
- car neu gartref modur gyda ‘phris catalog’ o fwy na £40,000
- car neu gartref modur trydan gyda phris catalog o fwy na £50,000
Mae hwn hefyd yn berthnasol i gerbydau trydan a gofrestrwyd rhwng 1 Ebrill 2025 a 31 Mawrth 2026.
Nid oes rhaid ichi dalu hwn os yw’r ddau o’r canlynol yn berthnasol:
- mae gennych gerbyd di-allyriadau
- cofrestrwyd y cerbyd cyn 1 Ebrill 2025
Y pris catalog yw pris cyhoeddedig y cerbyd cyn iddo gael ei gofrestru am y tro cyntaf. Dyma’r pris cyn gwneud unrhyw ostyngiadau.
Mae dim ond angen ichi dalu’r gyfradd hon am 5 mlynedd (o’r ail dro y trethir y cerbyd).
Gwiriwch y pris catalog gyda’ch deliwr ichi gael gwybod faint o dreth cerbyd y bydd rhaid ichi dalu.
| Petrol neu ddiesel, Trydan a Thanwydd amgen | |
|---|---|
| Un taliad am 12 mis | £640 |
| Un taliad am 12 mis drwy Ddebyd Uniongyrchol | £640 |
| Cyfanswm o 12 taliad drwy Ddebyd Uniongyrchol | £672 |
| Un taliad am 6 mis | £352 |
| Un taliad am 6 mis drwy Ddebyd Uniongyrchol | £336 |