Skip to main content
Rhoi gwybod i DVLA eich bod wedi gwerthu, trosglwyddo neu brynu cerbyd

Wedi gwerthu eich cerbyd i unigolyn preifat neu fusnes

Mae arnoch angen y cyfeirnod 11 digid o’r llyfr log (V5CW) diweddaraf.

  1. Rhowch y slip ‘ceidwad newydd’ gwyrdd o’r llyfr log i’r prynwr.

  2. Rhowch wybod i DVLA eich bod wedi gwerthu’r cerbyd drwy ddefnyddio’r gwasanaeth hwn.

  3. Dinistriwch weddill y llyfr log.

Ni allwch ddefnyddio’r gwasanaeth hwn os yw’r prynwr yn cofrestru’r cerbyd dramor. Mae hyn yn cynnwys Ynysoedd y Sianel (Jersey a Guernsey), Ynys Manaw ac Iwerddon. Mae angen ichi lenwi’r adran ‘allforio parhaol’ yn lle.

Rhoi gwybod i DVLA

Gallwch gymryd y rhif cofrestru oddi ar y cerbyd os ydych eisiau ei gadw. Mae’n rhaid ichi wneud hyn cyn rhoi gwybod i DVLA eich bod wedi gwerthu eich cerbyd.

Beth sy’n digwydd nesaf

Bydd eich treth cerbyd yn cael ei chanslo gan DVLA unwaith y byddwch yn rhoi gwybod iddynt nad ydych yn berchen ar eich cerbyd bellach.

Byddwch yn derbyn:

  • cadarnhad e-bost (os gwnaethoch roi eich cyfeiriad e-bost)
  • llythyr yn cadarnhau nad ydych bellach yn geidwad y cerbyd
  • siec ad-daliad am unrhyw fisoedd llawn sy’n weddill ar eich treth cerbyd, wedi eu cyfrifo o’r diwrnod y mae DVLA yn cael eich gwybodaeth - os ydych yn talu drwy Ddebyd Uniongyrchol, bydd hyn yn cael ei ganslo’n awtomatig

Mae’n rhaid i’r prynwr drethu’r cerbyd cyn ei yrru, neu ddatgan ei fod oddi ar y ffordd (HOS). Ni fydd y dreth yn trosglwyddo pan werthir y cerbyd.

Dylai’r ceidwad newydd gael:

  • cadarnhad e-bost (os gwnaethoch roi ei gyfeiriad e-bost)
  • llyfr log newydd o fewn 5 i 7 diwrnod gwaith

Ffyrdd eraill o wneud cais

Llenwch y llyfr log ac anfonwch i DVLA. Gwnewch yn siŵr eich bod yn talu’r gost postio gywir.

DVLA
Abertawe
SA99 1BA

Os nad oes gennych lyfr log

Rhaid ichi ysgrifennu i DVLA gyda’r canlynol:

  • eich enw a chyfeiriad
  • y rhif cofrestru cerbyd
  • y gwneuthuriad a model
  • union ddyddiad y gwerthiant
  • enw a chyfeiriad y ceidwad newydd

Gall eich hysbysiad gael ei wrthod os nad ydych yn darparu’r holl wybodaeth hon. Bydd hyn hefyd yn effeithio ar unrhyw ad-daliad treth cerbyd sy’n ddyledus ichi.

DVLA
Abertawe
SA99 1BA

Gwnewch yn siŵr eich bod yn talu’r gost postio gywir.

Eich atebion

Dechrau eto

1. Ydych chi’n fasnachwr moduron?
Nac ydw
Newid 1. Ydych chi’n fasnachwr moduron?
2. Beth ydych chi wedi gwneud gyda’ch cerbyd?
Wedi ei werthu
Newid 2. Beth ydych chi wedi gwneud gyda’ch cerbyd?
3. Wnaethoch chi werthu’r cerbyd yn breifat, neu i fasnachwr moduron?
Wedi ei werthu yn breifat i unigolyn neu fusnes
Newid 3. Wnaethoch chi werthu’r cerbyd yn breifat, neu i fasnachwr moduron?

Cynnwys cysylltiedig