Signalau goleuadau yn rheoli traffig

Signalau goleuadau a ddefnyddir i reoli traffig, gan gynnwys signalau goleuadau traffig, goleuadau coch sy'n fflachio, signalau traffyrdd a signalau rheoli lonydd.

Signalau goleuadau traffig

Mae COCH yn golygu 'Stopiwch'. Arhoswch y tu ôl i'r llinell stop ar y cerbytffordd

Mae COCH AC AMBR yn golygu 'Stopiwch' hefyd. Peidiwch â mynd trwodd na dechrau nes i'r golau GWYRDD ddangos

Mae GWYRDD yn golygu y cewch fynd ymlaen os bydd y ffordd yn glir. Byddwch yn ofalus iawn os ydych yn bwriadu troi i'r chwith neu'r dde ac ildiwch i gerddwyr sy'n croesi

Mae AMBR yn golygu 'Stopiwch' ar y llinell stop. Gallwch ond fynd ymlaen os bydd y golau AMBR yn ymddangos ar ôl i chi groesi'r llinell stop neu os ydych mor agos ato y gallai tynnu i fyny achosi damwain

Gellir darparu SAETH WERDD yn ogystal â'r signal gwyrdd llawn os caniateir symud i gyfeiriad penodol cyn neu ar ôl y cyfnod gwyrdd llawn. Os bydd y ffordd yn glir, gallwch fynd i'r cyfeiriad a ddangosir ar y saeth yn unig. Cewch wneud hyn beth bynnag y bydd goleuadau eraill yn eu dangos. Gellir darparu signalau golau gwyn ar gyfer tramiau

Goleuadau coch sy’n fflachio

Mae goleuadau coch sy'n fflachio bob yn ail yn golygu bod RHAID I CHI STOPIO

Ar groesfannau gwastad, pontydd codi, meysydd awyr, gorsafoedd tân, ac ati.

Signalau traffyrdd

Defnyddir yr arwyddion hyn hefyd ar ffyrdd cyflym eraill.

Mae'n RHAID I CHI BEIDIO â mynd ymhellach yn y lôn hon

Newidiwch lôn

Llai o welededd o'ch blaen

Lôn o'ch blaen ar gau

Y cyflymder uchaf dros dro a gynghorir a neges wybodaeth

RHAID I CHI BEIDIO â mynd i mewn i'r lôn chwith, y terfyn cyflymder uchaf gorfodol dros dro a'r neges wybodaeth

Y cyflymder uchaf dros dro

Diwedd y cyfyngiad

Lonydd a reolir gan signalau

Saeth werdd - lôn ar agor i draffig sy’n wynebu’r arwydd

Croesau coch - lôn ar gau i draffig sy’n wynebu’r arwydd

Saeth groeslin gwyn - newidiwch lonydd yn y cyfeiriad a ddangosir