Rhyddhad Treth Ymchwil a Datblygu: Cymorth ychwanegol o ran Ymchwil a Datblygu dwys ar gyfer MBaCh sy’n gwneud colled wedi’u lleoli yng Ngogledd Iwerddon
Gwiriwch a allwch hawlio Cymorth ychwanegol o ran Ymchwil a Datblygu dwys (ERIS) fel menter bach a chanolig (MBaCH) sy’n gwneud colledion yng Ngogledd Iwerddon.
Mae Rheoliadau Ymchwil a Datblygu (R&D) (Rhyddhad Pennod 2) 2024 (‘y rheoliadau’) yn darparu ar gyfer colledion, Ymchwil a Datblygu mentrau dwys, bach a chanolig (MBaCH), gyda swyddfa gofrestredig yng Ngogledd Iwerddon.
Gall MBaCH sydd wedi’u cofrestru yng Ngogledd Iwerddon nad yw eu gweithgareddau busnes yn cynnwys unrhyw elfen o fasnachu mewn nwyddau, a dim gweithgareddau perthnasol mewn perthynas â thrydan, ddewis optio allan o’r darpariaethau hyn trwy roi gwybod i CThEF.
Nid yw cwmnïau yr effeithir arnynt yn amodol ar gyfyngiadau ar gyfer rhyddhad ar daliadau i gontractwyr tramor neu ddarparwyr gweithwyr a ddarperir yn allanol, a byddant yn gallu hawlio cymorth ychwanegol o ran Ymchwil a Datblygu dwys (ERIS), yn amodol ar derfyn parhaus o 3 blynedd. Uwchlaw’r terfyn hwn, mae rhyddhad ar gael o dan y cynllun unedig newydd.
Mae’r arweiniad hwn yn berthnasol i chi os yw’r canlynol yn berthnasol:
- rydych yn fenter bach a chanolig (MBaCH) sy’n hawlio ERIS
- mae’ch swyddfa gofrestredig yng Ngogledd Iwerddon
- mae gennych un o’r canlynol:
- masnach mewn nwyddau, neu fasnach sy’n cynnwys gweithgareddau perthnasol mewn perthynas â thrydan
- dim masnach mewn nwyddau, ac nid yw’ch masnach yn cynnwys gweithgareddau perthnasol mewn perthynas â thrydan, ond nid ydych wedi penderfynu optio allan drwy roi gwybod i CThEF o dan baragraff (3)(b) o reoliad 2
Pwy all optio allan
Os nad yw’ch gweithgareddau busnes yn cynnwys unrhyw elfen o fasnach mewn nwyddau, a dim gweithgareddau perthnasol mewn perthynas â thrydan, gallwch optio allan drwy roi gwybod i CThEF yn ysgrifenedig o dan baragraff (3)(b) o reoliad 2. Gallwch wneud hyn pan fyddwch yn darparu gwybodaeth ychwanegol i ategu’ch hawliad Ymchwil a Datblygu. Os byddwch yn gwneud hyn, bydd y cyfyngiadau tramor yn berthnasol, ond ni fydd y terfyn ar faint o ryddhad sydd ar gael mewn cyfnod o dair blynedd barhaus yn berthnasol.
Cyfyngiadau tramor
Ar gyfer cwmnïau yr effeithir arnynt, nid yw’r cyfyngiadau ar ryddhad ar wariant tramor ar Ymchwil a Datblygu sydd wedi’i gontractio’n allanol ac ar yr amod nad yw gweithwyr yn berthnasol at ddibenion unrhyw hawliad o dan ERIS. Bydd y cyfyngiadau yn berthnasol ar gyfer unrhyw symiau gweddilliol a hawlir o dan y cynllun cyfunol.
Beth yw masnach mewn nwyddau
Mae gennych fasnach mewn nwyddau os yw unrhyw un o’ch gweithgareddau busnes yn cynnwys unrhyw elfen o fasnachu mewn nwyddau.
Os nad ydych yn siŵr, dylech fynd ymlaen ar y sail eich bod yn masnachu mewn nwyddau.
Gweithgareddau perthnasol mewn perthynas â thrydan
Gweithgareddau perthnasol yw cynhyrchu, trosglwyddo, dosbarthu, cyflenwi, masnachu cyfanwerthu a chyfnewid trydan trawsffiniol.
Faint y gallwch ei hawlio o dan ERIS
Mae’r terfyn yn berthnasol i fudd net yr holl hawliadau a wneir o dan ERIS dros unrhyw gyfnod o 3 blynedd, ar sail barhaus (‘y budd net perthnasol’). Ni ddylai hyn fod yn fwy na £250,000.
Y swm budd net ar gyfer hawliad ERIS penodol yw’r swm y mae budd yr hawliad o dan ERIS yn fwy na budd hawliad cyfatebol am gredyd gwariant Ymchwil a Datblygu (RDEC) o dan y cynllun cyfunol.
Cyfrifir y budd net ar gyfer hawliad penodol o dan ERIS am gyfnod cyfrifyddu gan ddefnyddio’r fformiwla ganlynol:
N = (A + B + C) – D
Lle bo:
- N yw’r swm budd net
- A yw’r swm y mae rhwymedigaeth y cwmni i dalu treth gorfforaeth (mewn unrhyw gyfnod cyfrifyddu) yn cael ei leihau o ganlyniad i ryddhad Pennod 2 a gafwyd gan y cwmni am y cyfnod, er enghraifft trwy ddefnyddio colledion sy’n codi o ganlyniad i’r hawliad am gyfnod yn erbyn elw cyfnod arall
- B yw swm unrhyw symiau y mae rhwymedigaeth unrhyw gwmni arall i dalu treth gorfforaeth (mewn unrhyw gyfnod cyfrifyddu) yn cael ei leihau yn rhinwedd colled sy’n cynnwys y ddau o’r canlynol:
- (a) yn codi o ganlyniad i ryddhad Pennod 2 a gafwyd gan y cwmni am y cyfnod
- (b) yn cael ei ildio gan y cwmni i’r cwmni arall o dan Ran 5 neu 5A o Ddeddf Treth Gorfforaeth 2010 (ildio rhyddhad rhwng aelodau o grwpiau a chonsortia)
- C yw swm y credyd treth Ymchwil a Datblygu y mae gan y cwmni hawl iddo, ac y mae’n hawlio amdano, am y cyfnod
- D yw gwerth net y RDEC y byddai’r cwmni wedi bod â hawl iddo gael y gwariant y mae’r cwmni’n honni bod rhyddhad Pennod 2 mewn cysylltiad ag ef yn hytrach wedi bod yn destun hawliad am ryddhad o dan Bennod 1A o Ran 13 o CTA 2009 — diffinnir hyn fel y trydydd swm y cyfeirir ato yn adran 1042K o CTA 2009 (swm cychwynnol y credyd gwariant, minws y didyniad treth tybiannol)
I gyfrifo’r budd net perthnasol, adiwch y canlynol at ei gilydd:
- y budd net ar gyfer yr hawliad yn y cyfnod cyfrifyddu cyfredol
- y symiau budd net ar gyfer hawliadau ERIS, a wnaed mewn unrhyw gyfnod cyfrifyddu blaenorol gan y cwmni a ddechreuodd ar neu ar ôl 1 Ebrill 2024, ac a ddaeth i ben o fewn y cyfnod o 3 blynedd sy’n dod i ben â diwrnod olaf y cyfnod cyfrifyddu dan sylw
Ni ddylai’r budd net perthnasol fod yn fwy na £250,000. Ni chaniateir hawliadau am ERIS sy’n mynd dros y terfyn hwn, ac mae gan CThEF y pŵer i fynd i’r afael ag unrhyw anghywirdebau mewn Ffurflenni Treth. Os byddwch yn cyflwyno hawliad anghywir, mae’n bosibl y byddwch yn dod yn agored i gosbau ar sail dreth.
Rhyddhad y gallwch ei gael am wariant na allwch hawlio amdano o dan ERIS
Gallwch hawlio RDEC am unrhyw wariant Ymchwil a Datblygu cymwys ychwanegol o dan y cynllun newydd cyfunol. Dysgwch ragor o wybodaeth am Research and Development (R&D) Tax Relief: The merged scheme and enhanced R&D intensive support (yn agor tudalen Saesneg).
Diweddarwyd ddiwethaf ar 10 May 2024 + show all updates
-
Added Welsh translation. The paragraph cited from The Research and Development (R&D) Relief (Chapter 2 Relief) Regulations 2024 has been corrected to paragraph (3)(b) of regulation 2.
-
First published.