Anfonwch fanylion i ategu eich hawliad am ad-daliad TAW
Os ydych wedi cael llythyr neu e-bost oddi wrth CThEF yn gofyn i chi anfon rhagor o fanylion i ategu’ch hawliad am ad-daliad TAW, defnyddiwch y ffurflen hon.
Dylech ond defnyddio’r ffurflen hon os ydych wedi cael llythyr neu e-bost oddi wrth CThEF yn gofyn i chi anfon rhagor o fanylion i ategu’ch hawliad am ad-daliad TAW. Bydd y llythyr neu’r e-bost yn dweud wrthych am ddefnyddio’r ffurflen.
Pryd y dylech anfon manylion
Dylech ond defnyddio’r ffurflen hon os ydych wedi:
- hawlio ad-daliad TAW yn eich Ffurflen TAW
- cael llythyr neu e-bost oddi wrth CThEF yn rhoi gwybod i chi ein bod yn bwriadu gwirio’ch ffigurau
Gallwch hefyd ddefnyddio’r ffurflen hon os ydych yn asiant awdurdodedig sy’n anfon manylion ar ran cleient.
Yr hyn y bydd ei angen arnoch
Bydd angen y canlynol arnoch:
- eich rhif cofrestru TAW
- y cyfeirnod CFS, CFSS neu CFSRP sydd ar y llythyr neu’r e-bost a anfonwyd gennym (er enghraifft, CFSRP-12345)
- manylion eich prif weithgareddau busnes
- y dyddiad y gwnaethoch ddechrau masnachu (os mai’ch Ffurflen TAW gyntaf ydyw)
- y cyfraddau TAW sy’n berthnasol i’ch gwerthiannau
- manylion unrhyw gynlluniau TAW rydych yn eu defnyddio (er enghraifft, y Cynllun Cyfrifyddu Arian Parod TAW)
- manylion am bwy lenwodd a phwy gyflwynodd y Ffurflen TAW
- enwau unrhyw becynnau meddalwedd os ydych yn dilyn rheolau Troi Treth yn Ddigidol
- eich cyfrif TAW manwl
- eich 10 anfoneb uchaf o ran gwerth wrth brynu lle mae TAW wedi’i chodi
- cyfriflenni banc
Yn dibynnu ar eich amgylchiadau, mae’n bosibl y bydd hefyd angen y canlynol arnoch:
- awdurdodiad ysgrifenedig am hyd at 2 berson ychwanegol gan y cwsmer sydd wedi’i gofrestru ar gyfer TAW
- anfonebau gwerthiannau wedi’u hallforio, neu ddogfennau ategol
- dogfennau TAW mewnforio
- cytundebau hurbwrcasu neu gytundebau prydlesu
- Dogfennau atodol am brynu tir neu eiddo y mae’n rhaid eu bod yn cynnwys:
- datganiad cwblhau
- ffurflen TR1
- tystiolaeth o drosglwyddo’r arian
- tystiolaeth o dalu Treth Dir y Tollau Stamp
- anfonebau prynu
- cyfeirnodau cynllunio a chodau post y safleoedd adeiladu (os ydych yn cyflenwi gwasanaethau adeiladu)
- anfonebau gwerthiannau lle codwyd cyfraddau TAW ansafonol
- unrhyw wybodaeth ychwanegol rydych chi o’r farn ei bod yn ategu eich hawliad am ad-daliad TAW
Sut i awdurdodi rhywun i weithredu ar eich rhan
Gallwch awdurdodi asiant i weithredu ar eich rhan i ategu’ch hawliad am ad-daliad TAW gan ddefnyddio’r canlynol:
- ysgwyd llaw’n ddigidol (yn agor tudalen Saesneg)
- eich cyfrif treth busnes (yn agor tudalen Saesneg)
- ffurflenni awdurdodi (yn agor tudalen Saesneg)
Gallwch hefyd ddefnyddio trydydd parti, megis cyflogai neu aelod o’r teulu, i weithredu ar ran y busnes. Bydd angen i’r cwsmer, sydd wedi’i gofrestru ar gyfer TAW, roi ei ganiatâd yn ysgrifenedig. Gallwch uwchlwytho caniatâd ysgrifenedig o fewn y ffurflen ar-lein hon.
Pan fyddwch yn rhoi caniatâd, mae’n rhaid i chi gynnwys y canlynol:
- enw pob person rydych yn ei awdurdodi, a’u llofnodion wedi’u dyddio, hyd at uchafswm o 2 berson
- enw’r cwsmer sydd wedi’i gofrestru ar gyfer TAW, ei swydd yn y busnes a’i lofnod wedi’i ddyddio
- awdurdod ar gyfer pob person i gadarnhau y gall weithredu ar ran y busnes mewn achosion sy’n ymwneud â’r hawliad am ad-daliad TAW
Os oes angen i chi roi gwybod i ni am fwy nag un cyfnod TAW
Bydd angen i chi lenwi ffurflen newydd ar gyfer pob cyfnod rydym wedi gofyn am fanylion yn ei gylch.
Bydd angen i chi nodi manylion amdanoch chi’ch hun a’r busnes bob tro, ac uwchlwytho dogfennau i ategu’r cyfnod hwnnw.
Sut i anfon manylion
Bydd arnoch angen y Dynodydd Defnyddiwr (ID) a’r cyfrinair ar gyfer Porth y Llywodraeth a ddefnyddioch wrth gofrestru ar gyfer TAW.
Os ydych yn asiant awdurdodedig sy’n anfon manylion ar ran cleient, dylech ddefnyddio eich Dynodydd Defnyddiwr (ID) a chyfrinair ar gyfer asiantau. Gallwch ond llenwi’r ffurflen hon ar ran cleientiaid sydd wedi’u hawdurdodi.
Gallwch gadw’r hyn yr ydych wedi’i nodi a dod yn ôl yn nes ymlaen.
Yr hyn sy’n digwydd nesaf
Rydym yn bwriadu edrych ar yr wybodaeth a anfonwch cyn pen 7 diwrnod gwaith.
Byddwn yn cysylltu â chi pan fyddwn wedi dod i benderfyniad, neu os bydd angen rhagor o wybodaeth arnom.
Os na fyddwch yn clywed gennym ar ôl 7 diwrnod gwaith, gallwch gysylltu â ni wrth ddefnyddio’r rhif ffôn sydd ar y llythyr a anfonwyd gennym.
Diweddarwyd ddiwethaf ar 4 March 2024 + show all updates
-
Instructions have been added for how to authorise someone to act on your behalf and what to do if you need to tell us about more than one VAT period.
-
Guidance about what you’ll need has been updated to explain that you can also use your 'CFS' reference number.
-
Added translation
-
First published.